ରୋଟାରୀ କ୍ଲବ ଅଫ ସମ୍ବଲପୁର ଗ୍ରେଟର ପକ୍ଷରୁ ପ୍ରଶାସନକୁ ୧୦ଟି ହାତଧୁଆ ଷ୍ଟେସନ ପ୍ରଦାନ

ସମ୍ବଲପୁର : ସାରା ବିଶ୍ୱରେ କରୋନା ମୁକାବିଲା ପାଇଁ ବିଭିନ୍ନ ପଦକ୍ଷେପ ନିଆଯାଉଛି। କରୋନା ବିରୋଧରେ ଦେଶରେ ଚାଲିଥିବା ମୁକାବିଲା ପାଇଁ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ଆହ୍ୱାନ କ୍ରମରେ ବିଭିନ୍ନ ସାମାଜିକ ଅନୁଷ୍ଠାନ ବିଭିନ୍ନ ପ୍ରକାରର ସହାୟତା ସରକାର ଓ ପ୍ରଶାସନକୁ ଯୋଗାଇ ଦେଉଛନ୍ତି। ଏହି କ୍ରମରେ ରୋଟାରୀ କ୍ଲବ ଅଫ ସମ୍ବଲପୁର ଗ୍ରେଟର ପକ୍ଷରୁ ୧୦ଟି ହାତ ଧୁଆ ଷ୍ଟେସନ ସମ୍ବଲପୁର ଜିଲା ପ୍ରଶାସନକୁ ପ୍ରଦାନ କରାଯାଇଛି। ଏ ସର୍ମ୍ପକରେ ସମ୍ବଲପୁର ଗ୍ରେଟର ସଭାପତି ପରଭେଜ ଅଲ୍ଲୀ ଖାନ କହିଛନ୍ତି ଯେ, ଏବେ କରୋନାର ମୁକାବିଲା କରିବା ପାଇଁ ପ୍ରତି ୨୦ ମିନିଟରେ ଅତିକମରେ ୨୦ ସେକେଣ୍ଡ ପାଇଁ ହାତ ଭଲ ଭାବରେ ଧୋଇବା ଆବଶ୍ୟକ ଅଟେ। ଏଣୁ ଏହି ଘଡିସନ୍ଧି ମୁହୁର୍ତ୍ତରେ କ୍ଲବ ନିଜର ସାମାଜିକ ଦାୟିତ୍ୱକୁ ନିର୍ବାହ କରିବା ପାଇଁ ଏହି ହାତଧୁଆ ଷ୍ଟେସନ ଗୁଡିକୁ ଜିଲା ପ୍ରଶାସନକୁ ପ୍ରଦାନ କରାଯାଇଛି। ଆଗାମୀ ଦିନରେ କ୍ଲବ ପକ୍ଷରୁ ଯଥାସାଧ୍ୟ ସହାୟତା ପ୍ରଦାନ କରାଯିବ ବୋଲି ସଭାପତି ଖାନ କହିଛନ୍ତି। ଏହି ହାତଧୁଆ ଷ୍ଟେସନ ଗୁଡିକୁ ଜିଲା ପ୍ରଶାସନ ତରଫରୁ ବିଭିନ୍ନ ସ୍ଥାନରେ ଲଗାଯିବ ବୋଲି ଜଣାପଡିଛି।

Comments
Loading...