ଗୋପାଳପୁର ପୁଲିସ ପକ୍ଷରୁ ସଡ଼କ ସୁରକ୍ଷା  ସଚେତନତା କାର୍ଯ୍ୟକ୍ରମ

ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ ସଚେତନତା

ଗୋପାଳପୁର : ସାରା ଦେଶରେ ଚାଲୁ ରହିଥିବା ସଡକ ସୁରକ୍ଷା ସପ୍ତାହ ପାଳନର ଶେଷ ଦିବସରେ ଗୋପାଳପୁର ପୁଲିସ ପକ୍ଷରୁ ୩୨ତମ ଜାତୀୟ ସଡ଼କ ସୁରକ୍ଷା ଓ ସଚେତନତା କାର୍ଯ୍ୟକ୍ରମ ବେଳାଭୂମି ପରିସରରେ ଅନୁଷ୍ଠିତ ହୋଇଥିଲା। ଆୟୋଜିତ କାର୍ଯ୍ୟକ୍ରମରେ ସଦର ଏସଡିପିଓ ଜୟନ୍ତ କୁମାର ମହାପାତ୍ର ଅଧ୍ୟକ୍ଷତା କରିଥିବା ବେଳେ ଥାନା ଅଧିକାରୀ ବିବେକାନନ୍ଦ ମହନ୍ତ ସଭା ପରିଚାଳନା କରିଥିଲେ। 
ପୂର୍ବରୁ ବସଷ୍ଟାଣ୍ଡ ଛକ ଠାରେ ନିଜେ ଏସଡିପିଓ ଶ୍ରୀ ମହାପାତ୍ର ଓ ଅନ୍ୟ ପୁଲିସ କର୍ମଚାରୀ କର୍ମଚାରୀ ଉପସ୍ଥିତ ରହି ଜମଦୁତ ବେଶ ଧାରୀ କଳାକାର ଙ୍କ ଦ୍ଵାରା ଗାଡି ଚାଳକ ମାନଙ୍କୁ ସଡକ ସୁରକ୍ଷା ନେଇ ସଚେତନତା କରିବା ସହ ଗାଡି ଚଳାଇବା ବେଳେ ହେଲମଟ ପିନ୍ଧିବା, ସିଟ ବ୍ୟାଲଟ ବାନ୍ଧିବା , ମୋବାଇଲ ରେ କଥା ହୋଇ ଗାଡି  ନ ଚଳାଇବା ଏବଂ ମଦ୍ୟ ପାନ ନ କରି ଗାଡ଼ି ନଚଳାଇବା ଭଳି ବାର୍ତ୍ତା ନେଇ ସଚେତନତା କରାଇଥିଲେ।  ବେଳାଭୂମି ପରିସରରେ  ସଚେତନତା କାର୍ଯ୍ୟକ୍ରମ ସହ ପଥପ୍ରାନ୍ତ ନାଟକର ଆୟୋଜନ କରାଯାଇଥଲା। ଅନୁଷ୍ଠିତ କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ଅତିଥି ଭାବେ ଏନଏସି କାର୍ଯ୍ୟ ନିର୍ବାହୀ ଅଧିକାରୀ ଉମା ଶଙ୍କର ସେଠୀ, ୫୫ ନମ୍ବର ଜୋନ  ଜିଲ୍ଲା ପରିଷଦ ସଭ୍ୟ ଶଶୀ ଭୂଷଣ ମହାନ୍ତି, ଗୋପାଳପୁର କଂଗ୍ରେସର ବିଧାୟକ ପ୍ରାର୍ଥୀ ଏସ.ଧର୍ମାରାଜ ରେଡ୍ଡୀ, ଗୋପାଳପୁର ମହାବିଦ୍ୟାଳୟ ଅଧ୍ୟାପକ ଡ଼ ରାମ ଚନ୍ଦ୍ର ଜେନା, ସମାଜସେବୀ ପଞ୍ଚୁ ବେହେରା ପ୍ରମୁଖ ଉପସ୍ଥିତ ରହି ନିଜେ ସଚେତନତା ରହି ଅନ୍ୟକୁ ସଚେତନତା ରହିବା ପାଇଁ ପରାମର୍ଶ ଦେଇଥିଲେ । ଏହି କାର୍ଯ୍ୟକ୍ରମ ରେ ବହୁ ପର୍ଯ୍ୟଟକ ଉପସ୍ଥିତ ଥିଲେ। ଏସ.ଆଇ ହମକାନ୍ତି ଛତ୍ରୀୟା, ଜୟ ଚନ୍ଦ୍ର ମଲ୍ଲିକ, ଏଏସଆଇ ପୁରୁଷୋତ୍ତମ ପାଇକ, ହାବିଲଦାର ଅଜୟ ସତପଥି, ଆନିଷ ଖାନ, କେ. ମଧୁ, ରଞ୍ଜନ ପାଣିଙ୍କ ସମେତ  ସମସ୍ତ ପୁଲିସ କର୍ମଚାରୀ ଉପସ୍ଥିତ ରହି ପରିଚାଳନା ରେ ସହଯୋଗ କରିଥିଲେ। ସରସ୍ଵତୀ ବିଦ୍ୟା ମନ୍ଦିର ଶିକ୍ଷୟତ୍ରୀ ରମିଳା ଦାସ ମଞ୍ଚ ପରିଚାଳନା କରିଥିବା ବେଳେ ସଡ଼କ ସୁରକ୍ଷା ଉପରେ ସାଂସ୍କୃତିକ କାର୍ଯ୍ୟକ୍ରମ  ଆୟୋଜନ ହୋଇଥିଲା।
Comments
Loading...