କୃଷିକୁ ପ୍ରାଧାନ୍ୟ, ସ୍ଥାପନ ହେବ ୧୦ହଜାର କୃଷକ ଉତ୍ପାଦକ ସଂସ୍ଥା

ଗ୍ରାମାଞ୍ଚଳରେ ଆଉ ଅଧିକ୧୦ହଜାର ନୂତନ କୃଷକ ଉତ୍ପାଦକ ସଂସ୍ଥା (ଏଫ୍‍.ପି.ଓ) ସ୍ଥାପନ କରାଯିବ। ଦେଶର ୮୬ ପ୍ରତିଶତ ଚାଷୀ କ୍ଷୁଦ୍ର ଓ ନାମମାତ୍ର ହୋଇଥିବାରୁ ଏହି ଏଫ୍‍.ପି.ଓ. ମାଧ୍ୟମରେ ହିଁ ସେମାନେ ଗ୍ରାମାଞ୍ଚଳ ଅର୍ଥନୀତିକୁ ସୁଦୃଢ଼ କରିପାରିବେ ବୋଲି କୃଷିମନ୍ତ୍ରୀ ନରେନ୍ଦ୍ର ସିଂ ତୋମାର କହିଛନ୍ତି। ଏହି ଏଫ୍‍.ପି.ଓ.ଗୁଡ଼ିକ କେବଳ କୃଷିକ୍ଷେତ୍ର ନୁହେଁ, ବରଂ ଦେଶର ସାମୂହିକ ବିକାଶ ଦିଗରେ ସହାୟକ ହୋଇପାରିବ। ଗତକାଲି ଲଘୁ ଉଦ୍ୟୋଗ ଭାରତୀ ଏବଂ ସହକାର ଭାରତୀକୁ ଭିଡ଼ିଓ କନ୍‍ଫରେନ୍ସିଂ ମାଧ୍ୟମରେ ଉଦ୍‍ବୋଧନ ଦେଇ କୃଷିମନ୍ତ୍ରୀ ଏହା କହିଛନ୍ତି।

ସେ କହିଛନ୍ତି ପ୍ରାଥମିକ ପର୍ଯ୍ୟାୟରେ ଦେଶର ଉତ୍ତର-ପୂର୍ବାଞ୍ଚଳ ଓ ପାର୍ବତ୍ୟାଞ୍ଚଳରେ ସ୍ଥାପିତ ହେବାକୁ ଥିବା ଏଫ୍‍.ପି.ଓ.ଗୁଡ଼ିକ ୧୦୦ ଜଣ ସଦସ୍ୟ ଏବଂ ଅନ୍ୟାନ୍ୟ ସ୍ଥାନରେ ୩୦୦ ସଦସ୍ୟଙ୍କୁ ନେଇ କାର୍ଯ୍ୟ କରିବ। ଆସନ୍ତା ୫ବର୍ଷ ଲାଗି ଏହି ଏଫ୍‍.ପି.ଓ.ଗୁଡ଼ିକୁ ବୃତ୍ତିଗତ ସହାୟତା ଯୋଗାଇ ଦିଆଯିବ। ସେହିଭଳି ଦେଶର ଆକାଂକ୍ଷା ଜିଲ୍ଲାରେ ୧୫ ପ୍ରତିଶତ ଏଫ୍‍.ପି.ଓ. ପ୍ରତିଷ୍ଠା କରାଯିବ। ପ୍ରତି ଏଫ୍‍.ପି.ଓ.କୁ ୨କୋଟି ଟଙ୍କା ପର୍ଯ୍ୟନ୍ତ ଋଣ ଯୋଗାଇ ଦିଆଯିବ ବୋଲି ତୋମାର କହିଛନ୍ତି।

Comments
Loading...