ଅତାବିରା ବୀର ସୁରେନ୍ଦ୍ର ସାଏ କ୍ଳବ ପକ୍ଷରୁ ବୀର ସୁରେନ୍ଦ୍ର ସାଏ ଓ ନେତାଜୀ ଜୟନ୍ତୀ ପାଳିତ

ରେଙ୍ଗାଲି: ବରଗଡ଼ ଜିଲ୍ଳା ଅତାବିରା ଏନଏସି ସ୍ଥିତ ବୀର ସୁରେନ୍ଦ୍ର ସାଏ କ୍ଳବ ପକ୍ଷରୁ ସଂଗ୍ରାମୀ ବୀର ସୁରେନ୍ଦ୍ର ସାଏ ଓ ନେତାଜୀ ସୁବାଷ ଚନ୍ଦ୍ର ବୋଷ ଙ୍କ ଜୟନ୍ତୀ ପାଳିତ ହୋଇଯାଇଛି। ଏହି ଅବସରରେ ସ୍ଥାନୀୟ ସମଲେଶ୍ବରୀ ମନ୍ଦିର ଠାରୁ ଶତାଧିକ ଯୁବକ ମାନଙ୍କ ଦ୍ୱାରା ପୂଜାର୍ଚ୍ଚନା ପୂର୍ବକ ମଶାଲ ଯାତ୍ରା ନଗର ପରିକ୍ରମା କରି ତହସିଲ ଛକରେ ଥିବା ସୁରେନ୍ଦ୍ର ସାଏଙ୍କ ପ୍ରତିମୂର୍ତ୍ତି ସମ୍ମୁଖରେ ପହଞ୍ଚିଥିଲା। ମୁଖ୍ୟ ଅତିଥି ଭାବେ ସ୍ଥାନୀୟ ବିଧାୟିକା ସ୍ନେହାଙ୍ଗିନୀ ଛୁରିଆ ଯୋଗଦେଇ ଦୁଇ ମହାନ ସ୍ବାଧୀନତା ସଂଗ୍ରାମୀ ତଥା ଦେଶ ଭକ୍ତ,ମୁକ୍ତି ସଂଗ୍ରାମର ଅବିସ୍ମରଣୀୟ ଯୋଦ୍ଧା ବୀର ସୁରେନ୍ଦ୍ର ସାଏ ଓ ନେତାଜୀ ସୁଭାଷଚନ୍ଦ୍ର ବୋଷଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ ସହ ତାଙ୍କ ଜୀବନୀ ଉପରେ ଆଲୋକ ପାତ କରିଥିଲେ। ଭି.ଏସ୍.ଏସ୍ କ୍ଳବର ସଂଜୀବ ପାରିଜା,ମନୋଜ ମିଶ୍ର, ଦାମୋଦର ମେହେର, ରମେଶ ଅଗ୍ରୱାଲ,ସତ୍ୟ ମିଶ୍ର,ଶ୍ୟାମ ରାଓ,ଅଭିନାଶ ବାରିକ,ଶାନ୍ତନୁ ସାହୁ,ଶିବାନନ୍ଦ ତ୍ରିପାଠୀ,ମଣ୍ଟୁ ପଣ୍ଡା ଓ ମୁନା ଗୁପ୍ତା ପ୍ରମୁଖ ଯୋଗଦେଇ ନିଜ ନିଜର ମତ ପ୍ରକାଶ କରିଥିଲେ। ସେହିପରି ଜୟନ୍ତୀ ଅବସରରେ ଭି ଏସ୍ ଏସ୍ କ୍ରିଏସନ ୟୁଟୁବ ଗ୍ରୁପ ପକ୍ଷରୁ ସଡକ ସୁରକ୍ଷା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ କ୍ରିଏସନ ଗ୍ରୁପର ଅଭିନାଶ ବାରିକ,ସନ୍ଦିପ ପଧାନ,ରିଙ୍କୁ ନାଏକ, ବିକାଶ ବାରିକ, ଶାନ୍ତନୁ, ସମୟ, ଅଙ୍କିତ, ପିନ ,ଦିନ ,ଜଗନ ,ଲକ୍ଷ୍ମୀ, ରଜତ, ଲିଟୁନ, କାର୍ତ୍ତିକ ,ଅମିତ, ସିବା, ରାଜୁଧିରଜ ପ୍ରମୁଖ ଯୋଗଦେଇ ରାଜରାସ୍ତା ଉପରେ ଯିବାଆସିବା କରୁଥିବା ଚାଳକ ମାନଙ୍କୁ ଅଟକାଇ ସଡକ ସୁରକ୍ଷା ଉପରେ ଲୋକଙ୍କୁ ସଚେତନ କରାଇ ସରକାରୀ ନିୟମ ପାଳନ କରିବା ପାଇଁ ବୁଝାଇଥିଲେ।ହେଲମେଟ,ମାସ୍କ, ଗାଡ଼ିର ସମସ୍ତ କାଗଜପତ୍ର ଠିକ ଭାବେ ରଖି ଯିବା ଆସିବା କରିବା ପାଇଁ କହିଥିଲେ।

Comments
Loading...