ସଡକ ଦୁର୍ଘଟଣା; ୧ମୃତ ୨ ଆହତ

ରେଙ୍ଗାଲି: ସମ୍ବଲପୁର-ରାଉରକେଲା ୧୦ ନମ୍ବର ରାଜ୍ୟ ରାଜପଥର ଗୁରୁପାଲି ଠାରେ ଆଜି ସକାଲ ୧୦ ଟା ସମୟରେ ଏକ କାର୍ ଦୁର୍ଘଟଣାଗ୍ରସ୍ତ ହେବା ଫଳରେ ଜଣେ ଘଟଣା ସ୍ଥଳରେ ଶୋଚନୀୟ ଭାବେ ମୃତ୍ୟୁ ବରଣ କରିଥିବା ବେଳେ ଦୁଇ ଜଣ ଗୁରୁତର ଆହତ ହୋଇଥିବା ପୁଳିସ ସୁତ୍ରରୁ ଜଣାପଡିଛି। ସୂଚନା ଅନୁଯାୟୀ ସମ୍ବଲପୁର – ଧନକଉଡାର ମନୋରଞ୍ଜନ ପ୍ରଧାନ(ଟିଙ୍କୁ) (୨୮) ମିତେଶ ନାଏକ(୨୪)ଲେଲିନ୍ ସ୍ୱାଇଁ (୨୭) ଓଡି ୧୫ଏଫ୍-୭୧୯୨କାରରେ ଝାରସୁଗୁଡା ପଟରୁ ସମ୍ବଲପୁର ଅଭିମୁଖେ ଯାଉଥିବା ବେଳେ ଗୁରୁପାଲି ନିକଟରେ କାର୍ର ଆଗ ଚକ ଫାଟି ଯାଇଥିଲା। ଫଳରେ ଚାଳକ କାର୍ ଉପରୁ ନିୟନ୍ତ୍ରଣ ହରାଇଥିଲେ ଏବଂ କାର୍ କିଛି ଦୂରରେ ଛିଡା ହୋଇଥିବା ଏକ ଟ୍ରକ୍ ରେ ଜୋର୍ ପିଟି ହୋଇ ଦୁର୍ଘଟଣା ଗ୍ରସ୍ତ ହୋଇ ଥିଲା। ଦୁର୍ଘଟଣାରେ ମନୋରଞ୍ଜନ ପ୍ରଧାନ ଓରଫ୍ ଟିଙ୍କୁର ମୁଣ୍ଡରେ ଗଭୀର ଅଘାତ ଲାଗିବାରୁ ଘଟଣା ସ୍ଥଳରେ ମୃତ୍ୟୁ ବରଣ କରିଥିଲେ।

 

କାର୍ରେ ଥିବା ଅନ୍ୟ ଦୁଇ ଜଣ ଯାତ୍ରୀ ମିତେଶ ଏବଂ ଲେଲିନ୍ ଗୁରୁତର ଆହତ ହୋଇଥିଲେ। ଖବର ପାଇ ରେଙ୍ଗାଲି ପୁଳିସ ଘଟଣା ସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ଆମ୍ବୁଲାନ୍ସରେ ବୁର୍ଲା ଡାକ୍ତରଖାନାକୁ ଚିକିତ୍ସା ପାଇଁ ପଠାଇବା ସହିତ ମନୋରଞ୍ଜନ(ଟିଙ୍କୁ)ଙ୍କ ମୃତ ଦେହକୁ ଉଦ୍ଧାର କରି ପଞ୍ଚନାମା କଲାପରେ ବ୍ୟବଚ୍ଛେଦ ପାଇଁ ପଠାଇଥିବାର ଜଣାପଡିଛି। ଏ ସଂକ୍ରାନ୍ତରେ ଏକ ମାମଲା ରୁଜ୍ଜୁ କରାଯାଇ ତଦନ୍ତ ଜାରି ରହିଛି ବୋଲି ରେଙ୍ଗାଲି ଆଇଆଇସି ଧବଲେଶ୍ୱର ସାହୁ କହିଛନ୍ତି।

Comments
Loading...