ଜିଲ୍ଲା ସ୍ତରୀୟ ସଡ଼କ ସୁରକ୍ଷା ବୈଠକ ଅନୁଷ୍ଠିତ

0

ବ୍ରହ୍ମପୁର: ସଚେତନତାର ଅଭାବ ଯୋଗୁଁ ଦୁର୍ଘଟଣା ହାର ମଧ୍ୟ ଦିନକୁ ଦିନ ବୃଦ୍ଧି ପାଇବାକୁ ଲାଗିଛି । ସଡ଼କ ସୁରକ୍ଷା  ତଥା ଟ୍ରାଫିକ ନିୟମକୁ ଯେପରି କଡ଼ାକଡ଼ି ପାଳନ କରାଯାଇପାରିବ ସେନେଇ ଛତ୍ରପୁର ଠାରେ ଜିଲ୍ଲା ସ୍ତରୀୟ ସଡ଼କ ସୁରକ୍ଷା ବୈଠକ ଅନୁଷ୍ଠିତ ହୋଇଯାଇଛି । ଜିଲ୍ଲାପାଳ ତଥା ସଡ଼କ ସୁରକ୍ଷା କମିଟିର ଅଧ୍ୟକ୍ଷ ବିଜୟ ଅମୃତ କୁଲାଙ୍ଗେଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଗଂଜାମ ଏସପି ବ୍ରିଜେଶ କୁମାର ରୟ, ବ୍ରହ୍ମପୁର ମହାନଗର ନିଗମର କମିଶନର ଚକ୍ରବର୍ତି ସିଂ ରାଠୋର,ବ୍ରହ୍ମପୁର ଉପଜିଲ୍ଲାପାଳ ଇଂ.ସିଦ୍ଧାର୍ଥ ଶଙ୍କର ସ୍ୱାଇଁ, ଛତ୍ରପୁର ଉପଜିଲ୍ଲାପାଳ ଦେବବ୍ରତ ସାହୁ, ଜିଲ୍ଲା ଆଂଚଳିକ ପରିବାହନ ଅଧିକାରୀ ସଂଜୟ ବିଶ୍ୱାଳ, ଜିଲ୍ଲା ଶିକ୍ଷାଧିକାରୀ ଡ଼. ସନାତନ ପଣ୍ଡା,ଜାତୀୟ ରାଜପଥ ପ୍ରାଧିକରଣ ପ୍ରକଳ୍ପ ନିର୍ଦ୍ଦେଶକଙ୍କ ସମେତ ବସ୍ ମାଲିକ ସଂଘ କର୍ମକର୍ତା ଉପସ୍ଥିତ ରହି ଦୁର୍ଘଟଣାକୁ କିପରି ନିୟନ୍ତ୍ରଣ କରାଯାଇପାରିବ ଓ ଟ୍ରାଫିକ୍ ନିୟମକୁ କିପରି ସମସ୍ତେ ପାଳନ କରିବେ ସେନେଇ ବିଷଦ୍ ଆଲୋଚନା ହୋଇଥିଲା । ସେପ୍ଟେମ୍ବର ୧ରୁ ସହରରେ ସିସିଟିଭି ଲାଗିବ ଓ ବେଆଇନ ଭାବେ ରାସ୍ତାକଡ଼ରେ ଗାଡ଼ି ରଖିଲେ କାର୍ୟ୍ୟାନୁଷ୍ଠାନ ଗ୍ରହଣ କରାଯିବା ପାଇଁ ନିଷ୍ପତି ନିଆଯାଇଥିଲା । ନିୟମିତ ଟ୍ରାଫିକ୍ ଯାଂଚ ସହ ସ୍କୁଲ ଛୁଟିପରେ ଶିକ୍ଷକ ମାନେ ଉପସ୍ଥିତ ରହି ଛାତ୍ରଛାତ୍ରୀ ମାନଙ୍କୁ ରାସ୍ତାପାର କରିବା ପାଇଁ ଜିଲ୍ଲାପାଳ ପରାମର୍ଶ ଦେଇଥିଲେ ।

Comments
Loading...