ଯୁବ ସାମାଜିକ କର୍ମୀଙ୍କ ପରଲୋକ

ରେଙ୍ଗାଲିକେମ୍ପ: ଅତାବିରା ବ୍ଲକ ଖାରମୁଣ୍ଡା ଗ୍ରାମର ରୁକ୍ମଣ ଭୋଇ(୪୫)ଙ୍କ ଆଜି ଦେହାନ୍ତ ହୋଇଯାଇଛି। ସ୍ବର୍ଗତ ଭୋଇ ଦୀର୍ଘ ଦିନରୁ ଅସୁସ୍ଥ ଥିଲେ।ତେଣୁ ତାଙ୍କୁ ବରଗଡ଼ରୁ ଆରମ୍ଭ କରି ବୁର୍ଲା, ଭୁବନେଶ୍ୱର ପର୍ୟ୍ୟନ୍ତ ଚିକିତ୍ସା ପାଇଁ ନିଆଯାଇଥିଲା। ସେ ଜଣେ ମେଲାପୀ, ଯୁବ ସଂଗଠକ ଭାବରେ ବେଶ୍ ପରିଚିତ ଥିଲେ। ଭୁବନେଶ୍ୱର ଆପୋଲୋ ହସ୍ପିଟାଲରେ ଚିକିତ୍ସିତ ଅବସ୍ଥାରେ ଆଜି ତାଙ୍କର ଦେହାନ୍ତ ଘଟିଛି । ଏହି ଦୁଃଖଦ ଖବର ପାଇ ଖରମୁଣ୍ଡକ୍ଷ ପଞ୍ଚାୟତର ଯୁବ ମହଲରେ ଶୋକର ଛାୟା ଖେଳିଯାଇଛି। ତାଙ୍କ ପତ୍ନୀ, ଦୁଇ ଝିଅ, ଗୋଟିଏ ପୁଅ ଓ ପରିବାର ବର୍ଗଙ୍କୁ ଛାଡି ସେ ଚାଲିଯାଇଛନ୍ତି। ତାଙ୍କର ବିୟୋଗ ପରିବାର ପାଇଁ ଅତ୍ୟନ୍ତ ଦୁଃଖର କାରଣ ପାଲଟିଛି କାରଣ ସେ ହିଁ ପରିବାର ପାଇଁ ଏକମାତ୍ର ରୋଜଗାର କ୍ଷମ ଥିଲେ। ଏହି ଦୁଃଖଦ ଘଟଣାରେ ମର୍ମାହତ ହୋଇ ପ୍ରଶାନ୍ତ ମିଶ୍ର,ସାମ୍ବାଦିକ ହୃଷୀକେଶ ଖମାରୀ,ରବୀନ୍ଦ୍ର ମହାପାତ୍ର,ଦେବରାଜ ଭୋଇ ପ୍ରମୁଖ ତାଙ୍କର ଅମର ଆତ୍ମାର ସଦଗତି କାମନା କରିଛନ୍ତି।

Comments
Loading...