ପୁଣି କ୍ରିକେଟ ପଡିଆକୁ ଓହ୍ଲାଇବେ ସଚିନ ଓ ଲାରା

ନୂଆଦିଲ୍ଲୀ : ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଓ ବ୍ରାଏନ୍ ଲାରାଙ୍କ ପ୍ରଶଂସକମାନଙ୍କ ପାଇଁ ଏକ ଖୁସି ଖବର। ପୁଣିଥରେ ଉଭୟ ଷ୍ଟାର କ୍ରିକେଟର ସଚିନ ଓ ଲାରା ପଡ଼ିଆରେ କ୍ରିକେଟ ଖେଳିବେ ବୋଲି ଜଣାପଡିଛି।
ସୂଚନା ମୁତାବକ, ଆସନ୍ତାବର୍ଷ ଭାରତରେ ସଡ଼କ ସୁରକ୍ଷା ଅବସରରେ ୱାର୍ଲ୍ଡ ସିରିଜ୍ ଟୁର୍ଣ୍ଣାମେଣ୍ଟ ଆୟୋଜିତ ହେବ। ୱାର୍ଲ୍ଡ ସିରିଜ୍ ଟ୍ବେଣ୍ଟି-୨୦ ଟୁର୍ଣ୍ଣାମେଣ୍ଟ ଖେଳାଯିବ। ଏଥିରେ ପାଞ୍ଚଟି ଦେଶର ଅବସରପ୍ରାପ୍ତ ଖେଳାଳିମାନେ ଭାଗ ନେବେ। ଭାଗ ନେବାକୁ ଥିବା ପାଞ୍ଚଟି ଦେଶ ମଧ୍ୟରେ ରହିଛି- ଭାରତ, ଅଷ୍ଟ୍ରେଲିଆ, ଦକ୍ଷିଣ ଆଫ୍ରିକା, ଶ୍ରୀଲଙ୍କା ଓ ୱେଷ୍ଟଇଣ୍ଡିଜ। ଏହି ଟୁର୍ଣ୍ଣାମେଣ୍ଟ ଫେବୃଆରୀ ୨ରୁ ୧୬ ତାରିଖ ପର୍ୟ୍ୟନ୍ତ ଅନୁଷ୍ଠିତ ହେବ।

pic courtesy-safeindiasereneindia.com

ସେହିଭଳି ଏହି ଟୁର୍ଣ୍ଣାମେଣ୍ଟରେ ସଚିନ ତେନ୍ଦୁଲକର ଓ ୱେଷ୍ଟଇଣ୍ଡିଜର ବ୍ରାଏନ୍ ଲାରାଙ୍କ ବ୍ୟତୀତ ବୀରେନ୍ଦ୍ର ସେହ୍ୱାଗ, ଅଷ୍ଟ୍ରେଲିଆର ବ୍ରେଟ୍ ଲି’, ଶ୍ରୀଲଙ୍କାର ତିଲକରତ୍ନେ ଦିଲସାନ୍ ଓ ଦକ୍ଷିଣ ଆଫ୍ରିକାର ଜଣ୍ଟି ରୋଡ୍ସଙ୍କ ଭଳି ଖେଳାଳି ଖେଳିବେ।
ଭାରତରେ ଏହି ଟୁର୍ଣ୍ଣାମେଟ ହେବାକୁନେଇ ନିକଟରେ ବିସିସିଆଇ ପକ୍ଷରୁ ମଞ୍ଜୁରୀ ଦିଆଯାଇଛି। ଏହି ଟୁର୍ଣ୍ଣାମେଣ୍ଟ ହେବାଦ୍ବାରା ଭାରତରେ ଟ୍ବେଣ୍ଟି-୨୦ କ୍ରିକେଟର ଲୋକପ୍ରିୟତା ବଢିବ ବୋଲି ବିସିସିଆଇ ପକ୍ଷରୁ କୁହାଯାଇଛି।

Comments
Loading...