ଝାଳରୁ ଦୁର୍ଗନ୍ଧ ହେବା ଅନେକ ଲୋକଙ୍କର ମୁଖ୍ୟ ସମସ୍ୟା ଅଟେ। ଏହି କାରଣରୁ ଲୋକଙ୍କୁ ଅନ୍ୟମାନଙ୍କ ସମ୍ମୁଖରେ ଅପମାନିତ ହେବାକୁ ପଡିଥାଏ। ଶରୀରରେ ସ୍ବେଟ ଗୋଲ୍ଡ ଅଧିକ ସକ୍ରିୟ ହୋଇ ଯିବା କାରଣରୁ ଝାଳରୁ ଦୁର୍ଗନ୍ଧ ହୋଇଥାଏ। ବ୍ୟାକ୍ଟେରିଆ ଓ ଜୀବାଣୁ ମଧ୍ୟ ଶରୀରରୁ ଝାଳ ଦୁର୍ଗନ୍ଧ ହେବାର କାରଣ ଅଟନ୍ତି। ଝାଳର ଦୁର୍ଗନ୍ଧ ହେବାର ଅନ୍ୟ କାରଣ ମଧ୍ୟ ରହିଛି। ଝାଳର ଦୁର୍ଗନ୍ଧରୁ ରକ୍ଷା ପାଇବାର ଅନେକ ଉପାୟ ରହିଛି। ଆସନ୍ତୁ ଜାଣିବା ସେ ଉପାୟଗୁଡିକ ବିଷୟରେ ..
ବେକିଙ୍ଗ ସୋଡା : ବେକିଙ୍ଗ ସୋଡା ଝାଳର ଦୁର୍ଗନ୍ଧ କମ କରିବାରେ ସହାୟକ ହୋଇଥାଏ। ଏହାର ବ୍ୟକହାର ଦ୍ବାରା ଶରୀରରେ ବିକାଶ ହେଉଥିବା ବ୍ୟାକ୍ଟେରିଆଙ୍କ ସଂଖ୍ୟା ହ୍ରାସ ହୋଇଥାଏ। ଏହାଦ୍ବାରା ଦୁର୍ଗନ୍ଧ ମଧ୍ୟ ଦୂର ହୋଇଥାଏ। ଶରୀରର ଯେଉଁ ସ୍ଥାନରୁ ଝାଳ ନିର୍ଗତ ହେଉଥିବ ସେଠାରେ ବେକିଙ୍ଗ ସୋଡା ସହ ଲେମ୍ବୁ ରସ ମିଶାଇ ଲଗାନ୍ତୁ। ତାପରେ କିଛି ସମୟ ପରେ ଧୋଇ ଦିଅନ୍ତୁ। ଏପରି କିଛି ଦିନ କରିବା ଦ୍ବାରା ଶରୀରରୁ ନିର୍ଗତ ଝାଳର ଦୁର୍ଗନ୍ଧରୁ ରକ୍ଷା ପାଇପାରିବା।
ସେଓର ସିରକା : ସେଓର ସିରକାରେ ଆଣ୍ଟି-ବ୍ୟାକ୍ଟେରିଆ ଓ ଆଣ୍ଟି-ଅକ୍ସିଡାଣ୍ଟ ଗୁଣ ରହିଛି। ଏହା ବ୍ୟାକ୍ଟେରିଆଙ୍କ ବିକାଶକୁ ହ୍ରାସ କରିଥାଏ। ଏହାକୁ ଶରୀରରେ ବ୍ୟବହାର କରିବା ଦ୍ବାରା ଝାଳର ଦୁର୍ଗନ୍ଧରୁ ମଧ୍ୟ ରକ୍ଷା ପାଇ ପାରିବା। ଶରୀରର ଯେଉଁ ସ୍ଥାନରୁ ଝାଳ ବାହାରୁ ଥିବ ସେହି ସ୍ଥାନରେ ସେଓର ସିରକାକୁ ଏକ ତୁଳାରେ ନେଇ ଲଗାନ୍ତୁ। ତାପରେ ସେହି ସ୍ଥାନକୁ ପାଣିରେ ଭଲ ଭାବେ ଧୋଇ ଦିଅନ୍ତୁ। ଏପରି କରିବା ଦ୍ବାରା ଶରୀରରୁ ଝାଳର ଦୁର୍ଗନ୍ଧ ଦୂର ହୋଇଯିବ।
ଲେମ୍ବୁ ରସ : ଲେମ୍ବୁ ରସ ଦ୍ବାରା ଶରୀରରୁ ବାହାରୁ ଥିବା ଝାଳର ଦୁର୍ଗନ୍ଧରୁ ରକ୍ଷା ପାଇପାରିବା। ଲେମ୍ବୁ ରସରେ ଏସିଡର ମାତ୍ରା ରହିଛି। ଏହା ଶରୀରରେ ଝାଳରୁ ନିର୍ଗତ ହେଉଥିବା ବ୍ୟାକ୍ଟେରିଆ ସହ ଲଢିବାରେ ସହାୟକ ହୋଇଥାଏ। ଝାଳ ନିର୍ଗତ ହେଉଥିବା ସ୍ଥାନରେ ଭଲ ଭାବରେ ଲେମ୍ବୁ ରସ ଲଗାନ୍ତୁ। କିଛି ସମୟ ପରେ ସେହି ସ୍ଥାନକୁ ଭଲ ଭାବେ ଧୋଇ ଦିଅନ୍ତୁ। ଏପରି କରିବା ଦ୍ବାରା ଶରୀରରୁ ଝାଳର ଦୁର୍ଗନ୍ଧରୁ ମୁକ୍ତି ପାଇ ପାରିବା।