ରେଙ୍ଗାଲି: ଜମିବାଡି ବିବାଦକୁ ନେଇ ଠେଲକୁଲି ଥାନା ଅନ୍ତର୍ଗତ ବମାଲୋଇ ଭୁଲିଆପଡାରେ ଏକ ନୃଶଂସ ହତ୍ୟାକାଣ୍ଡ ଘଟିଯାଇଛି। ପୁଳିସ ସୁତ୍ରରୁ ପ୍ରାପ୍ତ ସୂଚନା ଅନୁଯାୟୀ ବମାଲୋଇ ଭୁଲିଆପଡାର ବୀରେନ୍ ଝାଙ୍କର (୪୬)ଙ୍କ ଉକ୍ତପଡାରେ ରହୁଥିବା କୈଲାସ ମେହେର ପରିବାର ସହିତ ଦୀର୍ଘ ଦିନରୁ ଜମିବାଡି ବିବାଦ ଲାଗି ରହିଥିଲା। ଉଭୟଙ୍କ ମଧ୍ୟରେ ବିଭିନ୍ ସମୟରେ ବାକ୍ ବିତଣ୍ଡା ତଥା ଗଣ୍ଡଗୋଳ ମଧ୍ୟ ଲାଗି ରହୁଥିଲା। ଆଜି ଅପରାହ୍ନ ପ୍ରାୟ ୨ଟା ୩୦ ମିନିଟ୍ ସମୟରେ କୈଲାସ ମେହେର ଏବଂ ତାଙ୍କର ପରିବାରର କିଛି ସଦସ୍ୟ ବୀରନ୍ ଝାଙ୍କର ତାଙ୍କ ଘର ପାଖରେ ଥିବା ବେଳେ ତାଙ୍କୁ ସଂଘବଦ୍ଧ ଭାବରେ ଆକ୍ରମଣ କରି ଇଟା ଏବଂ ଠେଙ୍ଗାବାଡିରେ ଅତି ନୃଶଂସ ଭାବରେ ଆକ୍ରମଣ କରିଥିଲେ।
ଫଳରେ ବୀରେନ୍ ଘଟଣା ସ୍ଥଳରେ ମୁମୁର୍ଷୁ ଅବସ୍ଥା ରେ ପଡି ଚେତା ହରାଇଥିଲେ। ଏସଂକ୍ରାନ୍ତରେ ସୂଚନା ପାଇ ଠେଲକୁଲି ଥନା ଅଧିକାରୀ ପ୍ରକାଶ କୁମାର କର୍ଣ୍ଣ ସଦଳବଳେ ଘଟଣା ସ୍ଥଳକୁ ପହଞ୍ଚି ଆହତ ବୀରେନଙ୍କୁ ଚିକିତ୍ସା ପାଇଁ ବୁର୍ଲା ଡାକ୍ତରଖନାକୁ ପଠାଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଥାନାରେ ହତ୍ୟା ମାମଲା ରୁଜ୍ଜୁ କରି ବିରେନ୍ ହତ୍ୟାକାଣ୍ଡର ତନାଘନା କରି ଏଥିରେ ସଂପୃକ୍ତ ଥିବା କୈଲାସ ମେହେର, ଭବାନୀ ମେହେର, ଆକୁଲ ମେହେର, ଅମୃତ ମେହେର, ଦ୍ରୁପଦ ମେହେର, ଆକୁଳ ମେହେର ପ୍ରମୁଖ ୭ଜଣ ଙ୍କୁ ଗିରଫ କରାଯାଇଥିବାର ଜଣାପଡିଛି। ହତ୍ୟାକାଣ୍ଡ ରେ ବ୍ୟବହୃତ ଇଟା ଏବଂ ଠେଙ୍ଗାବାଡି ଜବତ କରାଯାଇଛି।
Comments are closed.