ଲାଞ୍ଜିଗଡ଼ : ନିଜର ମାଲବାହୀ ଟ୍ରକ୍ ଏକ ଗଛକୁ ପିଟିଦେବାରୁ ଅଳ୍ପକେ ବର୍ତ୍ତିଯାଇଥିଲେ ଡ୍ରାଇଭର ଓ ହେଲ୍ପର। ତେବେ ଦୁର୍ଘଟଣାଗ୍ରସ୍ତ ଗାଡିକୁ ଜଗିକି ରହିଥିବାବେଳେ ଅନ୍ୟ ଏକ ଗାଡି ଧକ୍କାରେ ଡ୍ରାଇଭରଙ୍କ ମୃତ୍ୟୁ ଘଟିବା ଭଳି ଘଟଣା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି। ସୂଚନା ଅନୁଯାୟୀ, ଗତକାଲି ସନ୍ଧ୍ୟାରେ ଭବାନୀପାଟଣା-ରାୟଗଡା ଛଅ ନମ୍ବର ରାଜ୍ୟ ରାଜପଥର ଢେପଗୁଡା ଘାଟି ନିକଟରେ ଏକ କୋଇଲା ବୋଝେଇ ଟ୍ରକ(ଏପି-୩୯-ଟି-୪୫୭୯) ବ୍ରେକ୍ ଫେଲ୍ ହେବାରୁ ଦୁର୍ଘଟଣା ଗ୍ରସ୍ତ ହୋଇଥିଲା। ସେଠାରେ ଅଳ୍ପକେ ରକ୍ଷା ପାଇଯାଇଥିବା ଡ୍ରାଇଭର ଓ ହେଲ୍ପର ଦୁର୍ଘଟଣାର କିଛି ସମୟ ପରେ ନିକଟସ୍ଥ ଏକ ଢାବାକୁ ଖାଇବାକୁ ଯାଇଥିଲେ। ସେଠାରୁ ଫେରିବାବେଳେ ଡ୍ରାଇଭର ଉପରେ ଏକ ଅଜଣାଗାଡି ଚଢିଯିବାରୁ ଘଟଣାସ୍ଥଳରେ ହିଁ ଡ୍ରାଇଭର ଠାକୁର ସିଂହର ମୃତ୍ୟୁ ଘଟିଥିଲା। ସକାଳେ ଏ ସଂପର୍କରେ ଖବର ପାଇ ସିକେରକୁପା ଓ ବିଶ୍ୱନାଥପୁର ପୁଲିସ ଘଟଣାସ୍ଥଳରେ ପହଞ୍ଚିଥିବାବେଳେ ଏନେଇ ବିଶ୍ୱନାଥପୁର ଥାନା କେସ୍ ନଂ ୪୪/୨୦୨୦ରେ ଏକ ମାମଲା ରୁଜୁ କରି ଥାନାଧିକାରୀ ରୁନୁ କୁମାରୀ ମାଝୀ ତଦନ୍ତ କରୁଥିବା ଜଣାପଡିଛି।
Comments are closed.