ଗୁରୁବାର ରାଶିଫଳ(୨୩/୦୪/୨୦୨୦)

ମେଷ: ଅଶ୍ୱିନୀ ଓ କୃତ୍ତିକା ନକ୍ଷତ୍ର ଜାତ ବ୍ୟକ୍ତିଙ୍କର ଆୟ ବୃଦ୍ଧିର ସୂଚନା ମିଳୁଛି। ଉତ୍ତମ ଭୋଜନରେ ଆପ୍ୟାୟିତ ହୋଇପାରନ୍ତିି। ସ୍ୱାସ୍ଥ୍ୟ ଅତୁଟ ରହିବ। ସରକାରୀ ସ୍ତରରୁ ମାନ୍ୟତା ପ୍ରାପ୍ତି ସହ ଅର୍ଥ ଲାଭ ହେବ। ଦ୍ୱିଜା ଘାତଚନ୍ଦ୍ର ହେତୁ ସତର୍କ ରହିବେ।

ବୃଷ: କୃତ୍ତିକା ଓ ରୋହିଣୀ ନକ୍ଷତ୍ର ଜାତବ୍ୟକ୍ତିଙ୍କର ମନ ପ୍ରସନ୍ନ ରହିବ। ବ୍ୟବସାୟ ଲାଭଜନକ ହେବ। ସର୍ବମଙ୍ଗଳ ଆଶା କରାଯାଏ। ମୃଗଶିରା ନକ୍ଷତ୍ର ଜାତବ୍ୟକ୍ତି ମଧୁରଭାଷୀ ହେଲେ ବି ଅଧିକ ବ୍ୟୟଜନିତ ଅର୍ଥାଭାବ ଭୋଗିପାରନ୍ତି।

ମିଥୁନ: ଆର୍ଦ୍ରା ନକ୍ଷତ୍ର ଜାତବ୍ୟକ୍ତି ବହୁ ଶୁଭଫଳ ପ୍ରାପ୍ତ ହେବେ। ସର୍ବାଙ୍ଗୀଣ ଉନ୍ନତି ସମ୍ଭବ ହେବ। ଚିନ୍ତାଧାରା ଉନ୍ନତମାନର ହେବ। ଗୃହରେ ଶାନ୍ତି ବିରାଜିତ ହେବ। ଅର୍ଥ ସହିତ ସମ୍ମାନ ମିଳିବ। ମୃଗଶିରା ଓ ପୁନର୍ବସୁ ନକ୍ଷତ୍ରଙ୍କର ଅଳ୍ପ ସୁଖ।

କର୍କଟ: ପୁଷ୍ୟା ନକ୍ଷତ୍ର ଜାତ ବ୍ୟକ୍ତିଙ୍କର ପରିଶ୍ରମର ମୂଲ୍ୟ ମିଳିବ। ଧନଲାଭର ସୂଚନା ମିଳୁଛି। ଦୀର୍ଘ ଦିନର ଆଶା ପୂରଣ ହେବ। ସୁଖ ମିଳିବ। ସମ୍ପତ୍ତିବାନ୍‍ ହେବେ। ସମୃଦ୍ଧିର ମାର୍ଗ ଉନ୍‍ମୁକ୍ତ ହେବ। ପୁନର୍ବସୁ ଓ ଅଶ୍ଳେଷା ନକ୍ଷତ୍ର ବ୍ୟକ୍ତି ସମଫଳ ପ୍ରାପ୍ତ ହେବେ।

ସିଂହ: ମଘା ଓ ଉତ୍ତରା ଫାଲଗୁନୀ ନକ୍ଷତ୍ର ଜାତବ୍ୟକ୍ତି ସେବା ଧର୍ମକୁ ଆଦରି ନେଇ ପାରନ୍ତି। ଅନ୍ୟର ମଙ୍ଗଳ କାମନା କରି ନିଜେ ଉପକୃତ ହେବେ। କର୍ମକ୍ଷେତ୍ରରେ ସଫଳତା ମିଳିବ। ମନ ପ୍ରସନ୍ନ ରହିବ। ସ୍ନେହ-ଶ୍ରଦ୍ଧା ଲାଭ କରିପାରନ୍ତି। ପୂର୍ବା ଫାଲ୍‍ଗୁନୀର ସାମାନ୍ୟ ସୁଖ।

କନ୍ୟା: ଉତ୍ତରା ଫାଲ୍‍ଗୁନୀ ଓ ହସ୍ତା ନକ୍ଷତ୍ର ଜାତ ବ୍ୟକ୍ତି ସୁଗୁଣ ସମ୍ପନ୍ନ ହେବେ। ପୂଜ୍ୟ ହେବେ। ଉତ୍ତମା ପତ୍ନୀ, ସୁବର୍ଣ୍ଣ ଓ ପୁତ୍ରାଦିଯୁକ୍ତ ହେବେ। ଶତ୍ରୁ ବଂଶୀୟ କନ୍ୟାର ପାଣି ଗ୍ରହଣ ଯୋଗ ଅଛି। ଚିତ୍ରା ନକ୍ଷତ୍ରରେ କ୍ଳେଶ ଓ ଅଶୁଭ ଫଳ।

ତୁଳା: ସ୍ୱାତୀ ନକ୍ଷତ୍ର ଜାତବ୍ୟକ୍ତିଙ୍କର ବନ୍ଧୁ ମିଳନ ଯୋଗ ଅଛି। ଗୃହରେ ଶାନ୍ତିର ବାତାବରଣ ସୃଷ୍ଟି ହେବ। ବାଣିଜ୍ୟ କାରବାର ଲାଭଜନକ ହେବ। ପତ୍ନୀଙ୍କ ପରାମର୍ଶରେ ଚଳିଲେ ବିଶେଷ ଉପକୃତ ହେବେ। ସମାଜ ସେବୀ ହେବେ। ଚିତ୍ରା ଓ ବିଶାଖାର ସାମାନ୍ୟ ଶୁଭଫଳ।

ବିଛା: ଅନୁରାଧା ନକ୍ଷତ୍ର ଜାତବ୍ୟକ୍ତି ଦୃଢ଼ ମନୋବଳ ନେଇ ଗୁରୁତ୍ୱପୂର୍ଣ୍ଣ କାର୍ଯ୍ୟ ସମ୍ପାଦନ କରିବେ। କର୍ମତତ୍ପର ହେବେ। ପାରିବାରିକ ସୁଖ ମିଳିବ। ପୁଣ୍ୟବାନ୍‍ ହେବେ। କୃଷିବଳରେ ବଳିୟାନ୍‍ ହେବେ। ବିଶାଖା ଓ ଜ୍ୟେଷ୍ଠା ନକ୍ଷତ୍ର ବ୍ୟକ୍ତିଙ୍କର ସାମାନ୍ୟ ଶୁଭ।

ଧନୁ: ମୂଳା ଓ ଉତ୍ତରଷାଢ଼ା ନକ୍ଷତ୍ର ଜାତବ୍ୟକ୍ତି ବିବାଦୀୟ ଘଟଣାରେ ବିଜୟୀ ହେବେ। ସୌଭାଗ୍ୟ ବୃଦ୍ଧିର ସୂଚନା ମିଳୁଛି। ଶାନ୍ତି-ସନ୍ତୋଷ ଲାଭ କରିପାରନ୍ତି। ବିପଦକାଳୀନ ଆଶ୍ୱାସନା ମିଳିବ। ପୂର୍ବାଷାଢ଼ା ନକ୍ଷତ୍ର ଜାତବ୍ୟକ୍ତିଙ୍କୁ ସାମାନ୍ୟ ଶୁଭଫଳ ମିଳିପାରେ।

ମକର: ଉତ୍ତରାଷାଢ଼ା ଓ ଶ୍ରବଣା ନକ୍ଷତ୍ର ଜାତବ୍ୟକ୍ତି କର୍ତ୍ତବ୍ୟପରାୟଣ ହେବେ। ବିଭାଗୀୟ ଉଚ୍ଚକର୍ତ୍ତୃପକ୍ଷଙ୍କ ପ୍ରିୟଭାଜନ ହୋଇପାରନ୍ତି। କର୍ମକ୍ଷେତ୍ର ଉଜ୍ଜ୍ୱଳମୟ କରିପାରନ୍ତି। ବିନୀତ ସ୍ୱଭାବର ହୋଇପାରନ୍ତି। ଧନିଷ୍ଠା ନକ୍ଷତ୍ର ଜାତ ବ୍ୟକ୍ତିଙ୍କ ସାମାନ୍ୟ ଫଳ।

କୁମ୍ଭ: ଶତଭିକ୍ଷା ନକ୍ଷତ୍ର ଜାତବ୍ୟକ୍ତିଙ୍କର ଶ୍ରମ ସାର୍ଥକ ହେବ। ରୁଚିକର ଭୋଜନରେ ଆପ୍ୟାୟିତ ହେବେ। ପ୍ରୀତି ଲାଭ କରିପାରନ୍ତି। ଶାସ୍ତ୍ର ଅଧ୍ୟୟନକୁ ବ୍ରତ ଭାବେ ଗ୍ରହଣ କରିବେ। ଧନିଷ୍ଠା ଓ ପୂର୍ବ ଭ୍ରାଦ୍ରର ସାମାନ୍ୟ ଫଳ।

ମୀନ: ଉତ୍ତର ଭାଦ୍ର ନକ୍ଷତ୍ରଜାତବ୍ୟକ୍ତି ଆଶାବାଦୀ ହୋଇପାରନ୍ତି। ଲକ୍ଷ୍ୟ ହାସଲ କରିବାରେ ସକ୍ଷମ ହେବେ। ଉନ୍ନତି ପଥରେ ଆଗକୁ ବଢ଼ିବେ। ପାରିବାରିକ ସୁଖ ଶାନ୍ତି ଅବ୍ୟାହତ ରହିବ। ଶାନ୍ତ, ନିପୁଣ, ମେଧାବୀ ହେବେ। ପୂର୍ବଭାଦ୍ର ଓ ରେବତୀ ମୀନର ସାମାନ୍ୟ ଶୁଭ।

Comments
Loading...