ମିରଟ : ଦେଶରେ ଧର୍ମାନ୍ତରୀକରଣ କାର୍ଯ୍ୟରେ ଜଡିତ ଏକ ବଡ ଗୋଷ୍ଠୀକୁ ଉତ୍ତରପ୍ରଦେଶ ଆତଙ୍କବାଦୀ ନିରୋଧ ଦଳ (ଏଟିଏସ୍) ଠାବ କରିଛି। ଏହି ଧର୍ମାନ୍ତରୀକରଣ ଗୋଷ୍ଠୀକୁ ପରିଚାଳନା କରୁଥିବା ମୁଖ୍ୟ ଅଭିଯୁକ୍ତ ମୌଲାନା କଲିମ୍ ସିଦ୍ଦିକକୁ ଗିରଫ କରାଯାଇଛି। ଏଟିଏସ୍ର କହିବା ଅନୁଯାୟୀ ଧର୍ମାନ୍ତରୀକରଣ ଅଭିଯୋଗରେ ସିଦ୍ଦିକଙ୍କୁ ଗିରଫ କରାଯାଇଛି। ତାଙ୍କ ଘର ମୁଜାଫରନଗର ଜିଲା ଫୁଲାତ। ସେ ଜାମିଆ ଇମାମ୍ ୱାଲିଉଲ୍ଲା ନାମରେ ଏକ ଟ୍ରଷ୍ଟ ଚଳାଉଛନ୍ତି। ଏହି ଟ୍ରଷ୍ଟ ମାଧ୍ୟମରେସେ ବିଦେଶରୁ ବିପୁଳ ପାଣ୍ଠି ସଂଗ୍ରହ କରିଛନ୍ତି। ଟ୍ରଷ୍ଟ ମାଧ୍ୟମରେ ସେ ବିଦେଶରୁ ୩କୋଟି ଟଙ୍କା ସଂଗ୍ରହ କରିଛନ୍ତି। ଏଟିଏସ୍ ଆଇଜି ଜିକେ ଗୋସ୍ବାମୀ କହିଛନ୍ତି ଯେ ସିଦ୍ଦିକଙ୍କ ପରିଚାଳିତ ଗୋଷ୍ଠୀ ପ୍ରାୟ ୧୦୦୦ ଲୋକଙ୍କୁ ଧର୍ମ ପରିବର୍ତ୍ତନ କରାଇଛନ୍ତି। ଉମର ଗୌତମ ମାମଲାର ତଦନ୍ତ ସମୟରେ ସିଦ୍ଦିକଙ୍କ ନାମ ପରିସରକୁ ଆସିଥିଲା। ଧର୍ମାନ୍ତରୀକରଣ ଗୋଷ୍ଠୀ ଚଳାଇବା ଅଭିଯୋଗରେ ଗତ ଜୁନ୍ରେ ଗୌତମଙ୍କୁ ଗିରଫ କରାଯାଇଥିଲା। ସେହିପରି ବଧିର ଓ ଗରିବ ଲୋକଙ୍କୁ ଧର୍ମାନ୍ତରୀକରଣ କରିବା ଅଭିଯୋଗରେ ମୁଫତି କାଜି ଜାହାଙ୍ଗିରଙ୍କୁ ମଧ୍ୟ ଗିରଫ କରାଯାଇଥିଲା। ଅନ୍ୟପକ୍ଷରେ ମୌଲାନ ସିଦ୍ଦିକଙ୍କୁ ଗିରଫ କରାଯିବାକୁ ନେଇ ସମାଜାବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ନିନ୍ଦା କରିଛନ୍ତି।
Comments are closed.