କରୋନା ପୀଡ଼ିତ ଅମିତ୍ ଶାହାଙ୍କ ଆରୋଗ୍ୟ କାମନା କଲେ ରାହୁଳ ଗାନ୍ଧୀ

କେନ୍ଦ୍ର ଗୃହମନ୍ତ୍ରୀ ତଥା ବିଜେପି ନେତା ଅମିତ୍ ଶାହା ଆଜି କରୋନା ପଜିଟିଭ୍ ଜଣା ପଡ଼ିବା ପରେ ଗୁରୁଗାଓଁର ମେଦାନ୍ତ ଡ଼ାକ୍ତରଖାନାରେ ଭର୍ତି ହୋଇଛନ୍ତି । ସେ ନିଜେ ଟ୍ବିଟ୍ କରି ଏ ସମ୍ପର୍କରେ ସୂଚନା ଦେବା ସହ ତାଙ୍କ ସଂସ୍ପର୍ଶରେ ଆସିଥିବା ସମସ୍ତ ବ୍ୟକ୍ତି ବିଶେଷଙ୍କୁ କ୍ବାରେଣ୍ଟାଇନରେ ରହିବାକୁ ଅନୁରୋଧ କରିଛନ୍ତି । ମେଦାନ୍ତରେ ତାଙ୍କର ଚିକିତ୍ସା ଅନୁଧ୍ୟାନ ନିମନ୍ତେ ଏମ୍ସର କିଛି ଡ଼ାକ୍ତର ମଧ୍ୟ ଗୁରୁଗାଓଁ ଯାଇଛନ୍ତି ।

ଏହି ସ୍ଥିତିରେ ବିଭିନ୍ନ ଦଳର ବହୁ ନେତା ତାଙ୍କର ଆରୋଗ୍ୟକାମନା କରିଛନ୍ତି । ଏହି ଅବସରରେ କଂଗ୍ରେସର ପୂର୍ବ ଅଧ୍ୟକ୍ଷ ରାହୁଳ ଗାନ୍ଧୀ ଟ୍ବିଟ୍ ଯୋଗେ ଶ୍ରୀ ଶାହାଙ୍କ ଆରୋଗ୍ୟ କାମନା କରିଛନ୍ତି ।  ରାହୁଳ ଟ୍ବିଟ୍ କରିଛନ୍ତି ଯେ ‘‘ଅମିତ୍ ଶାହାଙ୍କ ଶୀଘ୍ରରୁ ଶୀଘ୍ର ଆରୋଗ୍ୟ କାମନା କରୁଛି । ’’

ମେଦାନ୍ତରେ ଚିକିତ୍ସିତ ହେଉଥିବା ଶ୍ରୀ ଶାହାଙ୍କ ସ୍ବାସ୍ଥ୍ୟବସ୍ଥା ସ୍ଥିର ରହିଛି ।

Comments are closed.