​ରୋହିତଙ୍କ ଆଉ ଏକ ରେକର୍ଡ ; କମ୍ ଇନିଂସ ଖେଳି ସଂଗ୍ରହ କଲେ ୯୦୦୦ ରନ୍

ବେଙ୍ଗାଲୁରୁ : ଭାରତୀୟ କ୍ରିକେଟ ଦଳର ନିର୍ଭରଯୋଗ୍ୟ ବ୍ୟାଟସମ୍ୟାନ ତଥା ଓପନର ରୋହିତ ଶର୍ମା ଏକ ନୂଆ ରେକର୍ଡ ପ୍ରତିଷ୍ଠା କରିଛନ୍ତି । ବେଙ୍ଗାଲୁରୁ ଠାରେ ଅଷ୍ଟ୍ରେଲିଆ ବିପକ୍ଷରେ ତୃତୀୟ ତଥା ଶେଷ ଦିନିକିଆ ମ୍ୟାଚରେ ୪ ରନ୍‍ କରିବା ସହ ଏହି ରେକର୍ଡ ସ୍ଥାପନ କରିଛନ୍ତି । ଏହି ରେକର୍ଡ କରି ସେ କିମ୍ବଦନ୍ତୀ କ୍ରିକେଟର ସଚ୍ଚିନ ତେନ୍ଦୁଲକର,ସୌରଭ ଗାଙ୍ଗୁଲୀ ଏବଂ ବ୍ରାୟନ ଲାରାଙ୍କୁ ପଛରେ ପକାଇ ଦେଇଛନ୍ତି ।
ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଏହି ତିନିଜଣ ପ୍ରସିଦ୍ଧ ଖେଳାଳୀଙ୍କଠାରୁ କମ୍‍ ଇନିଂସ ଖେଳି ରୋହିତ ଏହି ରନ୍‍ କରିଛନ୍ତି । ସେ ୨୧୭ଟି ଇନିଂସ ଖେଳି ୯୦୦୦ ରନ୍‍ କରିଛନ୍ତି।  ସୌରଭ ଗାଙ୍ଗୁଲୀ ୨୨୮ଟି ଇନିଂସ, ସଚ୍ଚିନ ତେନ୍ଦୁଲକର ୨୩୫ ଏବଂ ବ୍ରାୟନ ଲାରା ୨୩୯ଟି ପାଳି ଖେଳି ୯୦୦୦ ରନ ସଂଗ୍ରହ କରିଥିଲେ।
ତେବେ ଦ୍ରୁତ ୯୦୦୦ ରନ ସଂଗ୍ରହ କରିଥିବା ବିରାଟ କୋହଲି ୧୯୪ ଟି ଇନିଂସରେ ଏହି ଉପଲବ୍ଧି ହାସଲ କରିଥିଲେ । ସେହିପରି ଦକ୍ଷିଣ ଆଫ୍ରିକାର ଏବି ଡିବିିଲିୟର୍ସ ୨୦୫ଟି ଇନିଂସରେ ୯୦୦୦ ରନ ସଂଗ୍ରହ କରିଥିଲେ।

Comments
Loading...