ମୋଦୀ-ଜିନପିଙ୍ଗ ଭେଟ ପୂର୍ବରୁ ଆରଏସଏସର ଦାବି; ଅକ୍‌ସାଇ ଚୀନକୁ ଭାରତକୁ ଫେରାଉ ଚୀନ

ନୂଆଦିଲ୍ଲୀ: ଚୀନ ରାଷ୍ଟ୍ରପତି ଜି ଜିନପିଙ୍ଗ ଶୁକ୍ରବାର ଭାରତ ଗସ୍ତରେ ଆସୁଛନ୍ତି। ଏହି ଅବସରରେ ଜିନପିଙ୍ଗ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମଧ୍ୟରେ ଚେନ୍ନାଇର ମହାବଲୀପୁରମରେ ଅନୌପଚାରିକ ବୈଠକ ଅନୁଷ୍ଠିତ ହେବ। ତେବେ ଏହା ପୂର୍ବରୁ ରାଷ୍ଟ୍ରୀୟ ସ୍ବୟଂସେବକ ସଂଘ(ଆରଏସଏସ) ଅକ୍‌ସାଇ ଚୀନ ଅଞ୍ଚଳକୁ ଭାରତକୁ ଫେରାଇ ଦେବାକୁ ଚୀନ ନିକଟରେ ଦାବି କରିଛି।

ଆରଏସଏସର ବରିଷ୍ଠ ନେତା ଇଂଦ୍ରେଶ କୁମାର କହିଛନ୍ତି, ଚୀନ ନିଜର ବିସ୍ତାରବାଦୀ ନୀତି ଉପରେ ରୋକ୍‌ ଲଗାଉ। ଏହା ସହିତ ଚୀନ ପାକିସ୍ତାନକୁ କହୁ ଯେ ସେ ବେଆଇନ ଭାବେ କବ୍‌ଜା କରିଥିବା ଜାମ୍ମୁ-କାଶ୍ମୀର ଉପରୁ ନିଜର ନିୟନ୍ତ୍ରଣ ପ୍ରତ୍ୟାହାର କରୁ। ଦୁଇ ଦେଶର ନେତାଙ୍କ ମଧ୍ୟରେ କ’ଣ ଆଲୋଚନା ହେବ ତାହା ସେମାନଙ୍କ ଉପରେ ନିର୍ଭର କରୁଛି। କିନ୍ତୁ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ କହିଛନ୍ତି ଯେ, ଚୀନ ଆମର ଅକ୍‌ସାଇ ଚୀନ ଉପରେ ଅବୈଧ ଭାବେ କବ୍‌ଜା କରିଛି। ସେ ସଂସରରେ ବିଶେଷ ଭାବେ କହିଥିଲେ ଯେ ଅକ୍‌ସାଇ ଚୀନ ବି ଭାରତର। ଆଶା କରୁଛୁ ଯେ ଏହି ପ୍ରସଙ୍ଗରେ ମୋଦୀ ଚୀନ ରାଷ୍ଟ୍ରପତିଙ୍କ ସହିତ ଆଲୋଚନା କରିବେ। କାରଣ ଆଜି ନ ହେଲେ ବି କାଲି ଏହି ପ୍ରସଙ୍ଗ ଉଠିବ।

Comments
Loading...