ଗୁଣ୍ଟୁରୁ ଚିଙ୍ଗୁଡି ପ୍ରକ୍ରିୟାକରଣ ସଂସ୍ଥାରେ ଅଘଟଣ ପ୍ରସଙ୍ଗ, ତଥାପି ନିଦରେ ଶ୍ରମ ବିଭାଗ

ଆନ୍ଧ୍ରର ଗୁଣ୍ଟୁରୁ ଜିଲା ନିକଟ ଲାଙ୍କାଭାନିଦିବାର ଏକ ଚିଙ୍ଗୁଡି ବନ୍ଧ ଓ ଚିଙ୍ଗୁଡି ପ୍ରକ୍ରିୟାକରଣ ସଂସ୍ଥାରେ ଅଘଟଣା ପରେ ଏବେବି ନିଦ ଭାଙ୍ଗିନି ଶ୍ରମ ବିଭାଗର। ପରିବାରର ଆର୍ଥିକ ପରିସ୍ଥିତି ହେଉ କିମ୍ବା ଅନଲାଇନ ପାଠ ପଢା ପାଇଁ ଆବଶ୍ୟକ ମୋବାଇଲ ଟିଏ ପାଇଁ କାମଧନ୍ଧା ଆଶାରେ ପଡୋଶୀ ଆନ୍ଧ୍ର, ତେଲେଙ୍ଗାନା, ରାୟପୁର, କେରଳ, ତାମିଲନାଡୁ ଓ ସୁରତ ଅଭିମୁଖେ ଚାଲିଯାଉଛନ୍ତି ଶ୍ରମିକ। ହେଲେ ପ୍ରତି ମାସ ରାୟଗଡା ଜିଲ୍ଲାରୁ କେତେ ଶ୍ରମିକ ବାହାର ରାଜ୍ୟକୁ ଗଲେ ଏବଂ କେତେ ଶ୍ରମିକ ବାହାର ରାଜ୍ୟରୁ ଆମ ଜିଲ୍ଲାକୁ ଆସିଲେ ତାର ତଥ୍ୟ ଶ୍ରମ ବିଭାଗ ପାଖରେ ନାହିଁ।

ଗତ ବର୍ଷ ପ୍ରଥମ ପର୍ଯ୍ୟାୟ ଲକଡାଉନ ସମୟରେ ରାଜ୍ୟ ୧୬୦୦ ହଜାର ଦଦାନ ଶ୍ରମିକ ଜିଲ୍ଲାକୁ ଫେରିଥିବା ରେକର୍ଡ କରାଯାଇଥିବା ବେଳେ ପରବର୍ତୀ ମୁହୂର୍ତରେ ଜିଲ୍ଲର ଦାଦନ ଶ୍ରମିକଙ୍କ ପରିସଂଖ୍ୟାନ କରିବାକୁ ଭୁଲି ଗଲା ଜିଲ୍ଲା ପ୍ରଶାସନ। ଫଳରେ କାମ କରିବାକୁ ଯାଇ ଗତ ଗୁରୁବାର ରାତ୍ର ୬ଜଣ ପ୍ରବାସୀ ଓଡିଆ ଶ୍ରମିକଙ୍କ ଜୀବନ ଚାଲିଯାଇଛି। ଏହି ଘଟଣା ପରେ ଜିଲ୍ଲା ପ୍ରଶାସନ ପକ୍ଷରୁ କଡା ଆଭିମୁଖ୍ୟ ଗ୍ରହଣ କରାଯାଇଥିବା କହିଛନ୍ତି ରାୟଗଡା ଜିଲ୍ଲାପାଳ ସରୋଜ କୁମାର ମିଶ୍ର। ଦେଖନ୍ତୁ ଭିଡିଓ…