ମେଷ: ଶତ୍ରୁକୁ ପରାଜିତ କରି ମାନସିକ ଶାନ୍ତି ଫେରିପାଇବେ। କାର୍ଯ୍ୟକୁ ତ୍ୱରାନ୍ୱିତ କରିପାରନ୍ତି। ବନ୍ଧୁ ସୁଖ ପାଇବେ। ମୂଲ୍ୟବାନ ଦ୍ରବ୍ୟ ଲାଭ ହେବାର ସୂଚନା ମିଳୁଛି। ଉପଯୁକ୍ତ କର୍ମାନୁରକ୍ତ ହେବେ। ଭ୍ରାତୃଭାବ ଅତୁଟ ରହିବ।
ବୃଷ: ମନ ଚଞ୍ଚଳ ରହିବ। ସାମାନ୍ୟ ଅସୁସ୍ଥତା ଅନୁଭବ କରିପାରନ୍ତି। କାର୍ଯ୍ୟରେ ବାଧା ସୃଷ୍ଟି ହୋଇପାରେ। ଅଯଥା ଖର୍ଚ୍ଚାନ୍ତ ହେବେ। ଘାତଚନ୍ଦ୍ର ଭୋଗ ହେଉଥିବାରୁ ପ୍ରାୟ ପ୍ରତ୍ୟେକ କ୍ଷେତ୍ରରେ ସତର୍କତାର ସହ ଚଳିବାକୁ ପଡ଼ିବ।
ମିଥୁନ: ଚାକିରି କ୍ଷେତ୍ରରେ ସ୍ୱାଧୀନ ଚିନ୍ତାଧାରା ନେଇ କାର୍ଯ୍ୟ ସଂପାଦନ କରିବେ। କାର୍ଯ୍ୟରେ ଉତ୍ସାହ ବୃଦ୍ଧି ହେବ। ମୂଲ୍ୟବାନ ଦ୍ରବ୍ୟ ଲାଭ ହୋଇପାରେ। କର୍ମତତ୍ପର ରହିବେ। ଚେଷ୍ଟା ଶୁଭପ୍ରଦ ହେବ। ମାନ୍ୟତା ପ୍ରାପ୍ତ ହୋଇପାରନ୍ତି।
କର୍କଟ: ମହିଳାଙ୍କୁ ମାତୃବତ୍ ପୂଜା ନ କଲେ ବିପଦର ସମ୍ମୁଖୀନ ହୋଇପାରନ୍ତି। ଉଚ୍ଚ ଆଶା ଫଳବତୀ ହେବ। ପ୍ରାୟ ପ୍ରତ୍ୟେକ କାର୍ଯ୍ୟରେ ସଫଳତା ମିଳିବ। ବ୍ୟବସାୟ ଲାଭଜନକ ହେବ। ବିଭିନ୍ନ ସ୍ତରରେ ସମ୍ମାନିତ ହେବେ।
ସିଂହ: ପରିଶ୍ରମର ମୂଲ୍ୟ ମିଳିବ। ସ୍ୱାଧୀନ ଭାବେ ବିନା ପରାମର୍ଶରେ କାର୍ଯ୍ୟ କରିବା ଅସମ୍ଭବ ହୋଇପାରେ। ଧର୍ମ-କର୍ମ ସଂପାଦନ କରିପାରନ୍ତି। କାର୍ଯ୍ୟରେ ଉତ୍ସାହ ବୃଦ୍ଧି ହେବ। ଧନ-ଧାନ୍ୟରେ ଭଣ୍ଡାର ପରିପୂର୍ଣ୍ଣ ହେବ।
କନ୍ୟା: ଅଟକି ଥିବା କାର୍ଯ୍ୟ ଆଗେଇବ। ଶ୍ରୀଚନ୍ଦ୍ର ଭୋଗ ହେଉଥିବାରୁ ରୁଚିକର ଭୋଜନରେ ଆପ୍ୟାୟିତ ହେବେ। କର୍ମ ତତ୍ପରତା ପ୍ରକାଶ ପାଇବ। ଧନ ବୃଦ୍ଧିର ସୂଚନା ମିଳୁଛି। ଦାମ୍ପତ୍ୟ ଜୀବନ ସୁଖପ୍ରଦ ହେବ। ସୁସ୍ଥ ଓ ନିରାମୟ ରହିବେ। ବନ୍ଧୁ ସାହାଯ୍ୟ ମିଳିବ।
ତୁଳା: ଗତିରୋଧର ସମ୍ମୁଖୀନ ହୋଇପାରନ୍ତି। କଳ୍ପନା ବିଳାସୀ ହୋଇପାରନ୍ତି। ଶାନ୍ତି-ସନ୍ତୋଷ ଲାଭ କରିବେ। ଅର୍ଥପ୍ରାପ୍ତିର ସୂଚନା ମିଳୁଛି। ଗୃହରେ ଶାନ୍ତିର ବାତାବରଣ ସୃଷ୍ଟି ହେବ। ଜଣେ ମିଷ୍ଟଭାଷୀ ଭାବେ ଜନ ସମ୍ପର୍କ ମିଳିବ।
ବିଛା: ଅଭିଳାଷ ପୂରଣ ହେବ। ଆୟ ଆଶାନୁରୂପ ହେବ। ଧନାଗମର ସୂଚନା ମିଳୁଛି। ସମୃଦ୍ଧି ପଥରେ ଆଗକୁ ବଢ଼ିପାରନ୍ତି। ଶୁଭ କାର୍ଯ୍ୟ ପାଇଁ ବାତାବରଣ ଅନୁକୂଳ ରହିଛି। କାର୍ଯ୍ୟରେ ସଫଳତା ଲାଭ କରିବେ। ସୁଖୀ ହେବେ।
ଧନୁ: କର୍ମକ୍ଷେତ୍ରରୁ ଅର୍ଥାଗମ ହେବ। ଉତ୍ସାହିତ ହୋଇ କାର୍ଯ୍ୟ ସଂପାଦନ କରିବେ। ଅସୁସ୍ଥତାରୁ ଆରୋଗ୍ୟ ହେବେ। ଚିନ୍ତାରୁ ମୁକ୍ତି ମିଳିବ। ଆବଶ୍ୟକ ପଡୁଥିବା ଦ୍ରବ୍ୟ ହାତକୁ ଆସିବ। ପ୍ରଜ୍ଞାଧିକ ଯୋଗୁଁ ଉଚ୍ଚ ସମ୍ମାନର ଅଧିକାରୀ ହେବେ।
ମକର: ଅତୀତ ଘଟଣାକୁ କେନ୍ଦ୍ର କରି ବ୍ୟଥିତ ହୋଇପାରନ୍ତି। ଘଟଣାର ଅନୁଧ୍ୟାନ କରି ପଦକ୍ଷେପ ନେଇପାରନ୍ତି। ସତ୍କର୍ମରେ ବ୍ୟୟ କରି ଜନସାଧାରଣଙ୍କ ପ୍ରଶଂସାର ପାତ୍ର ହେବେ। କୌଣସି କାରଣରୁ ଜାତ କ୍ରୋଧକୁ ସମ୍ବରଣ କରନ୍ତୁ।
କୁମ୍ଭ: ସାମାନ୍ୟ ଅସୁସ୍ଥତା ଅନୁଭବ କରିପାରନ୍ତି। ମାନସିକ ସ୍ତରରେ ଚାପର ସମ୍ମୁଖୀନ ହେବେ। ଆପଣଙ୍କ ପରାମର୍ଶ ଉପାଦେୟ ହୋଇପାରେ। ସୁକୃତୀ ସମ୍ପନ୍ନ ହୋଇପାରନ୍ତି। ଶାସ୍ତ୍ରବିତ୍ ହେବେ। ଅତିଥି, ଗୁରୁ ଓ ଦେବପୂଜା ନିରତ ହେବେ।
ମୀନ: ଯାତ୍ରା ସଫଳ ହେବ। ବହୁ ମିତ୍ରଙ୍କ ସାନ୍ନିଧ୍ୟ ମିଳିବ। ଆର୍ଥିକ ଅଭିବୃଦ୍ଧି ଘଟିବ। ସର୍ବ ସୁଖ ମିଳିବା ଆଶା କରାଯାଏ। ବୁଦ୍ଧିମତ୍ତାର ପରିଚୟ ଦେବେ। ଯାନବାହନ ସୁଖ ମିଳିବ। ପୁତ୍ର ସୁଖରେ ସୁଖୀ ହେବେ। ସରକାରୀ ମାନ୍ୟତା ମିଳିବ। ପରୋପକାରୀ ହୋଇପାରନ୍ତି।
