ସମାଜ ପ୍ରଭାବ – ଅସହାୟ ରୋଗାକ୍ରାନ୍ତ ମହିଳାଙ୍କୁ ପ୍ରଶାସନର ଚିକିତ୍ସା ସହାୟତା

ହରଭଙ୍ଗା : ବୌଦ୍ଧଜିଲ୍ଲା ହରଭଙ୍ଗା ବ୍ଲକ ଅର୍ନ୍ତଗତ ବୁକେଶିଙ୍ଗା ଗ୍ରାମର ବିଭୁତୀ ଦେହୁରୀଙ୍କ ଗର୍ଭବତୀ ପତ୍ନୀ ସନ୍ତୋଷିନୀ ଦେହୁରୀ ରୋଗାକ୍ରାନ୍ତ ଯୋଗୁଁ ଗତକିଛିଦିନ ତଳେ ବୁର୍ଲ୍ଲା ମେଡିକାଲରେ ଚିକିତ୍ସିତ ପାଇଁ ଭର୍ତ୍ତି ହୋଇଥିଲେ। ସେଠାରେ କିଛିଦିନ ଚିକିତ୍ସା ପରେ ଅର୍ଥାଭାବରୁ ମେଡିକାଲରୁ ଘରକୁ ଫେରିଆସି ଅସହାୟ ଅବସ୍ଥାରେ ଘରେ ପଡିରହିଥିଲେ। ଏଭଳି ଏକ ଶୀର୍ଷକ ଖବର ୨୫ତାରିଖ ସମାଜରେ ପ୍ରକାଶ ପାଇଥିଲା। ଖବର ପ୍ରକାଶିତ ପରେ ବ୍ଲକ ପ୍ରଶାସନ ଏବଂ ହରଭଙ୍ଗା ମେଡିକାଲ ଟିମ ପକ୍ଷରୁ ହରଭଙ୍ଗା ବି.ଡି.ଓ ନୀଳକଣ୍ଠ ବେହେରା, ହରଭଙ୍ଗା ସ୍ୱାସ୍ଥ୍ୟ ଅଧିକାରୀ ଡାକ୍ତର ଶ୍ରୀମନ୍ତ ସ୍ୱାଇଁ , ହରଭଙ୍ଗା ସଂରପଚ ସୁମଞି ଲାଲ, ପିଇଓ ଜଗଦୀଶ ମଲ୍ଲିକ, ଅଙ୍ଗନଓାର୍ଡୀ ସୁପରଫାଇଜର ଦିପ୍ତୀମୟୀ ପୃଷ୍ଟି ପାରାମେଡିକାଲ ଷ୍ଟାଫ ଉକ୍ତ ମହିଳାଙ୍କ ଘରେ ପଂହଚି ତାଙ୍କ ସ୍ୱାସ୍ଥ୍ୟବସ୍ଥା ପରଖିଥିଲେ। ବି.ଡି.ଓ ରେଡକ୍ରସ ପାଣ୍ଠିରୁ ମହିଳାଙ୍କ ଚିକିତ୍ସା ପାଇଁ ୧୦ହଜାର ଟଙ୍କା ଆର୍ଥୀକ ସହାୟତା ଯୋଗାଇବା ସହିତ ଡାକ୍ତରଙ୍କ ନିର୍ଦ୍ଦେଶକ୍ରମେ ତାଙ୍କୁ ସଙ୍ଗେ ସଙ୍ଗେ ବୁର୍ଲା ମେଡିକାଲରେ ଚିକିତ୍ସା ପାଇଁ ପଠାଯାଇଥିବା ଜଣାପଡିଛି। ଜଣେ ଅସହାୟ ରୋଗାକ୍ରାନ୍ତ ମହିଳାଙ୍କୁ ପ୍ରଶାସନ ପକ୍ଷରୁ ସହାୟତା ସହଯୋଗକୁ ଗ୍ରାମବାସୀ ସାଧୁବାଦ ଜଣାଇଛନ୍ତି।

Comments
Loading...