ବିଶିଷ୍ଟ ସାହିତ୍ୟିକ କୁମାର ହସନଙ୍କ ପତ୍ନୀବିୟୋଗ

ସମ୍ବଲପୁର,: ‘ସମାଜ’ର ଅବସରପ୍ରାପ୍ତ ସହସମ୍ପାଦକ ତଥା ବିପ୍ଲବୀ କବି ଓ ସାହିତ୍ୟିକ କୁମାର ହସନଙ୍କ ପତ୍ନୀ ବିଲକିସ ଜାହାଁବେଗମଙ୍କ ରବିବାର ସନ୍ଧ୍ୟା ପ୍ରାୟ ୫ଟା ୧୫ ମିନିଟରେ ବୁର୍ଲା ଡାକ୍ତରଖାନାରେ ପରଲୋକ ହୋଇଯାଇଛି। ମୃତ୍ୟୁବେଳକୁ ତାଙ୍କୁ ୬୦ ବର୍ଷ ବୟସ ହୋଇଥିଲା। ଛାତି ରୋଗରେ ପୀଡ଼ିତା ବିଲକିସ ୨ ମାସ ୧୩ ଦିନ ହେଲା ବୁର୍ଲା ଡାକ୍ତରଖାନାରେ ଚିକିତ୍ସିତ ହେଉଥିଲେ। ତାଙ୍କର ୩ ପୁଅ ସାଦିକ ହସନ, ସମୀର ହସନ ଓ ଫିରୋଜ ହସନ ଏବଂ ୩ ଝିଅ ସୀମା ସବନମ, ସବାନା ବେଗମ ଓ ନିଲୋଫର ବେଗମ, ଦୁଇ ଜ୍ବାଇଁ ମୁଜିମୁଦ୍ଦିନ ଖାନ ଓ ଅନୱର ଖାନ ଏବଂ ୨ ନାତି ଅଛନ୍ତି। ବିଲକିସଙ୍କ ମୃତଦେହକୁ ଆଜି ରାତିରେ ସ୍ଥାନୀୟ ମୋତିଝରଣସ୍ଥିତ ବାସଭବନରେ ରଖାଯାଇଛି। ଆସନ୍ତାକାଲି ତାଙ୍କ ଶେଷକୃତ୍ୟ ସମ୍ପନ୍ନ ହେବ ବୋଲି ପୁଅ ଫିରୋଜ ସୂଚନା ଦେଇଛନ୍ତି। ଦୈନିକ ‘ସମାଜ’ର କାର୍ଯ୍ୟକାରୀ ସମ୍ପାଦକ ସୁଶାନ୍ତ କୁମାର ମହାନ୍ତି ଓ କାର୍ଯ୍ୟକାରୀ ମୁଖ୍ୟ ପରିଚାଳକ ପ୍ରିୟବ୍ରତ ମହାନ୍ତି ବିଲକିସଙ୍କ ବିୟୋଗରେ ଗଭୀର ଶୋକପ୍ରକାଶ କରିବା ସହିତ ଶୋକସନ୍ତପ୍ତ ପରିବାରକୁ ସମବେଦନା ଜ୍ଞାପନ କରିଛନ୍ତି।

Comments
Loading...