ରାକ୍ଷୀ ପୂର୍ଣ୍ଣିମା : ଥାଳିରେ ରଖନ୍ତୁ ଏହି ଜିନିଷ ମିଳିବ ବିଶେଷ କୃପା

ରାକ୍ଷୀ ପୂର୍ଣ୍ଣିମାକୁ ଆଉ ଗୋଟିଏ ଦିନ ବାକି। ଏହି ପର୍ବ ଭାଇଭଉଣୀଙ୍କର ଅତୁଟ ପ୍ରେମ ଓ ପରସ୍ପର ପ୍ରତି ସମର୍ପଣର ପ୍ରତୀକ। ଏହି ଦିନ ଭଉଣୀ ଭାଇ ହାତରେ ରାକ୍ଷୀ ବାନ୍ଧିଥାଏ। ଏହି ଅବସରରେ ରକ୍ଷା ବନ୍ଧନ ଥାଳିର ଖୁବ ମହତ୍ତ୍ୱ ରହିଛି। ଜ୍ୟୋତିଷ ଶାସ୍ତ୍ର ଅନୁଯାୟୀ, ରକ୍ଷା ବନ୍ଧନ ଥାଳିରେ ଏହି ଜିନିଷ ନିଶ୍ଚୟ ରଖନ୍ତୁ।
ତିଳକ – ନିଜ ରାକ୍ଷୀ ଥାଳିରେ ତିଳକ ନିଶ୍ଚୟ ରଖନ୍ତୁ। ତିଳକୁ ମା’ଲକ୍ଷ୍ମୀଙ୍କ ପ୍ରତୀକ ବୋଲି କୁହାଯାଏ। ଭାଇର ମଥାରେ ତିଳକ ଲଗାଇବା ଦ୍ୱାରା ମା’ଲକ୍ଷ୍ମୀଙ୍କ ବିଶେଷ କୃପା ପ୍ରାପ୍ତି ହୋଇଥାଏ। ଚନ୍ଦନ ମଧ୍ୟ ରଖନ୍ତୁ। ଏହାଦ୍ୱାରା ଭଗବାନ ବିଷ୍ଣୁ ଓ ପ୍ରଭୁ ଗଶେଶଙ୍କ ଆଶୀର୍ବାଦ ମିଳିଥାଏ। ନକରାତ୍ମକ ଶକ୍ତି ଦୂର ହୋଇଥାଏ।
ଅକ୍ଷତ – ହିନ୍ଦୁ ପୂଜାରେ ଅକ୍ଷତର ବ୍ୟବହାର ବିଶେଷ ଭାବେ କରାଯାଇଥାଏ। ଚାଉଳରେ ସିନ୍ଦୂର ମିଶାଇ ତିଳକ ସହ ମିଶାଇ ଲଗାନ୍ତୁ। ଏହାଦ୍ୱାରା ଭଗବାନ ରାମ ଓ ଶିବଙ୍କ ବିଶେଷ କୃପା ପ୍ରାପ୍ତି ହୋଇଥାଏ।
ରାକ୍ଷୀ ବିନା ଏହି ପର୍ବ ସମ୍ପୂର୍ଣ୍ଣ ନୁହେଁ। ଥାଳିରେ ରେଶମୀ ସୂତାର ରାକ୍ଷୀ ନିଶ୍ଚୟ ରଖନ୍ତୁ। ଭାଇଙ୍କ ହାତରେ ବାନ୍ଧିବା ପୂର୍ବରୁ ଭଗବାନଙ୍କ ନିକଟରେ ନିଶ୍ଚୟ ରଖନ୍ତୁ। ଏହା ଦ୍ୱାରା ଭାଇଭଉଣୀଙ୍କ ମଧ୍ୟରେ ସର୍ବଦା ସ୍ନେହ ରହିଥାଏ।
ରାକ୍ଷୀ ଥାଳିରେ ଦୀପ ନିଶ୍ଚୟ ରଖନ୍ତୁ। ଦୀପର ଉଜ୍ଜ୍ୱଳତା ଭଳି ଜୀବନରେ ମଧ୍ୟ ଏହା ଆଲୋକ ଭରି ଦେଇଥାଏ। ପ୍ରଥମେ ଭାଇଙ୍କୁ ଆଳତୀ କରି ରାକ୍ଷୀ ବାନ୍ଧନ୍ତୁ।

 

Comments are closed.