୩ ଆନ୍ତଃ ରାଜ୍ୟ କେନ୍ଦୁପତ୍ର ଚୋର ଗିରଫ

ରେଙ୍ଗାଲି: ସମ୍ବଲପୁର ଜିଲା ରେଙ୍ଗାଲି ବ୍ଲକ ଠେଲକୋଲୋଇ ଅଞ୍ଚଳ ରେ ପୁଳିସ ପାଟ୍ରୋଲିଂ ସମୟରେ ଏକ ଅନ୍ତଃ ରାଜ୍ୟ କେନ୍ଦୁପତ୍ର ୩ଜଣ ଚୋରା ଚାଲାଣକାରୀଙ୍କୁ ଗିରଫ କରିଥିବାର ଜଣାପଡିଛି। ୩ଜଣିଆ ଚୋର ଦଳରେ ଜଣେ ମହିଳା ଅଛନ୍ତି। ଏହି ଚୋରଦଳଙ୍କୁ ପୁଳିସ କାବୁ କରି ଏକ ୪୦୭ ଟ୍ରକ୍ ସହିତ ୩୮୦ ବଣ୍ଡଲ କେନ୍ଦୁପତ୍ର ଜବତ କରାଯାଇଛି।

ସୂଚନାରୁ ପ୍ରକାଶ ଯେ ଆଜି ସମ୍ବଲପୁର ଜିଲା ଜୁଜୁମୁରାରୁ ପଶ୍ଚିମବଙ୍ଗକୁ ଏକ ଟଟା ୪୦୭ (ଡବ୍ଲ୍ୟୁବି ୨୯ସି ୦୨୧୨) ଗାଡ଼ିରେ କେନ୍ଦୁପତ୍ର ଚୋରାଚାଳାଣ ହେଉଥିଲା। ସମ୍ବଲପୁର ଜିଲା ଠେଲକୋଲଇ ଥାନାର ସବ୍ ଇନ୍ସପେକ୍ଟର ପ୍ରମୋଦ କୁମାର ସାହୁ ସଦଳବଳେ ପାଟ୍ରୋଲିଂ କରୁଥିବା ବେଳେ ଉକ୍ତ ଗାଡି ଟିକୁ ଅଟକାଇ ଯାଞ୍ଚ କରିଥିଲେ। ଯାଞ୍ଚ ସମୟରେ ଗାଡିରୁ ୩୮୦ ବଣ୍ଡଳ କେନ୍ଦୁପତ୍ର ଥିବାର ପୋଲିସ ଦେଖିଥିଲା। ଗାଡ଼ିରେ ଥିବା ପଶ୍ଚିମବଙ୍ଗ କାଲିଘାଟ ର ତପନ ମଣ୍ଡଳ (୪୮), ମେଦିନୀପୁର ର ସବୀର ନାୟକ (୨୭) ଓ ସାଜିଦା ବିବି(୪୭)କୁ ପୋଲିସ ଧରି ବନ ବିଭାଗ କୁ ହସ୍ତାନ୍ତର କରିଛି। ବନ ବିଭାଗ ମହିଳାଙ୍କ ସହ ୩ ଜଣଙ୍କୁ ଗିରଫ କରିବା ସହ ୩୮୦ ବଣ୍ଡଳ କେନ୍ଦୁପତ୍ର ଓ ୪୦୭ ଗାଡିକୁ ଜବତ କରିଛି। ଜବତ କେନ୍ଦୁପତ୍ରର ମୂଲ୍ୟ ପାଖାପାଖି ୬ ଲକ୍ଷ ଟଙ୍କା ହେବବୋଲି ଜଣାପଡିଛି। ବନ ବିଭାଗ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି।

Comments
Loading...