ନୂଆଦିଲ୍ଲୀ: ଚୀନ ସ୍ମାର୍ଟ ଫୋନ ମେକର ଏମଆଇ ଭାରତରେ ରେଡମି ନୋଟ୍ ୬ ପ୍ରୋ ଲଞ୍ଚ କରିଛି । ଏଥିରେ ୨ଟି ସେଲ୍ଫି କ୍ୟାମେରା ରହିଥିବା ବେଳେ ୨ଟି ରିୟର କ୍ୟାମେରା ଦିଆଯାଇଛି । ଏହି ସ୍ମାର୍ଟ ଫୋନର ବିକ୍ରି ୨୩ ନଭେମ୍ବର ଆସନ୍ତାକାଲିଠାରୁ ଆରମ୍ଭ ହେବ । ଫ୍ଲିଫକାର୍ଟ ଏବଂ ଏମଆଇ ୱେବ୍ ସାଇଡରୁ ଗ୍ରାହକ କିଣିପାରିବେ । ବ୍ଲାକ୍, ରୋଜ ଗୋଲ୍ଡ, ରେଡ୍ ଏବଂ ବ୍ଲ୍ୟୁ ଏହି ୪ଟି ରଙ୍ଗର ରେଡମି ନୋଟ୍ ୬ପ୍ରୋ ଉପଲବ୍ଧ । ୪ଜିବି/୬୪ଜିବି ମେମୋରି ଭାରିଆଣ୍ଟ ଫୋନ୍ ୧୩,୯୯୯ ଟଙ୍କାରେ ଏବଂ ୬ଜିବି/୬୪ଜିବି ମେମୋରି ଭାରିଆଣ୍ଟ ଫୋନ ୧୫,୯୯୯ ଟଙ୍କାରେ ଗ୍ରାହକ ପାଇପାରିବେ । ଜିଓ ସିମ୍ ଉପଭୋକ୍ତାଙ୍କୁ ୨୪୦୦ ଟଙ୍କା କ୍ୟାସବ୍ୟାକ୍ ମିଳିବାର ଅଫର ମଧ୍ୟ ରହିଛି ।
ଆସନ୍ତାକାଲି ଫ୍ଲିଫକାର୍ଟରେ ୪ଜିବି ମେମୋରି ଭାରିଆଣ୍ଟ ଫୋନ ୧୨,୪୯୯ ଟଙ୍କାରେ ଏବଂ ୬ଜିବି ମେମୋରି ଭାରିଆଣ୍ଟ ଫୋନ ୧୪,୯୯୯ ଟଙ୍କାରେ ମିଳିବ । ଏଥିରେ ଏଚଡିଏଫସି ବ୍ୟାଙ୍କର ଅଫର ମଧ୍ୟ ସାମିଲ ରହିଛି । ଏହି ସ୍ମାର୍ଟ ଫୋନର ୬.୨୬ ଇଞ୍ଚର ଫୁଲ ଏଚଡି ପ୍ଲସ୍ ଏଲସିଡି ଡିସପ୍ଲେ ରହିଛି ।
ଏହି ସ୍ମାର୍ଟଫୋନର କ୍ୟାମେରାରେ ଆର୍ଟିଫେସିୟଲ ଇନଟେଲିଜେନ୍ସ ସୀନ ଡିଟେକ୍ସନ ଦିଆଯାଇଛି । ଯାହା ଦ୍ବାରା ଫଟୋ ଅଧିକ ଭଲ ଆସିବ ବୋଲି କମ୍ପାନୀ ପକ୍ଷରୁ କୁହାଯାଇଛି । କ୍ୟାମେରା ଇଣ୍ଟରଫେସରେ ଷ୍ଟୁଡିଓ ଲାଇଟିଂ ଅଫସନ୍ ଦିଆଯାଇଛି । ଏହି ଅଫସନ୍ ପ୍ରଥମେ ଆଇଫୋନ୍ ଏକ୍ସରେ ଆସିଥିଲା ପରେ ଅନ୍ୟ କମ୍ପାନୀମାନେ ମଧ୍ୟ ନିଜ ନିଜ ସ୍ମାର୍ଟ ଫୋନରେ ଏହାକୁ ଦେଉଛନ୍ତି ।
୨ଟି ରିୟାର କ୍ୟାମେରା ମଧ୍ୟରୁ ଗୋଟିଏ ୧୨ ମେଗାପିକ୍ସଲ ହୋଇଥିବା ବେଳେ ଅନ୍ୟଟି ୫ ମେଗାପିକ୍ସଲ ବୋଲି ଜଣାପଡିଛି । ଏଥିରେ ଅଟୋଫୋକ୍ସ ଏବଂ ଏଆଇ ପୋର୍ଟ୍ରାଇଟ୍ ଦିଆଯାଇଛି । ସେଲଫି ପାଇଁ ୨ଟି କ୍ୟାମେରା ରହିଛି । ଏଥିରୁ ଗୋଟିଏ କ୍ୟାମେରା ୨୦ ମେଗାପିକ୍ସଲ ଓ ଅନ୍ୟଟି ୨ ମେଗାପିକ୍ସଲ । ଏଥିରେ ୪-୧ ସୁପର ପିକ୍ସଲ ଏବଂ ଏଆଇ ଫେସ ଅନଲକ୍ ଫିଚର ରହିଛି ।
ଏହି ସ୍ମାର୍ଟଫୋନରେ ୪,୦୦୦ ଏମଏଏଚ ବ୍ୟାଟେରୀ ରହି ଥିବାରୁ ଏହା ୨ ଦିନର ବ୍ୟାକଅପ ଦେବ ବୋଲି କମ୍ପାନୀ ପକ୍ଷରୁ ଦାବି କରାଯାଇଛି । ଏଥିରେ ଦୁଇଟି ସିମ୍ ସପୋର୍ଟ କରିବ । ଏତତ୍ ବ୍ୟତୀତ ସଂଯୋଗ ପାଇଁ ବ୍ଲ୍ୟୁଟୁଥ ଏବଂ ୱାଇଫାଇ ଭଳି ଷ୍ଟାଣ୍ଡ୍ରାଡ୍ ଫିଚର୍ସ ଦିଆଯାଇଛି ।