ବିପର୍ଯ୍ୟସ୍ତ ଅବସ୍ଥାରେ କଲମପୁର-କୋଟାଗାଁ ରାସ୍ତା : ଦୁର୍ଘଟଣାକୁ ହାତ ଠାରି ଡାକୁଛି ରାସ୍ତାରେ ସୃଷ୍ଟି ହେଇଥିବା ଗର୍ତ୍ତ

କଲମପୁର : ଦିନକୁ ଦିନ ବିପର୍ଯ୍ୟସ୍ତ ହେବାରେ ଲାଗିଛି କଲମପୁର-କୋଟାଗାଁ ରାସ୍ତା। କଲମପୁର ଠାରୁ କୋଟାଗାଁର ଦୂରତା ୧୧ କଲୋମିଟର। ଦୁଇଟି ପ୍ୟାକେଜ ମାଧ୍ୟମରେ ଗତ ୨୦୧୦/ ଓ ୧୧/୧୨ ଆର୍ଥିକ ବର୍ଷରେ ପ୍ରଧାନମନ୍ତ୍ରୀ ଗ୍ରାମ ସଡକ ଯୋଜନାରେ ଏହି ରାସ୍ତାର ନିର୍ମାଣ କରାଯାଇଥିଲା। ରାସ୍ତା ନର୍ମାଣରେ ଅତ୍ୟନ୍ତ ନିମ୍ନମାନର କାର୍ଯ୍ୟ ଯୋଗୁଁ ରାସ୍ତାର ଅବସ୍ଥା ଦୟନୀୟ ହେବାରେ ଲାଗିଛି। ରାସ୍ତା ନିର୍ମାଣ ଦାୟିତ୍ୱରେ ଥିବା ଗ୍ରାମ୍ୟ ଉନ୍ନୟନ ବିଭାଗ ଧର୍ମଗଡ ବିଭାଜନ କାର୍ଯ୍ୟ ସମ୍ପାଦନ କରିଥିଲେ। ପ୍ରତି ବର୍ଷ ମରାମତି ନାଁରେ ଲକ୍ଷ ଲକ୍ଷ ଟଙ୍କା ଖର୍ଚ୍ଚ ହେଉଛି ସିନା ସୁଧୁରୁନି ରାସ୍ତାର ଅବସ୍ଥା। ବିଭାଗୀୟ ଯନ୍ତ୍ରୀ ଓ ଠିକା ସଂସ୍ଥାର ଦୁହାଁଳିଆ ଗାଈ ସାଜିଛି ଏହି ରାସ୍ତା। ଏହି ରାସ୍ତାର ଧନପୁର ଠାରୁ ମଣ୍ଡଳ ମଧ୍ୟରେ ବହୁ ଖାଲ ଖମା ସୃଷ୍ଟି ହେବା ସହ ଦୁର୍ଘଟଣାର କାରଣ ପାଲଟିଛି। ଏପରିକି ଏହି ରାସ୍ତାର ଏକ ବୁଲାଣି ନିକଟରେ ଏକ ବିପଦ ସଙ୍କୁଳ ଗାତ ରହିଥିବାରୁ ବହୁ ବାଇକ ଆରୋହୀ ଗାତରେ ପଡ଼ି ଆହତ ହେଉଛନ୍ତି। ଏହି ରାସ୍ତା ମଣ୍ଡଳ, ମିନଗୁର, ନୂଆଗାଁ, କୋଟାଗାଁ ଆଦି ପଞ୍ଚାୟତ ସହିତ ବ୍ଲକ ମୁଖ୍ୟାଳୟକୁ  ସଂଯୋଗ କରୁଥିବା ପ୍ରମୁଖ ରାସ୍ତା। ଏହି ରାସ୍ତା ଜାତୀୟ ରାଜପଥ ସହିତ ସଂଯୋଗ ହେଇଥିବା ବେଳେ କୋକସରା, ଧର୍ମଗଡ ସମେତ ନବରଙ୍ଗପୁର ଓ ଛତିଶଗଡ ରାଜ୍ୟ ସହିତ ସଂଯୋଗ ହେଇ ପାରୁଛି। ଏହି ରାସ୍ତା ନିର୍ମାଣ ହେଲେ କଲମପୁର ଅଞ୍ଚଳର ଲୋକ ଛତିଶଗଡ ଓ ନବରଙ୍ଗପୁର ଜିଲା ସମେତ ଧର୍ମଗଡ ଆଦି ସହରାଞ୍ଚଳ ସହିତ ଯୋଗା ଯୋଗର ସୁବିଧା ପାଇବା ସହ ବଜାର ସୁବିଧା ପାଇ ପାରିବେ। ଯାହା କଲମପୁର ଅଞ୍ଚଳର ଅର୍ଥନୈତିକ ବିକାଶ ପାଇଁ ଏକ ସୁଯୋଗ ମିଳିବ। ଛାତ୍ର/ଛାତ୍ରୀ ଉଚ୍ଚ ଶିକ୍ଷା ପାଇପାରିବେ ଓ ସ୍ୱାସ୍ଥ୍ୟ ସେବା ପାଇଁ ରାୟପୁର ମଧ୍ୟରେ ଯୋଗାଯୋଗ ହେଇ ପାରିବ। ଏହି ରାସ୍ତା ସଠିକ୍ ଭାବେ ନିର୍ମାଣ ହେଲେ ଆ​ଗାମୀ ଦିନରେ କଲମପୁର ଅଞ୍ଚଳର ଜୀବନରେଖା ପାଲଟିବ।

Image : samajalive
Comments
Loading...