ଠାକୁରମୁଣ୍ଡା : ଏଣିକି ଗାଁରେ ମିଳିବ ସମସ୍ତ ରାଜସ୍ବ ସେବା। କୋଭିଡ ସମୟରେ ଲୋକଙ୍କୁ ଆଉ ତହସିଲ କାର୍ଯ୍ୟାଳୟକୁ ବାରମ୍ବାର ଦୌଡିବାକୁ ପଡିବନି। ଜମି ପଟ୍ଟା ହେଉ ବା ଯେ କୌଣସି ପ୍ରମାଣ ପତ୍ର ଗାଁରେ ମିଳିପାରିବ। ଏଥିପାଇଁ ଠାକୁରମୁଣ୍ଡା ତହସିଲ ପକ୍ଷରୁ କାର୍ଯ୍ୟାଳୟ ପରିସରରେ ରାଜସ୍ବ ରଥ ଶୁଭାରମ୍ଭ ହୋଇଛି। କରଞ୍ଜିଆ ଉପଜିଲ୍ଲାପାଳ ଡ଼ ରଜନୀକାନ୍ତ ବିଶ୍ବାଳ ସବୁଜ ପତାକା ଦେଖାଇ ଏହି ରଥକୁ ଶୁଭାରମ୍ଭ କରିଥିଲେ। ଏହି ଅବସରରେ ଠାକୁରମୁଣ୍ଡାର ଅତିରିକ୍ତ ତହସିଲଦାର, ବିଡିଓଙ୍କ ସମେତ ସମସ୍ତ ତହସିଲ କର୍ମଚାରୀ ଉପସ୍ଥିତ ଥିଲେ। ରାଜସ୍ବ ରଥ ଏଣିକି ଗାଁ ଗାଁରେ ବୁଲି ଲୋକଙ୍କୁ ସେବା ଯୋଗାଇ ଦେବ। ଜମି ପଟ୍ଟା ହେଉ ବା ପିଲାଙ୍କ ବିଭିନ୍ନ ପ୍ରମାଣପତ୍ର ଗାଁରେ ମିଳିପାରିବ। ଏହି ଯୋଜନାର ସଫଳ ରୂପାୟନ ପାଇଁ ଜନସାଧାରଣ ସହଯୋଗ କରିବା ସହ ଏହାର ଲାଭ ଉଠାଇବାକୁ ଉପଜିଲ୍ଲାପାଳ ଶ୍ରୀ ବିଶ୍ବାଳ ନିବେଦନ କରିଛନ୍ତି। ପରେ ଠାକୁରମୁଣ୍ଡା ବ୍ଲକର ପଡିଆବେଡା ଗ୍ରାମପଞ୍ଚାୟତକୁ ଯାଇ ବିଡ଼ିଓ, ତହସିଲଦାର ସ୍ଥାନୀୟ ସରପଞ୍ଚ, ଗ୍ରାମପଞ୍ଚାୟତ ପିଇଓଙ୍କ ଉପସ୍ଥିତରେ ଗ୍ରାମପଞ୍ଚାୟତରେ କାର୍ଯ୍ୟକାରୀ ହେଉଥିବା ଆବାସ ଯୋଜନା, ପିଡ଼ିଏସ ଏବଂ ବିଭିନ୍ନ ଉନ୍ନୟନ ମୂଳକ ଯୋଜନା ଗୁଡିକର ସମୀକ୍ଷା କରିଥିଲେ। ପରେ ପୋଡ଼ିଆବେଡା ଆର.ଆଇ ଅଫିସରେ ପହଞ୍ଚି ରାଜସ୍ୱ ବିଭାଗର କାର୍ଯ୍ୟକୁ ତଦାରଖ କରିଥିଲେ।
Comments are closed.