କ୍ଷେତ୍ର ସ୍ତରୀୟ ଯୁବ ରେଡକ୍ରସ ସ୍ୱେଚ୍ଛାସେବୀ ତାଲିମ ଶିବିର ଉଦଯାପିତ

ଦଧିବାମନ ଉଚ୍ଚ ମାଧ୍ୟମିକ ବିଦ୍ୟାଳୟ

ପାଟଣା :  ପାଟଣା ବ୍ଲକ ଅନ୍ତର୍ଗତ ତୁରୁମୁଙ୍ଗାସ୍ଥିତ ଦଧିବାମନ ଉଚ୍ଚ ମାଧ୍ୟମିକ ବିଦ୍ୟାଳୟରେ ଯୁବରେଡକ୍ରସ ସ୍ୱେଚ୍ଛାସେବୀଙ୍କର ତିନିଦିନିଆ ଶିକ୍ଷା ଓ ତାଲିମ ଶିବିର ୨୬ ତାରିଖରୁ ଆରମ୍ଭ ହୋଇ ଗୁରୁବାର ଉଦଯାପିତ ହୋଇଛି । ଏହାକୁ ବରିଷ୍ଠ ପ୍ରାଧ୍ୟାପକ ପ୍ରଶନ୍ନ କୁମାର ପତି ରେଡକ୍ରସ ପତାକା ଉତୋଳନ ପୂର୍ବକ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ଏହି ଉପଲକ୍ଷେ ଆୟୋଜିତ ସଭାରେ ମୁଖ୍ୟ ଅତିଥି ଭାବେ ପ୍ରାଧ୍ୟାପକ ସୁରେଶ କୁମାର ଆଚାର୍ଯ୍ୟ, ସମ୍ମାନୀତ ଅତିଥି ଭାବେ ପ୍ରାଧ୍ୟାପକ ଅନାମ ଚରଣ ବେହେରା, ମୁଖ୍ୟ ବକ୍ତା ଭାବେ ଜିଲ୍ଲା ଯୁବ ରେଡକ୍ରସ ସଂଯୋଜକ ସନ୍ତୋଷୀ ମା ଡିଗ୍ରୀ କଲେଜର ଅଧ୍ୟାପକ ହିମାଂଶୁ ଶେଖର ମହାନ୍ତ ପ୍ରମୁଖ ଉପସ୍ଥିତ ରହି ରେଡକ୍ରସର ଆଭିମୁଖ୍ୟ ,ଉଦେ୍ଦଶ୍ୟ ଏବଂ କିପରି ପ୍ରତିକୂଳ ପରିବେଶରେ ରେଡକ୍ରସ ଲୋକମାନଙ୍କୁ ସହାୟତା କରେ ତା’ ବିଷୟରେ ସ୍ୱେଚ୍ଛାସେବୀ ମାନଙ୍କୁ ଉଦବୋଧନ ଦେଇଥିଲେ । ପରାମର୍ଶଦାତା ପ୍ରାଧ୍ୟାପକ ଡକ୍ଟର କୁଳମଣୀ ପ୍ରଧାନ ସ୍ୱାଗତ ଅଭିଭାଷଣ ପ୍ରଦାନ ପୂର୍ବକ ବିଭିନ୍ନ ମହାବିଦ୍ୟାଳୟରୁ ଆସିଥିବା ଅତିଥି ସ୍ୱେଚ୍ଛାସେବୀ ଓ କାଉନସେଲର ବନ୍ଧୁମାନଙ୍କୁ ସମସ୍ତ ତଥ୍ୟ ପ୍ରଦାନ କରିଥିଲେ। ସୁଧାଂଶୁ ସାହୁ ଶେଷରେ ଧନ୍ୟବାଦ ଅର୍ପଣ କରିଥିଲେ । ତିନିଦିନ ଧରି ଚାଲିବାକୁ ଥିବା ଏହି ତାଲିମ ଶିବିରରେ ପ୍ରଥମ ଦିନ ସଂସାଧନ କର୍ମୀ ଭାବେ ପଦ୍ମପୁର ଆଂଚଳିକ ଉଚ୍ଚ ମାଧ୍ୟମିକ ବିଦ୍ୟାଳୟର ଇଂରାଜୀ ଅଧ୍ୟାପକ ସୁରେଶ କୁମାର ଆଚାର୍ଯ୍ୟ ଯୋଗଦେଇ ରେଡକ୍ରସର ଇତିହାସ ମୌଳିକ ନିୟମ ଓ ବର୍ତମାନର ପ୍ରାସଙ୍ଗିକତା ଉପରେ ଆଲୋଚନା କରିଥିଲେ । ଦ୍ୱିତୀୟ ପର୍ଯ୍ୟାୟରେ ଡକ୍ଟର ନୀଳାଦ୍ରୀ ମିଶ୍ର ସ୍ୱେଚ୍ଛାକୃତ ରକ୍ତଦାନ ଓ ଏହାର ମାନବୀୟ ମୂଲ୍ୟବୋଧ ଉପରେ ଆଲୋଚନା କରିଥିଲେ । ଅପରାହ୍ନରେ ତର୍କ ଓ ପ୍ରବନ୍ଧ ପ୍ରତିଯୋଗୀତା ହୋଇଥିଲା
ଏଥିରେ ନିଜ ଅନୁଷ୍ଠା।ନର ସ୍ୱେଚ୍ଛାସେବୀ ସହ ସନ୍ତୋଷୀ ମା ରିଜିଓନାଲ ଡିଗ୍ରୀ ଓ ଉଚ୍ଚ ମାଧ୍ୟମିକ ବିଦ୍ୟାଳୟ, ଝାରବେଲଦା ବିଘ୍ନବିନାୟକ ଡିଗ୍ରୀ କଲେଜ, ଖିରେଇ ଟାଙ୍ଗିରୀ , ଦଧିବାମନ ଡିଗ୍ରୀ କଲେଜର ସ୍ୱେଚ୍ଛାସେବୀ ଯୋଗ ଦେଇଥିଲେ। ଦ୍ୱିତୀୟ ଦିବସ ରେ ଡାକ୍ତର ପୁରୁଷୋତ୍ତମ ପ୍ରଧାନ ଯୋଗ ଦେଇ ଶିବିରାର୍ଥୀଙ୍କୁ  ପ୍ରାଥମିକ ଚିକିତ୍ସା ସମ୍ବନ୍ଧୀୟ ତାଲିମ ଦେଇଥିଲେ। ଆଜି ଉଦଯାପନ ଦିବସରେ ତୁରୁମୁଙ୍ଗା ଥାନାଧିକାରୀ ବୈଦ୍ୟନାଥ ସାହୁ ଯୋଗ ଦେଇ ସଡ଼କ ସୁରକ୍ଷା ଉପରେ,ଯୁବ ରେଡ କ୍ରସ୍ ଯୁଗ୍ମ ସମ୍ପାଦକ ଏ.ଆର୍ ଖାନ୍ ଯୋଗ ଦେଇ ପ୍ରାକୃତିକ ବିପର୍ଯ୍ୟୟ ପ୍ରଶମନ, ଡକ୍ଟର କୁଳମଣି ପ୍ରଧାନ, ଅଧ୍ୟାପକ ହିମାଂଶୁ ଶେଖର ମହାନ୍ତ ଓ ପ୍ରିୟଙ୍କା ସିଂହ ଙ୍କ ଦ୍ଵାରା ଏଡ୍ସ ସଚେତନତା କ୍ଷୁଦ୍ର ନାଟିକା ପରିବେଷଣ କରାଯାଇଥିଲା ମୁଖ୍ୟ ଅତିଥି ଭାବେ ଧରଣୀଧର ସ୍ଵୟଂଶାସିତ ମହାବିଦ୍ୟାଳୟ ର ପ୍ରାଧ୍ୟାପକ ମୂରୁଲି ଧର ଦଳେଇ ଯୋଗ ଦେଇ କୃତି ଯୁବ ରେଡ କ୍ରସ୍ ଶିବିରାର୍ଥୀ ଙ୍କୁ ପୁରସ୍କୃତ କରିଥିଲେ। ଏହି କାର୍ଯ୍ୟକ୍ରମକୁ ସମସ୍ତ ଅଧ୍ୟାପକ, ଅଧ୍ୟାପିକା,କର୍ମଚାରୀ ସହଯୋଗ କରିଥିଲେ । ସୁଧାଂଶୁ ସାହୁ, ରମେଶ ସାହୁ, ସୁନୀଲ ପ୍ରଧାନ , ରାଜେନ୍ଦ୍ର ମହାନ୍ତ, ଜଗଦୀଶ ସାହୁ, ମଦନମୋହନ ସାହୁ ପରିଚାଳନାରେ ସହଯୋଗ କରିଥିଲେ ।

Comments are closed.