ଶାହାରୁଖ୍‍ଙ୍କୁ ଭେଟି ପାରିଲେନି ପ୍ରଶଂସକ : ନିଜକୁ କଲେ କ୍ଷତାକ୍ତ

0

ମୁମ୍ବଇ : ବଲିଉଡ଼୍‍ ତାରକା ଶାହାରୁଖ୍‍ ଖାନ୍‍ ବାନ୍ଦ୍ରା ସ୍ଥିତ ନିଜ ବାସଭବନରେ ଶନିବାର ତାଙ୍କ ଜନ୍ମଦିନ ତଥା ଦୀପାବଳି ପାର୍ଟିର ଏକ ବିରାଟ ଆୟୋଜନ କରିଥିଲେ। ଏହି ସମୟରେ କିଛି ଏମିତି ଘଟିଥିଲା ଯାହାଦ୍ୱାରା ପାର୍ଟିରେ ଉପସ୍ଥିତ ସମସ୍ତ ଲୋକଙ୍କ ମଜା ଫିକା ହୋଇଯାଇଥିଲା। ଘଟଣାଟି ଏପରି ଥିଲା, କଲ୍‍କାତାରୁ ଆସିଥିବା ମହମ୍ମଦ ସଲିମ୍‍ ନାମକ ଶାହାରୁଖ୍‍ଙ୍କ ଜଣେ ପ୍ରଶଂସକ ବ୍ଲେଡ଼୍‍ରେ ନିଜକୁ କ୍ଷତାକ୍ତ କରିଥିଲେ। ତତ୍‍କ୍ଷଣାତ୍‍ ସେଠାରେ ଉପସ୍ଥିତ ଥିବା ପୁଲିସ ଚିକିତ୍ସା ପାଇଁ ତାଙ୍କୁ ନିକଟସ୍ଥ ଭାଭା ଡାକ୍ତରଖାନାକୁ ନେଇଥିଲେ।

ସୂଚନା ଅନୁସାରେ, ଏହି ବ୍ୟକ୍ତି ଜଣଙ୍କ ଶାହାରୁଖ୍‍ଙ୍କ ଜଣେ ବଡ଼ ପ୍ରଶଂସକ। ଶାହାରୁଖ୍‍ଙ୍କୁ ଭେଟିବା ପାଇଁ ସେ କଲ୍‍କାତାରୁ ଆସିଥିଲେ ହେଲେ ତାଙ୍କୁ ଭେଟି ନପାରିବାରୁ ସେ ଖୁବ୍‍ ଦୁଃଖିତ ଥିଲେ ଓ ରାଗରେ ବ୍ଲେଡ଼ରେ ନିଜକୁ ଆହତ କରିଥିଲେ।

ତେବେ ଶାହାରୁଖ୍‍ଙ୍କ ଏହି ପାର୍ଟିରେ ଆହୁରି କିଛି ଗଣ୍ଡଗୋଳ ଦେଖାଦେଇଥିଲା। ଏଥିସହିତ ଅଧିକ ରାତି ଯାଏ ପାର୍ଟି ଜାରି ରଖିବାକୁ ନେଇ ପୁଲିସ ମଧ୍ୟ ଅବରୋଧ କରିଥିଲା।

Comments
Loading...