ନବରଙ୍ଗପୁର: ନନ୍ଦାହାଣ୍ଡି ବ୍ଳକ ସାଗରମୁଣ୍ଡା ଗ୍ରାମର ଅଙ୍ଗନାବାଡୀ କର୍ମୀ ବୈଦି ସୈାରାଙ୍କର ୩୨ ବର୍ଷ ବୟସରେ ପରଲୋକ ହୋଇଯାଇଛି। ସେ କିଛିଦିନ ପୂର୍ବରୁ ନବରଙ୍ଗପୁର ଜିଲା ମୁଖ୍ୟ ଡାକ୍ତରଖାନାରେ ପ୍ରସବ କରିଥିବା ଜଣାଯାଇଛି। ତେବେ ଗର୍ଭରେ ଶିଶୁର ମୃତ୍ୟୁ ହୋଇଯାଇ ଥିବାରୁ ମୃତ ଶିଶୁ ଜନ୍ମ ହୋଇଥିଲା। ଏହାପରେ ସେ ଗୁରୁତର ଭାବେ ଅସୁସ୍ଥ ହୋଇଥିଲେ। ତାଙ୍କୁ ବ୍ରହ୍ମପୁର ଭେଷଜ ମହାବିଦ୍ୟାଳୟୁ ପଠା ଯାଇଥିଲା। ତାଙ୍କର ବୃକକ୍(କିଡନୀ) ଖରାପ ହୋଇଥିବା କୁହାଯାଉଛି। ତେବେ ଚିକିତ୍ସାଧୀନ ଅବସ୍ଥାରେ ଆଜି ସକାଳେ ମୃତ୍ୟୁବରଣ କରିଥିଲେ। ଏହା ପରେ ଏକ ଆମ୍ବୁଲାନ୍ସରେ ସନ୍ଧ୍ୟାରେ ସାଗର ମୁଣ୍ଡାରେ ପହଞ୍ଚିବାପରେ ଶେଷକୃତ୍ୟୁ ସଂପନ୍ନ କରାଯାଇଛି।
ଜଣେ ଭଦ୍ର ଓ ଭଲ ଅଙ୍ଗନବାଡୀ କର୍ମୀ ଭାବେ ପରିଚିତ ଥିଲେ। ତାଙ୍କର ମୃତ୍ୟୁରେ ଗ୍ରାମରେ ଶୋକର ଛାୟା ଖେଳିଯାଇଛି। ତାଙ୍କର ଅକାଳ ମୃତ୍ୟୁନେଇ ଭାରତୀୟ ମଜଦୂର ସଂଘର ଜିଲା ସଭାପତି ବାଙ୍କବିହାରୀ ବିଷୋୟୀ , ସମ୍ପାଦକ ପରମେଶ୍ୱର ବିଷୋୟୀ, ଜିଲା ଅଙ୍ଗନବାଡୀ ସଂଘର ସଭାନେତ୍ରୀ ଭାଗ୍ୟବତୀ ଷଡଙ୍ଗୀ,ବରିଷ୍ଠ କାର୍ଯ୍ୟକର୍ତ୍ତା ସବିତା ନାୟକ, ଉପସଭାପତି ଶୁଭସୀତା ପାତ୍ର, ଜିଲା ସମ୍ପାଦିକା ସନ୍ଧ୍ୟାରାଣୀ ବିଶ୍ୱାଳ ଓ କୋଷାଧ୍ୟକ୍ଷା ମମତା ବ୍ରହ୍ମା ପ୍ରମୂଖ ଗଭୀର ଦୁଃଖ ପ୍ରକାଶ କରିବା ସହ ଶୋକସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି।
Comments are closed.