କାଲିଠୁ ଆମାଜୋନ ଓ ଫ୍ଲିପ କାର୍ଟରେ ସ୍ମାର୍ଟଫୋନ ବିକ୍ରି ଆରମ୍ଭ

ନୂଆଦିଲ୍ଲୀ : କରୋନା ସଂକ୍ରମଣର ପ୍ରଭାବକୁ ଦୃଷ୍ଟିରେ ରଖି ଲକ ଡାଉନ ଅବଧିକୁ ମେ’୧୭କୁ  ବୃଦ୍ଧି କରାଯାଇଛି। ଆହୁରି ମଧ୍ୟ ଦେଶର ବିଭିନ୍ନ ରାଜ୍ୟଗୁଡିକରେ କରୋନା ସଂକ୍ରଣକୁ ଆଧାରକରି ରେଡ୍, ଗ୍ରୀନ ଏବଂ ଅରେଞ୍ଜ ଜୋନରେ ବିଭକ୍ତ କରାଯାଇଛି । ଭାରତ ସରକାରଙ୍କ ନୂତନ ନିର୍ଦ୍ଦେଶାବଳୀ ଅନୁଯାୟୀ, ଗ୍ରୀନ ଓ ଅରେଞ୍ଜ ଜୋନରେ ଅତ୍ୟାବଶ୍ୟକ ସାମଗ୍ରୀ ବିକ୍ରି ଆସନ୍ତାକାଲି ଅର୍ଥାତ୍ ୪ ତାରିଖରୁ ଇ-କମର୍ସ ସାଇଟରେ ଆରମ୍ଭ ହେବ। ବର୍ତ୍ତମାନ ଲୋକମାନେ ଆସନ୍ତାକାଲିଠାରୁ ସ୍ମାର୍ଟଫୋନ, ସ୍ମାର୍ଟ ଟିଭି ଏବଂ ଫ୍ରିଜ୍ କିଣିପାରିବେ। ଏହା ବ୍ୟତୀତ ଖୁଚୁରା ଷ୍ଟୋରଗୁଡିକୁ ମଧ୍ୟ ଏହି ଜୋନ୍ ଗୁଡିକରେ ଖୋଲାଯିବ ।

ସରକାରଙ୍କ ନୂତନ ଗାଇଡଲାଇନ : ଭାରତ ସରକାରଙ୍କ ନୂତନ ନିର୍ଦ୍ଦେଶାବଳୀ ଅନୁଯାୟୀ ଅଣ-ଅତ୍ୟାବଶ୍ୟକ ସାମଗ୍ରୀ ବିତରଣ ଇ-ବାଣିଜ୍ୟ ସାଇଟରେ ଆସନ୍ତା ୪ ତାରିଖରୁ ଆରମ୍ଭ ହେବ। ଏହା ସହିତ, ଗ୍ରୀନ୍ ଏବଂ ଅରେଞ୍ଜ ଜୋନ୍ ଅଞ୍ଚଳରେ କେବଳ ସକାଳ ୭ଟାରୁ ସନ୍ଧ୍ୟା ୭ଟା ପର୍ଯ୍ୟନ୍ତ ବିକ୍ରି କରାଯାଇପାରିବ ।  ରେଡ ଜୋନରେ ଅତ୍ୟାବଶ୍ୟକ ସାମଗ୍ରୀ ବିତରଣ ହେବ ନାହିଁ। କେବଳ ଅତ୍ୟାବଶ୍ୟକ ସାମଗ୍ରୀ ଏହି ଅଞ୍ଚଳରେ  ବିକ୍ରି କରାଯିବ।  ଅନ୍ୟପକ୍ଷରେ, ସରକାରଙ୍କ ଏହି ପଦକ୍ଷେପ ଭାରତର ଅର୍ଥନୀତିକୁ ପୁଣିଥରେ ଫେରାଇ ଆଣିବ ବୋଲି ବିଶେଷଜ୍ଞମାନେ ମତ ଦେଇଛନ୍ତି।

ଏଥିସହ ରେଡ୍ ଜୋନ୍ ଅଞ୍ଚଳରେ ଅଣ-ଅତ୍ୟାବଶ୍ୟକ ସାମଗ୍ରୀର ଅନଲାଇନରେ ମଧ୍ୟ ବିତରଣ କରାଯାଇ ପାରିବ ନାହିଁ ।
ଅଫଲାଇନ୍ ଷ୍ଟୋରଗୁଡିକ ଖୋଲା ରହିବ । ଗ୍ରୀନ୍ ଏବଂ ଅରେଞ୍ଜ ଜୋନରେ କିଛି ଖୁଚୁରା ଷ୍ଟୋର୍ ଖୋଲିବ ବୋଲି ଭାରତ ସରକାର ପ୍ରକାଶ କରିଛନ୍ତି। ଏଥିମଧ୍ୟରେ ସ୍ମାର୍ଟଫୋନ୍ ଷ୍ଟୋରଗୁଡିକ ଅନ୍ତର୍ଭୁକ୍ତ ।

Comments
Loading...