ଏନ୍ଏଲ୍‌ସି ବାହ୍ୟ ନିଯୁକ୍ତିକୁ ନେଇ କୋଇଲା ଖଣିରେ ଆନ୍ଦୋଳନ

ରେଙ୍ଗାଲି: ଖିଣ୍ଡା ସ୍ଥିତ ଏନଏଲସି କମ୍ପାନୀର ତଲାବିରା (୨)ଏବଂ (୩) କୋଇଲା ଖଣିରେ ଆଜି ବାହାର ଅଞ୍ଚଳର ୧୦ ଜଣଙ୍କୁ ନିଯୁକ୍ତି ଦିଆଯିବାକୁ ବିରୋଧ କରି ଆଜି ସୁରେନ୍ଦ୍ର ଶ୍ରମିକ ସଂଘ ଏବଂ ଗ୍ରାମବାସୀ ପକ୍ଷରୁ ତୀବ୍ର ବିରୋଧ କରାଯାଇଥିଲା। ନୂତନ ନିଯୁକ୍ତ ବାହ୍ୟ ଲୋକଙ୍କୁ ସିଟିଆର୍ ରୋଡ୍‌ରେ ଅଟକ ରଖି ଆନ୍ଦୋଳନ କରିଥିଲେ। ଜମିହରା, ବିସ୍ଥାପିତ ଏବଂ ପ୍ରଭାବିତ ପରିବାରର ବେକାର ଯୁବକ ମାନଙ୍କୁ ନିଯୁକ୍ତି ନ ଦେଇ ବାହ୍ୟ ନିଯୁକ୍ତି ଦିଆଯିବା ନୀତି ବନ୍ଦ ହେଉ ବୋଲି ଦାବି କରିଥିଲେ।

 

ଏନ୍ଏଲସି ର ଜିଏମ୍ ବିଜୟ କୁମାର ଏବଂ ରଣବିଜୟ ସିଂ ଆନ୍ଦୋଳନ ସ୍ଥଳକୁ ଆସି ଆନ୍ଦୋଳନକାରୀ ଙ୍କ ସହିତ ଆଲୋଚନା କରି ୩ ଦିନ ମଧ୍ୟରେ ସ୍ଥାନୀୟ ନିଯୁକ୍ତି ପ୍ରକ୍ରିୟା ଆରମ୍ଭ କରାଯିବ ବୋଲି ପ୍ରତିଶ୍ରୁତି ଦେଇଥିଲେ। ସନ୍ଧ୍ୟା ୭ଟା ରେ ଆନ୍ଦୋଳନ ପ୍ରତ୍ୟାହାର ହୋଇଥିଲା। ଶ୍ରମିକ ସଂଘର କାର୍ଯ୍ୟକାରୀ ସଭାପତି ବାବୁଲୁ ରାଉତ ଙ୍କ ନେତୃତ୍ବ ପରିଚାଳିତ ଏହି ଆନ୍ଦୋଳନ ରେ ସୁବ୍ରତ ବୁଧିଆ, ରୁଦ୍ର ପ୍ରଧାନ, ତରୁଣ ବୁଧିଆ, ମନୁ ପ୍ରଧାନ, ଦୁର୍ଗା ଭୋଇ ପ୍ରମୁଖ କର୍ମକର୍ତ୍ତା ଏବଂ ବହୁ ସଂଖ୍ୟକ ଗ୍ରାମବାସୀ ଅଂଶଗ୍ରହଣ କରିଥିଲେ।

Comments
Loading...