ସାଲେଭଟା ଘରଭଙ୍ଗା ଘଟଣା, ପୂର୍ବତନ ସାଂସଦ ବାଳଗୋପାଲଙ୍କ ଗିରଫ ଦାବି

ଜଙ୍ଗଲ ଜମି ଉପରେ ହକ ଜାହିର କଲା ଆଦିବାସୀ ସଂଘ

ବଲାଙ୍ଗିର: ବଲାଙ୍ଗିର ଜିଲା ଆଗଲପୁର ବ୍ଲକ ସାଲେଭଟା ଦଳିତ ପରିବାରଙ୍କ ଘର ଭଙ୍ଗା ଘଟଣାକୁ ନେଇ ରାଜନୀତି ଏବେ ଜୋର ଧରିଛି। ଏହି ଘଟଣାକୁ ନେଇ ପୂର୍ବତନ ସାଂସଦ ବାଲଗୋପାଳ ମିଶ୍ର ଓ ଜିଲା ଆଦିବାସୀ କଲ୍ୟାଣ ସଂଘ ମୁହାଁମୁହିଁ ହୋଇଥିବା ବେଳେ ଏହି ଘଟଣା ଏବେ ଦିନକୁ ଦିନ ବିବାଦୀୟ ହେବାରେ ଲାଗିଛି। ପୂର୍ବରୁ କ୍ଷତିଗ୍ରସ୍ତ ଦଳିତ ପରିବାରଙ୍କୁ ନେଇ ଆଲୋଚନା ହେଉଥିବା ବେଳେ ଏବେ ଜିଲା ଆଦିବାସୀ କଲ୍ୟାଣ ସଂଘ ପକ୍ଷରୁ ଜଙ୍ଗଳ ଜମି ଉପରେ ନିଜର ହକ ଜାହିର କରିଛି।

ସାମ୍ବାଦିକ ସମ୍ମିଳନୀରେ ମୁହାଁମୁହିଁ ବାଳଗୋପାଲ- ଆଦିବାସୀ ସଂଘ

ଜଙ୍ଗଲ ଆଇନ ଅନୁସାରେ ଜହଙ୍ଗଳ ଜମି କେବଳ ଆଦିବାସୀମାନଙ୍କର ଓ ସେଠାରେ ସେମାନେ ଚାଷବାସ କରିପାରିବେ ବୋଲି କହିଛନ୍ତି। କିନ୍ତୁ ଗତ ଦୁଇ ଦିନ ତଳେ ଗାଈଖାଇ ଜଙ୍ଗଳର ସୁରକ୍ଷା ସ୍ଥାନୀୟ ବାସିନ୍ଦାଙ୍କ ହାତରେ ରହିଥିବା ବେଳେ ସେଠାରେ କାହାରି ହାକିମତି ଚାଲିବ ନାହିଁ ବୋଲି ଏକ ସାମ୍ବାଦିକ ସମ୍ମିଳନୀରେ ପୂର୍ବତନ ବଲାଙ୍ଗିର ସାଂସଦ ବାଲଗୋପାଳ ମିଶ୍ର ଦାବି କରିଥିଲେ। ତେବେ ଏହି ଘଟଣାକୁ ଜିଲା ଆଦିବାସୀ କଲ୍ୟାଣ ସଂଘ ନିନ୍ଦା କରି ବାଲଗୋପାଳ ମିଶ୍ର ଓ ତାଙ୍କ ପୁଅଙ୍କ ଗିରଫଦାରି ଦାବି କରିଛି।