ମୁମ୍ବଇର ଅଧିକାଂଶ ଅଞ୍ଚଳ ଜଳାର୍ଣ୍ଣବ , ଆଜି ମୁମ୍ବଇ ପାଇଁ ରେର୍ଡ଼ ଆଲର୍ଟ ଜାରି

ମୁମ୍ବଇ : ମହାରାଷ୍ଟ୍ରର ମୁମ୍ବଇ ଓ ଠାଣେ ସମେତ ବହୁ ଅଞ୍ଚଳରେ ପ୍ରବଳ ବର୍ଷା କାରଣରୁ ସ୍ଥିତି ବେହାଲ ହୋଇପଡିଛି। ପ୍ରବଳ ବର୍ଷା ପାଇଁ ଆଜି ଆଇଏମଡି ଦ୍ୱାରା ମୁମ୍ବଇ ପାଇଁ ରେର୍ଡ଼ ଆଲର୍ଟ ଜାରି କରାଯାଇଛି।
ଭାରତୀୟ ପାଣିପାଗ ବିଭାଗ ଅନୁଯାୟୀ, ମହାରାଷ୍ଟ୍ରର ଉତ୍ତର କୋଙ୍କଣ କ୍ଷେତ୍ର ସମେତ ମୁମ୍ବଇ ଓ ଠାଣେ ରେ ପ୍ରବଳ ରୁ ଅତି ପ୍ରବଳ ବର୍ଷାର ସମ୍ଭାବନା ରହିଛି।
ସେହିପରି ଆନ୍ଧ୍ରପ୍ରଦେଶ ଓ ତେଲେଙ୍ଗାନାରେ ବର୍ଷା କାରଣରୁ ଲୋକେ ନାହିଁ ନଥିବା ଅସୁବିଧା ଭୋଗ କରୁଛନ୍ତି। ସମସ୍ତ ଆବଶ୍ୟକ ସ୍ଥାନରେ ଏନଡ଼ିଆରଏଫ କର୍ମୀଙ୍କ ଦ୍ୱାରା ଉଦ୍ଧାର କାର୍ଯ୍ୟ ଜାରି ରହିଛି। ବହୁ ଲୋକଙ୍କ ପ୍ରାଣହାନୀ ହୋଇଥିବା ବେଳେ ପାଣି ସୁଅରେ ଅନେକ ଲୋକେ ଭାସିଯାଇଥିବା ଜଣାପଡିଛି।
ମୁମ୍ବଇର ବହୁ ଅଞ୍ଚଳ ଜଳାର୍ଣ୍ଣବ ହୋଇ ରହିଛି। ଅନେକ ଅଞ୍ଚଳରେ ରାସ୍ତାରେ ପାଣିର ସୁଅ ଚାଲୁଛି।
ତେଲେଙ୍ଗାନା ଓ ଆନ୍ଧ୍ରପ୍ରଦେଶରେ ବୁଧବାର ବର୍ଷା କାରଣରୁ ୨୫ ଜଣଙ୍କ ମୃତ୍ୟୁ ହୋଇଥିବା ବେଳେ କର୍ଣ୍ଣାଟକରେ ପ୍ରବଳ ବର୍ଷା ହୋଇଛି। ସେହିପରି ମହାରାଷ୍ଟ୍ରର ସୋଲାପୁର ଜିଲାରେ ପନ୍ଦରପୁରରେ ବର୍ଷାରେ ପାଚେରି ଭୁଶୁଡି ୬ ଜଣଙ୍କ ମୃତ୍ୟ ହୋଇଥିଲା ।