ବଙ୍ଗୋମୁଣ୍ଡାରେ ସହୀଦ ବୀର ରେଣ୍ଡୋ ମାଝିଙ୍କ ଜୟନ୍ତୀ

ବଙ୍ଗୋମୁଣ୍ଡା : କଳାହାଣ୍ଡି ମାଟିର ପ୍ରଥମ ସହିଦ ରେଣ୍ଡୁ ମାଝୀଙ୍କ ସହିଦ ଦିବସ ଜିଲା କନ୍ଧ ସମାଜ ଯୁବ ସଂଗଠନ ବଲାଙ୍ଗିର ପକ୍ଷରୁ ବଙ୍ଗୋମୁଣ୍ଡା ସ୍ଥିତ ସଂଗଠନ କାର୍ଯ୍ୟାଳୟରେ ଜିଲା ସଭାପତି ସୁରେଶ ଭୋଇଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା। ରାଜତନ୍ତ୍ର ଓ ଇଂରେଜ ବିରୋଧରେ ଲଢେଇ କରିବା ପାଇଁ କନ୍ଧ ମେଳି କରିଥିଲେ। ତେଣୁ ତାଙ୍କ ଅବଦାନ ଏ ଜାତି ଓ ସମାଜ ପାଇଁ ସର୍ବାଦୃତ ବୋଲି ବୈଠକରେ ମତପ୍ରକାଶ ପାଇଥିଲା। ଏହି ଅବସରରେ କେନ୍ଦ୍ର ସରକାର ଚାଷୀ ମାରଣ ନୀତି ଅବଲମ୍ବନ କରୁଥିବା ନେଇ କ୍ଷୋଭ ପ୍ରକାଶ କରିବା ସହ କୃଷି ବିଲକୁ ପ୍ରତ୍ୟାହାର ନକଲେ ଆଗାମୀ ଦିନରେ ସଂଗଠନ ପକ୍ଷରୁ ଆନ୍ଦୋଳନ କରାଯିବ ବୋଲି ଚେତାବନୀ ଦେଇଥିଲେ। ଉପ ସଭାପତି ଧନେଶ୍ୱର ମାଝୀ, ନାରୀ ନେତ୍ରୀ କିରଣ ଭୋଇ,ବଗୋମୁଣ୍ଡା ସଂଯୋଜକ ତୁଲସି ଭୋଇ, ତୁରେକେଲା ସଭାପତି ଜୟଗୋପାଳ ଭୋଇ, ବଙ୍ଗୋମୁଣ୍ଡା ସଭାପତି ବ୍ରଜ ଭୋଇ, କୋଷାଧ୍ୟକ୍ଷ କେଶବ ଭୋଇ, ବାସୁଦେବ ଜାନୀ, ଧନୁର୍ଯ୍ୟ ଛତ୍ରିଆ, ଠାକୁର ଛତ୍ରିଆ, ଗିରିଧାରୀ ଭୋଇ, ସନ୍ୟାସୀ ଭୋଇ, ସୌମିତ୍ରୀ ଭୋଇ ପ୍ରମୁଖ ଉପସ୍ଥିତ ଥିଲେ।

Comments
Loading...