ଭାରତୀୟ ସଂସ୍କୃତି ଓ ପରମ୍ପରାର ଅନେକ ତାତ୍ପର୍ଯ୍ୟ ରହିଛି । ବହୁ ଆନନ୍ଦ, ଉଲ୍ଲାସର ସହ ଏଠାରେ ୧୨ ମାସରେ ୧୩ ଯାତ୍ରା ସହ ଅନେକ ପର୍ବପର୍ବାଣିକୁ ପାଳନ କରାଯାଇଥାଏ।
ଏହାର ଶୁଭ ସଂଯୋଗ ଏପରି ଯେ ମନରେ ଏକ ବିଶ୍ୱାସ ଓ ସମ୍ମାନ ଆପେ ଆପେ ସୃଷ୍ଟି ହୋଇଥାଏ। ଏଭଳି କିଛି ପର୍ବ ମଧ୍ୟରୁ ଏକ ଗୁରୁତ୍ୱପୂର୍ଣ୍ଣ ପର୍ବ ହେଇଛି ରାକ୍ଷୀପୂର୍ଣ୍ଣିମା। ଏହା ଶ୍ରାବଣ ମାସର ପୂର୍ଣ୍ଣିମାରେ ପାଳନ କରାଯାଇଥାଏ। ଭାଇ ଓ ଭଉଣୀ ମଧ୍ୟରେ ଏକ ପବିତ୍ର ସଂପର୍କର ଏହା ପରିଚୟ ପ୍ରଦାନ କରିଥାଏ। ଏହି ଦିନ ଭଉଣୀ ଭାଇ ହାତରେ ରାକ୍ଷୀ ବାନ୍ଧି ଥାଏ, ତା’ମୁଣ୍ଡରେ ତିଳକ ଲଗାଇଥାଏ। ଭାଇଟି ନିଜ ଭଉଣୀକୁ ଉପହାର ହେଇ ସାରା ଜୀବନ ତା’କୁ ବିପଦରୁ ରକ୍ଷା କରିବାକୁ ବଚନ ଦେଇଥାଏ। ଭଉଣୀ ନିଜ ଭାଇ ଶୁଭ ତଥା ଉନ୍ନତିର ମଧ୍ୟ କାମନା କରିଥାଏ। ଏହା ଏପରି ଏକ ବନ୍ଧନ ଯାହାର ଗୁରୁତ୍ୱତା ଅମୂଲ୍ୟ। ଏହି ସଂପର୍କ ଏକ ସ୍ନେହ,ଭାତୃତ୍ୱ ଓ ମହିମାନ୍ୱିତ ମନୋଭାବର ପରିଚୟ ଦେଇଥାଏ।