ରମାଦେବୀ ଅଧ୍ୟାପିକାଙ୍କୁ କରୋନା, ଆସନ୍ତାକାଲି ଛାତ୍ରୀ ଓ କର୍ମଚାରୀଙ୍କ କୋଭିଡ ଟେଷ୍ଟ ଆମ ଓଡ଼ିଶାନିଉଜ ଆଲର୍ଟବଡ଼ ଖବର By Samajalive Desk Last updated Mar 31, 2021 Share ଭୁବନେଶ୍ୱରସ୍ଥିତ ରମାଦେବୀ ମହିଳା ବିଶ୍ୱବିଦ୍ୟାଳୟର ଜଣେ ବରିଷ୍ଠ ଅଧ୍ୟାପିକା କରୋନା ପଜିଟିଭ୍ ଚିହ୍ନଟ ହେବା ପରେ ତାଙ୍କ ସଂସ୍ପର୍ଶରେ ଆସିଥିବା ଛାତ୍ରଛାତ୍ରୀ ଓ ଅନ୍ୟ କର୍ମଚାରୀମାନେ ଆତଙ୍କିତ ହୋଇପଡିଛନ୍ତି। ସମ୍ପୃକ୍ତ ଅଧ୍ୟାପିକା ଗତକାଲି ବିଶ୍ୱବିଦ୍ୟାଳୟ କ୍ରୀଡା ପରିଷଦ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ ଭାଗ ନେଇ ଥିବାରୁ ତାଙ୍କ ସଂସ୍ପର୍ଶରେ ଆସିଥିବା ସମସ୍ତ ବ୍ୟକ୍ତିଙ୍କୁ ଚିହ୍ନଟ କରି ପରୀକ୍ଷା ଓ ସଙ୍ଗରୋଧ କରିବା ଆବଶ୍ୟକ ହୋଇପଡିଛି। ତେବେ ତାଙ୍କ ସଂସ୍ପର୍ଶରେ ଆସିଥିବା ଛାତ୍ରୀ ଓ କର୍ମଚାରୀଙ୍କର ଆସନ୍ତାକାଲି କରୋନା ପରୀକ୍ଷା କରାଯିବ ବୋଲି ବିଶ୍ୱବିଦ୍ୟାଳୟ କୁଳପତି ଅପରାଜିତା ଚୌଧୁରୀ ସୂଚନା ଦେଇଛନ୍ତି। Related Posts ଚୀନ୍ର ସବୁଠାରୁ ବଡ ଆଇଫୋନ୍ ତିଆରି… Nov 2, 2022 ଭୟଙ୍କର କୋଭିଡ୍ ଭୁତାଣୁ ଆମେରିକାର ବୋଷ୍ଟନ… Oct 20, 2022 ଅନ୍ୟପକ୍ଷରେ ଉତ୍କଳ ବିଶ୍ୱବିଦ୍ୟାଳୟରେ ଏ ପର୍ଯ୍ୟନ୍ତ କେହି କରୋନା ପଜିଟିଭ ଚିହ୍ନଟ ହୋଇନଥିବା କୁଳପତି କହିଛନ୍ତି। ବିଶ୍ୱବିଦ୍ୟାଳୟର ସମାବର୍ତ୍ତନ ଉତ୍ସବରେ ଉପରାଷ୍ଟ୍ରପତି ଯୋଗ ଦେଉଥିବାରୁ କାର୍ଯ୍ୟକ୍ରମ ସହ ଜଡିତ ଛାତ୍ରଛାତ୍ରୀ, ଅଧ୍ୟାପକ ଅଧ୍ୟାପିକା, କର୍ମଚାରୀ, ଗଣମାଧ୍ୟମ ବ୍ୟକ୍ତି ଓ ପୁଲିସ କର୍ମଚାରୀଙ୍କ କୋଭିଡ ପରୀକ୍ଷା ଆରମ୍ଭ ହୋଇଛି। ସୂଚନାଯୋଗ୍ୟ ଯେ ଗତକାଲି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ କହିଥିଲେ ଯେ ଏ ପର୍ଯ୍ୟନ୍ତ ସରକାରୀ ସ୍କୁଲରେ କରୋନା ନାହିଁ ତେଣୁ ଏବେ ସ୍କୁଲ ବନ୍ଦ ହେବାର ସମ୍ଭାବନା ନାହିଁ କିନ୍ତୁ ଏବେ ରାଜ୍ୟର କେଉଁ ବିଶ୍ୱବିଦ୍ୟାଳୟରେ କେତେ ଛାତ୍ରଛାତ୍ରୀ ସଂକ୍ରମିତ ହୋଇଛନ୍ତି ଓ ସେଠାରେ କରୋନା ପରୀକ୍ଷା ଆରମ୍ଭ ହୋଇଛି କି ନାହିଁ ଏବଂ ନିର୍ଦ୍ଦେଶାବଳୀ ପାଳନ କରାଯାଉଛି କି ନାହିଁ, ସେ ସମ୍ପର୍କରେ ରାଜ୍ୟ ଉଚ୍ଚ ଶିକ୍ଷା ବିଭାଗ ପକ୍ଷରୁ କୌଣସି ସୂଚନା ମିଳିନାହିଁ। Corona virus Share FacebookTwitterWhatsApp
Comments are closed.