ରେଙ୍ଗାଲି: ଚଳିତ ଖରିଫ ଋତୁରେ ଅନାବୃଷ୍ଟି ଯୋଗୁଁ ରେଙ୍ଗାଲି ବ୍ଳକ୍ ର କତରବଗା ଗ୍ରାମପଞ୍ଚାୟତ ରେ ଭୟାବହ ମରୁଡି ପରିସ୍ଥିତି ସୃଷ୍ଟି ିହୋଇ ଧାନ ଚାଷ ବହୁତ କ୍ଷତିଗ୍ରସ୍ତ ହୋଇଛି। ଫଳ ରେ ଚାଷୀ ନାହିଁ ନଥିବା କ୍ଷତି ର ସମ୍ମ୍ୁଖିନ ହେବାକୁ ଯାଉଛନ୍ତି। ଏହି ଅଞ୍ଚଳ ରେ ଥିବା ମେଗା ଉଠା ଜଳ ସେଚନ ପ୍ରକଳ୍ପ ର ଗୁରୁତର ଅବ୍ୟବସ୍ଥା ଯୋଗୁଁ ଏହାର ସୂଫଳ ପାଇବାରୁ ଚାଷୀ ବଞ୍ଚିତ ହେଉଛନ୍ତି ବୋଲି କତରବଗା ପଞ୍ଚାୟତ ଅଞ୍ଚଳ ର ଚାଷୀ ଅଭିଯୋଗ କରି କତରବଗା ପଞ୍ଚାୟତକୁ ମରୁଡି ଅଞ୍ଚଳ ଘୋଷଣା କରାଯିବା ସହିତ ୫ଦଫା ଦାବୀ ପୂରଣ କରିବା ନେଇ ଆଜି ଗଡପଟିଏନ୍ କୃଷକ ସଙ୍ଗଠନ ର ଆହ୍ୱାନ କ୍ରମେ ସ୍ଥାନିୟ ଜଗନ୍ନାଥ ମନ୍ଦିର ମଣ୍ଡପ ରୁ ଚାଷୀ ମାନେ ଏକ ଶୋଭାଯାତ୍ରା ରେ ବାହାରି କତରବଗା ରାଜସ୍ୱ ନିରୀକ୍ଷକ କାର୍ଯ୍ୟାଳୟ ସମ୍ମୁଖ ରେ ବିକ୍ଷୋଭ ପ୍ରଦର୍ଶନ କରିଥିଲେ। ଚାଷୀମାନେ ବିକ୍ଷୋଭ ପ୍ରଦର୍ଶନ କରି ରାଜ୍ୟପାଳ, ମୁଖ୍ୟମନ୍ତ୍ରୀ, କୃଷ୍ିମନ୍ତ୍ରୀ ଏବଂ ରାଜସ୍ୱମନ୍ତ୍ରୀ ଙ୍କ ଉଦ୍ଦେଶ୍ୟ ରେ ଦାବୀପତ୍ର ପ୍ରଦାନ କରିଥିଲେ।
କତରବଗା ଗ୍ରାମ ପଞ୍ଚାୟତ ଅଞ୍ଚଳ କୁ ମରୁଡି ଅଞ୍ଚଳ ଘୋଷଣା କରାଯିବା ଦାବୀ ବ୍ୟତୀତ ଫସଲ ବୀମା କ୍ଷତି ପୂôଣ ପ୍ରଦାନ,ବିଗତ ବର୍ଷ ଏବଂ ଚଳିତ ବର୍ଷ ର କୃଷି ଋଣ ଛାଡ,କରାଯିବା। କତରବଗା ପଞ୍ଚାୟତ ଅଞ୍ଚଳ ରେ କରାଯାଇଥିବା ମେଗା ଜଳସେଚନ ପ୍ରକଳ୍ପ ର ଜଳ ଯୋଗାଣ ରେ ଗୁରୁତର ଅବ୍ୟବସ୍ଥା ଯୋଗୁଁ ଚାଷ ଜମି ରେ ପାଣି ମାଡି ପାରୁବାହିଁ । ଫଳ ରେ ଚାଷୀ ଏହାର ସୁଫଳ ରୁ ବଞ୍ଚିତ ହେଉଥିବାରୁ ଜଳ ନିର୍ଗମନ ସ୍ଥାନ ର ପୁନଃନିର୍ଦ୍ଧାରଣ କରାଯାଇ ଚାଷ ଜମି କୁ ଜଳ ଯୋଗାଣ ର ସୁବ୍ୟବସ୍ଥିତ କରାଯାଉ। ପ୍ରଚଳିତ ଟୋକନ୍ ବ୍ୟବସ୍ଥା ଦ୍ୱାରା ଧାନ ବିକ୍ରି ସମୟ ରେ ଚାଷୀ ବହୁତବ ଅସୁବିଧାର ସମ୍ମୁଖୀନ ହୋଇଅଭାବୀ ବିକ୍ରି ର ସମ୍ମୁଖୀନ ହେଉଛନ୍ତି । ଏଣୁ ଟୋକନ ବ୍ୟବସ୍ଥା ଉଚ୍ଛେଦ କରାଯାଉ ବୋଲି ଚାଷୀ ମାନେ ଦାବୀ କରିଛନ୍ତି। ଆଜି ର ଏହି ଆନ୍ଦୋଳନ ରେ ଗଡପଟିଏନ୍ କୃଷକ ସଙ୍ଗଠନ ର ସଭାପତି ଲକ୍ଷ୍ମଣ ଖମାରି, ଉପ-ସଭାପତି ନୃପଲାଲ ବିଶ୍ୱାଲ, ସମ୍ପାଦକ ହେମନ୍ତ ଦାସ. ସହ-ସମ୍ପାଦକ ମନୋଜ ସାହ. କୋଷାଧ୍ୟକ୍ଷ ରାଜାରମ ନାଥ, ଚାଷୀନେତା ସରୋଜ ପୂଜାରୀ ନେତୃତ୍ୱ ନେଇଥୂଲେ। କତରବଗା ,ଗୋଳାମାଲ,ପଧାନପାଲି, ବ୍ରାହ୍ମଣୀପାଲି, ଠୋରୋପାଲି,ଲାଉମାଲ,କଦଳିପିଟା, ନୁଆତିଲିଙ୍ଗିକେମ୍ପ ଆଦି ବିଭିନ୍ନ ଗ୍ରାମ ର ଚାଷୀ ଅଂଶଗ୍ରହଣ କରି ବିକ୍ଷୋଭ ପ୍ରଦର୍ଶନ କରିଥିଲେ।
Comments are closed.