ସାର୍ବ୍ରୁକେନ(ଜର୍ମାନୀ) : ଭାରତର ଶୁଭଙ୍କର ଦେ’ ଏଠାରେ ଚାଲିଥିବା ସାର୍ଲୋରଲକ୍ସ ଓପନ ସୁପର ୧୦୦ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟରେ ପୁରୁଷ ସିଙ୍ଗଲ୍ସ ଚମ୍ପିଆନ ହୋଇଛନ୍ତି। ରବିବାର ଖେଳାଯାଇଥିବା ଫାଇନାଲ ମ୍ୟାଚରେ ଶୁଭଙ୍କର ୨୧-୧୧, ୨୧-୧୪ ଗେମରେ ୫ମ ସିଡ୍ ଇଂଲଣ୍ଡର ରାଜୀବ ଔସେଫ୍ଙ୍କୁ ପରାସ୍ତ କରିଛନ୍ତି। ଏହା ଶୁଭଙ୍କରଙ୍କ କ୍ୟାରିୟରର ସବୁଠାରୁ ଉଲ୍ଲେଖନୀୟ ସଫଳତା। ସୂଚନାଯୋଗ୍ୟ ଚଳିତ ଟୁର୍ଣ୍ଣାମେଣ୍ଟର ପ୍ରିକ୍ୱାର୍ଟରରେ ଶୁଭଙ୍କର ପୂର୍ବତନ ବିଶ୍ୱ ଚମ୍ପିଆନ ତଥା ଅଲିମ୍ପିକ ସ୍ୱର୍ଣ୍ଣପଦକ ବିଜେତା ଚୀନର ଲିନ ଡାନ୍ଙ୍କୁ ହରାଇଥିଲେ।
