ଆଦର୍ଶ ବିଦ୍ୟାଳୟରେ ଶିକ୍ଷକ ଅଭିଭାବକଙ୍କ ବୈଠକ

ରେଙ୍ଗାଲି:ରେଙ୍ଗାଲି ସ୍ଥିତ ଓଡିଶା ଆଦର୍ଶ ବିଦ୍ୟାଳୟରେ ଶିକ୍ଷକ ଏବଂ ଅଭିଭାବକଙ୍କ ବୈଠକ ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ଅଧ୍ୟକ୍ଷ ରମଣୀକାନ୍ତ ସାହୁଙ୍କ ସଭାପତିତ୍ବରେ ଅନୁଷ୍ଠିତ ଏହି ବୈଠକରେ ନୂତନ ଭାବରେ ଯୋଗଦାନ କରିଥିବା ଶିକ୍ଷକ ଶିକ୍ଷୟିତ୍ରୀଙ୍କ ପରିଚୟ ପ୍ରଦାନ କରାଯାଇଥିଲା। ଏହାପରେ ଉଚ୍ଚ ମାଧ୍ୟମିକ ଶିକ୍ଷା ଉପରେ ଆଲୋଚନା କରାଯାଇ ଏକାଡେମିକ୍ ବାର୍ତ୍ତା ପ୍ରଦାନ କରାଯାଇଥିଲା। ଏହା ବ୍ୟତୀତ ସାମୟିକ ପରୀକ୍ଷାର ପରିଣାମ, ମୋ ସ୍କୁଲ ଅଭିଯାନ ଉପରେ ଆଲୋଚନା କରାଯାଇ ସ୍କୁଲର ଉନ୍ନତିକରଣ କାର୍ଯ୍ୟ ସଂକ୍ରାନ୍ତରେ ବିଚାର ବିମର୍ଶ କରାଯାଇଥିଲା। ଅଭିଭାବକମାନେ ଶିକ୍ଷା ସମ୍ବନ୍ଧିତ ନିଜ ନିଜର ମତ ସ୍କୁଲରେ ଥିବା ଅଭିମତ ବାକ୍ସରେ ଲିଖିତ ଆକାରରେ ଦେବାର ବ୍ୟବସ୍ଥା ରହିଛି ବୋଲି ବୈଠକରେ ଅବଗତ କରିଥିଲେ। ବୈଠକରେ ରମେଶ ମାହାଣାଙ୍କୁ ଅଭିଭାବକ କମିଟିର ସଭାପତି ରୂପେ ମନୋନୀତ କରାଯାଇଥିଲା। ସ୍କୁଲରେ ଯୋଗ ଶିକ୍ଷା ପ୍ରଦାନର ବ୍ୟବସ୍ଥା କରିବାକୁ ଅଭିଭାବକମାନଙ୍କ ପକ୍ଷରୁ ପ୍ରସ୍ତାବ ଦିଆଯାଇଥିଲା। ଶିକ୍ଷୟିତ୍ରୀ ରଞ୍ଜିତା ପ୍ରଧାନ ବୈଠକ ପରିଚାଳନା କରିଥିଲେ ଏବଂ ସୁସ୍ମିତା ବୋଷ ଧନ୍ୟବାଦ ଅର୍ପଣ କରିଥିଲେ।

Comments are closed.