ଜନ୍ମମାଟିରେ ସହିଦ ପ୍ରଦୀପ ଘଣାଙ୍କ ଶ୍ରାଦ୍ଧ ବାର୍ଷିକ ପାଳିତ

ପାଟଣା :  କେନ୍ଦୁଝର ଜିଲ୍ଲା ଘଟଗାଁ ବ୍ଲକ୍ ମୁଦ୍ରାବେଡା ଠାରେ ରବିବାର ଶହୀଦ ପ୍ରଦୀପ ଘଣାଙ୍କ ଅଷ୍ଟମ ଶ୍ରାଦ୍ଧ ବାର୍ଷିକ ଅନୁଷ୍ଟିତ ହେଇଯାଇଛି । ଶହିଦ ପ୍ରଦୀପଙ୍କ ପିତା ଶ୍ରୀକାନ୍ତ ଘଣା ଓ ମାଆ ପାର୍ବତୀ ଘଣା କାର୍ଯ୍ୟକ୍ରମରେ ଉପସ୍ଥିତ ଥିଲେ। ସହିଦ ପ୍ରଦୀପ ଘଣା ମୁଦ୍ରାବେଡାର ପବିତ୍ର ମାଟି ମାଆ ତଥା ଭାରତ ମାତାର ବୀର ସୁଯୋଗ୍ୟ ସନ୍ତାନ ଥିଲେ। ଆଜକୁ ଆଠବର୍ଷ ପୂର୍ବେ ସେ ନିଜର କର୍ମସ୍ଥଳୀ ଜାମୁକଶ୍ମୀରର ଶ୍ରୀନଗର ଠାରେ ଦେଶ ମାତୃକା ପାଇଁ ଆତଙ୍କବାଦୀ ସହିତ ଲଢେଇକରି ସହିଦ ହୋଇଥିଲେ । ଶ୍ରାଦ୍ଧଦିବସରେ ଏକ ଶୋକସଭା କରାଯାଇ ସହିଦଙ୍କ ସ୍ମୃତିଚାରଣ କରାଯାଇଥିଲା । ଏଥିରେ ମୁଖ୍ୟ ଅତିଥି ଭାବେ କେନ୍ଦୁଝର ଜିଲ୍ଲା ଯୁବ ବିଜୁ ଜନତା ଦଳର ଉପସଭାପତି ସେକ ଇମ୍ରା​‌ନ୍, ମୁଖ୍ୟ ବକ୍ତା ଭାବେ ସମାଜସେବୀ ଦିନମଣି ବେହେରା, ସନ୍ମନିତ ଅତିଥି ଭାବେ ବିଜୁ ଜନତା ଦଳ ଘଟଗାଁ ବ୍ଲକ୍ ର ସଭାପତି ଦୋଳ ଗୋବିନ୍ଦ ବେହେରା, ଛାତ୍ର ବିଜେଡ଼ି ସମ୍ପାଦକ ଆଶିଷ ମଣ୍ଡଳ,ସନ୍ଧ୍ୟରାଣୀ ନାଏକ, ସରପଞ୍ଚ ରଜତ କୁମାର ନାଏକ, ମଧୁସୁଦନ ନାଏକ ପ୍ରମୁଖ ଯୋଗଦାନ କରିଥିଲେ। ମଂଚ ପରିଚାଳନା ତଥା ଅତିଥି ପରିଚୟ କରିଥିଲେ ସଂଜୟ କୁମାର ସାହୁ । ସର୍ବ ପ୍ରଥମେ ସହିଦ ପ୍ରଦୀପ ଘଣାଙ୍କ ପ୍ରତିମୁର୍ତ୍ତି ନିକଟରେ ଧୂପ, ଦୀପ, ପୁଷ୍ପମାଲ୍ୟ ଅର୍ପଣ କରାଯାଇଥିଲା । ସହିଦଙ୍କ ଦେଶମାତୃକା ପାଇଁ ବଳିଦାନ ସମ୍ପର୍କରେ ତାଙ୍କର ସ୍ମୃତିଚାରଣ କରାଯାଇଥିଲା।

Comments are closed.