ଖେଲୋ ଇଣ୍ଡିଆ ବିଶ୍ବବିଦ୍ୟାଳୟ କ୍ରୀଡ଼ା ଆଉ ୮ ଦିନ; କ୍ରୀଡ଼ାବିତ୍‌ଙ୍କୁ ପ୍ରତିଭା ପ୍ରଦର୍ଶନ ପାଇଁ ଉପଯୁକ୍ତ ମଞ୍ଚ: ରାଣୀ ରାମପାଲ

ଭୁବନେଶ୍ବର : ଖେଲୋ ଇଣ୍ଡିଆ ବିଶ୍ବବିଦ୍ୟାଳୟ ପ୍ରଥମ ସଂସ୍କରଣରେ ଥିବା ଦଳଗତ କ୍ରୀଡ଼ାଗୁଡିକ ମଧ୍ୟରୁ ହକି ହେଉଛି ଅନ୍ୟତମ। ଏଥିରେ ପୁରୁଷ ଓ ମହିଳା ବିଭାଗରେ ୮ଟି ଲେଖାଏଁ ଦଳ ଅଂଶଗ୍ରହଣ କରିବେ। କେବଳ ହକିରେ ୨୮୫ ଜଣ ଖେଳାଳି ଅଂଶଗ୍ରହଣ କରିବେ। ଉକ୍ତ ପ୍ରତିଯୋଗିତା ଭାରତରେ କ୍ରୀଡ଼ାର ସ୍ତରକୁ ଆହୁରି ଉପରକୁ ଉଠାଇବା ସହ ଦେଶବ୍ୟାପୀ ବିଭିନ୍ନ ବିଶ୍ବବିଦ୍ୟାଳୟର ନୂଆ ପ୍ରତିଭାଙ୍କୁ ଏଠାରେ ନିଜ ପ୍ରତିଭାର ପ୍ରଦର୍ଶନ କରିବା ପାଇଁ ଉପଯୁକ୍ତ ମଞ୍ଚ ମିଳିବ ବୋଲି ନିକଟରେ ପଦ୍ମଶ୍ରୀ ସମ୍ମାନରେ ସମ୍ମାନିତ ହୋଇଥିବା ଭାରତୀୟ ମହିଳା ହକି ଦଳର ଅଧିନାୟିକା ରାଣୀ ରାମପାଲ କହିଛନ୍ତି।
କେନ୍ଦ୍ର କ୍ରୀଡ଼ା ଓ ଯୁବବ୍ୟାପାର ମନ୍ତ୍ରାଳୟ ପକ୍ଷରୁ ଆୟୋଜିତ ଖେଲୋ ଇଣ୍ଡିଆ ବିଶ୍ବବିଦ୍ୟାଳୟ କ୍ରୀଡ଼ା ହେଉଛି ଏକ ମହାନ ଅଭିଯାନ। ପ୍ରଥମେ ଖେଲୋ ଇଣ୍ଡିଆ ଯୁବ କ୍ରୀଡ଼ା ପରେ ଏବେ ବିଶ୍ବବିଦ୍ୟାଳୟ କ୍ରୀଡ଼ା ଆୟୋଜନ କରୁଛି। ଅନ୍ତର୍ଜାତୀୟ ପରିପ୍ରେକ୍ଷୀରେ ଏହା ଖୁବ୍ ଚମତ୍କାର। ଅନ୍ୟ ଦେଶର ଅଧିକାଂଶ ଖେଳାଳି ବିଶ୍ବବିଦ୍ୟାଳୟ ସ୍ତରରେ କିଛି ପ୍ରତିଯୋଗିତା ଖେଳିବା ପ​‌େ​‌ର ଅନ୍ତର୍ଜାତୀୟସ୍ତରରେ ଖେଳି ପାରିଥାନ୍ତି। ଭାରତରେ ମଧ୍ୟ ଏହି ନୀତି କାର୍ୟ୍ୟକାରୀ ହେବାକୁ ଯାଉଛି; ଏହା ଦ୍ବାରା ଅଧିକରୁ ଅଧିକ ପ୍ରତିଭାବାନ୍‌ ଖେଳାଳିଙ୍କୁ ଅନ୍ବେଷଣ କରା ଯାଇପାରିବ ବୋଲି ରାଣୀ କହିଛନ୍ତି। ପଞ୍ଜାବ ବିଶ୍ବବିଦ୍ୟାଳୟ ପତିଆଲାରେ ଇଂରାଜୀରେ ଏମ୍‌ଏ କରୁଥିବା ରାଣୀ ଖେଲୋ ଇଣ୍ଡିଆ ବିଶ୍ବବିଦ୍ୟାଳୟ କ୍ରୀଡ଼ାରେ ନିଜ ବିଶ୍ବବିଦ୍ୟାଳୟକୁ ସ୍ବର୍ଣ୍ଣ ପଦକ ଜିତାଇବା ପାଇଁ ସମର୍ଥନ କରିବେ ବୋଲି କହିଛନ୍ତି। ପତିଆଲା ପଞ୍ଜାବ ବିଶ୍ବବିଦ୍ୟାଳୟ ମହିଳା ହକି ଦଳ ଅଂଶଗ୍ରହଣ କରିବ। ଖେଲୋ ଇଣ୍ଡିଆ ଯୁବ କ୍ରୀଡ଼ା ଭଳି ବିଶ୍ବବିଦ୍ୟାଳୟ କ୍ରୀଡ଼ାକୁ ବିପୁଳ ସମର୍ଥନ ମିଳିବ ବୋଲି ବିଶ୍ବ କ୍ରୀଡ଼ା ଆଥ୍‌ଲେଟ୍‌ ଅଫ୍‌ ଦି ଇୟର ପୁରସ୍କାର ପାଇଥିବା ରାଣୀ କହିଛନ୍ତି।

Get real time updates directly on you device, subscribe now.

Comments
Loading...