ରାଜସ୍ଥାନ ମହାନାଟକ: ‘ପାଇଲଟ୍’ଙ୍କ ଚକ୍ରବ୍ୟୁହ, ଦ୍ବିଧାରେ କଂଗ୍ରେସ

ରାଜସ୍ଥାନରେ ଆରମ୍ଭ ହୋଇଛି ‘ପାଇଲଟ୍’ ମହାନାଟକ । ରାଜ୍ୟ କଂଗ୍ରେସ ସଭାପତି ତଥା ଉପମୁଖ୍ୟମନ୍ତ୍ରୀ ରାଜେଶ ପାଇଲଟଙ୍କ ବିଦ୍ରୋହ ପରେ ଲାଗୁଥିଲା କଂଗ୍ରେସ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିପାରେ । ମାତ୍ର ସୋମବାର ତୀବ୍ର ଗତିଶୀଳ ରାଜସ୍ଥାନ ରାଜନୈତିକ ଘଟଣାକ୍ରମ ପରେ ଦଳ ପାଇଲଟଙ୍କୁ ନେଇ ଦ୍ବିଧାରେ ପଡ଼ିଯାଇଛି । କଂଗ୍ରେସ ମହାସଚିବ ରଣଦୀପ ସୁରଜେୱାଲା ପାଇଲଟଙ୍କୁ କଂଗ୍ରେସ ବିଧାୟକ ଦଳ ବୈଠକରେ ସାମିଲ ହେବାକୁ କରିଥିବା ଅନୁରୋଧକୁ ପାଇଲଟ ପକ୍ଷ ଗ୍ରହଣ କରିନାହାନ୍ତି । ଏକ ସାମ୍ବାଦିକ ସମ୍ମିଳନୀ କରି ପାଇଲଟଙ୍କୁ ଦଳରେ ପୁଣି ସୁଯୋଗ ଦିଆଯିବାକୁ ଏକ ବାର୍ତା ମଧ୍ୟ ଦିଆଯାଇଛି, ତାହାକୁ ନେଇ ପାଇଲଟ ଓ ତାଙ୍କ ସମର୍ଥକମାନେ ମଧ୍ୟ ନିରବ ରହିଛନ୍ତି ।

ଏହି ସ୍ଥିତିରେ କଂଗ୍ରେସ କାର୍ଯ୍ୟକର୍ତ୍ତାମାନେ ପ୍ରଦେଶ କାର୍ଯ୍ୟାଳୟ ବାହାରୁ ପାଇଲଟଙ୍କ ପୋଷ୍ଟର ହଟାଇବାର କିଛି ସମୟ ପରେ ପୁଣି ତାହାକୁ ଲଗାଇଛନ୍ତି । ଏପରିକି ଯେଉଁମାନେ ପାଇଲଟଙ୍କ ପୋଷ୍ଟର କାର୍ଯ୍ୟାଳୟରୁ ହଟାଇଛନ୍ତି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ବୋଲି ଏନ୍ଏସୟୁଆଇ ଅଧ୍ୟକ୍ଷ ଚେତାବନୀ ଦେଇଛନ୍ତି ।

ରାଜନୀତିରେ ଘଡ଼ିକେ ଘୋଡ଼ା ଛୁଟୁଛି   

ପାଇଲଟ୍ ବିବାଦକୁ ନେଇ ରାଜସ୍ଥାନ ରାଜନୀତିରେ ଘଡ଼ିକେ ଘୋଡ଼ା ଛୁଟୁଛି । ଦଳୀୟ କାର୍ଯ୍ୟାଳୟରୁ ପାଇଲଟଙ୍କ ପୋଷ୍ଟର ହଟାଇବା ପରେ ରାଜ୍ୟ କଂଗ୍ରେସ ରାଜନୀତି ଅଶାନ୍ତ ହୋଇ ପଡ଼ିଥିବାବଳେ  ପୁଣି ତାହାକୁ ଲଗାଯିବା ଦ୍ବାରା କିଛି ପରିମାଣରେ ସ୍ଥିତି ଶାନ୍ତ ପଡ଼ିଛି । ଦୁଇ ଗୋଷ୍ଠୀ ମଧ୍ୟରେ ସମାଧାନ ନିମନ୍ତେ ରାସ୍ତା ଖୋଜିବା ଆରମ୍ଭ ହୋଇଥିଲା । ଏତିକି ବେଳେ ବିଳମ୍ବିତ ସନ୍ଧ୍ୟାରେ ଗେହଲଟ ସରକାରର ଦୁଇ ମନ୍ତ୍ରୀ ପାଇଲଟଙ୍କ ପ୍ରତି ନିଜର ସମର୍ଥନ ଘୋଷଣା କରିବା ପରେ ପୁଣି ରାଜନୀତି ସରଗରମ ହୋଇ ପଡ଼ିଛି । କ୍ୟାବିନେଟ୍ ମନ୍ତ୍ରୀ ରମେଶ ମୀଣା କହିଛନ୍ତି ସେ ପାଇଲଟଙ୍କୁ ସମର୍ଥନ କରୁଛନ୍ତି । ସେହିପରି ପର୍ଯ୍ୟଟନ ମନ୍ତୟୀ ବିଶ୍ବେନ୍ଦ୍ର ସିଂହ ମଧ୍ୟ ପାଇଲଟଙ୍କ ସମର୍ଥନରେ ଟ୍ବିଟ୍ କରିଛନ୍ତି ।

pic.twitter.com/3QzN02jLS7

— Vishvendra Singh Bharatpur (@vishvendrabtp) July 13, 2020

ଏହା ପୂର୍ବରୁ ସୋମବାର ସକାଳେ କଂଗ୍ରେସର ମହାସଚିବ ପିଏଲ୍ ପୁନିଆ ଦିଲ୍ଲୀରେ କହିଥିଲେ ସଚିନ ଏବେ ବିଜେପିରର ହୋଇ ଯାଇଛନ୍ତି । ମାତ୍ର କିଛି ସମୟ ପରେ ସେ ନିଜର ବୟାନ ବଦଳାଇଥିଲେ । ସେ କହିଥିଲେ ଏ କଥା ଜ୍ୟୋତିରାଦିତ୍ୟ ସିନ୍ଧିଆଙ୍କ ପ୍ରସଙ୍ଗରେ କହିଥିଲେ । ଏହା ଏକ ମାନବୀୟ ଭୁଲ ଓ ତାଙ୍କର ଜିଭରୁ ଭୁଲରେ ଏ କଥା ବାହାରି ଯାଇଥିଲା ।

ANI ने मुझसे ज्योतिरादित्य सिंधिया के बयान पर प्रतिक्रिया पूछी थी जिसके जवाब में मेरे मुँह से सचिन पायलट का नाम निकल गया। ये सहज मानवीय भूल और ज़बान फिसलने की मामला है। सचिन पायलट ख़ुद ही कह चुके हैं कि वे बीजेपी में नहीं जा रहे। वे अब भी कांग्रेस का हिस्सा हैं।⁦@ANI⁩ pic.twitter.com/YNI2kAqcTH

— P L Punia (@plpunia) July 13, 2020

ଗେହଲଟଙ୍କ ନିକଟରେ ନାହିଁ ବହୁମତ ?

ଯେତେବେଳେ କି ଗେହଲଟ ୧୦୭ ବିଧାୟକ ନିଜ ସପକ୍ଷରେ ଥିବା ଦାବି କରୁଛନ୍ତି ସେଠାରେ ବାସ୍ତବରେ ତାଙ୍କ ନିକଟରେ ସରକାର ଗଠନ ନିମନ୍ତେ ବହୁମନ ନଥିବା ତାଙ୍କ ପ୍ରତିପକ୍ଷ ଦାବି କରୁଛନ୍ତି । ଏ କଥା ବି କୁହାଯାଉଛି ଯେ ଯେଉଁ ସ୍ବାଧୀନ ବିଧାୟକଙ୍କ କଥା ଗେହଲଟ୍ କହୁଛନ୍ତି ସେମାନେ ମଧ୍ୟ ନିଜର ଆଭିମୁଖ୍ୟ ବଦଳାଇ ପାରନ୍ତି । ମୋଟାମୋଟି ଦେଖିଲେ ଗେହଲଟ ସରକାର ରହିବ ବା ଯିବ ଏହି ଛବି ବହୁତ ସ୍ପଷ୍ଟ ନୁହେଁ । ଏହାର କାରଣ କୁହାଯାଉଛି ଯେ ବିଜେପି ଆଇଟି ସେଲ୍ ମୁଖ୍ୟ ଅମିତ୍ ମାଲବ୍ୟ ସରକାରଙ୍କ ସଂଖ୍ୟା ଗରିଷ୍ଠତା ପ୍ରମାଣ କରିବାକୁ ଦାବି କରିବା ପରେ ଗେହଲଟ ସରକାରଙ୍କ ସ୍ଥିତି ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
ହାଇକମାଣ୍ଡଙ୍କ ଆଭିମୁଖ୍ୟ ନେଇ ପ୍ରଶ୍ନବାଚୀ 

ଗେହଲଟ୍ ଓ ପାଇଲଟ ପକ୍ଷଙ୍କ ମଧ୍ୟରେ ଯେତେବେଳେ କ୍ଷମତାକୁ ନେଇ ଯୁଦ୍ଧ ଆରମ୍ଭ ହୋଇଛି ସେଠାରେ ଦଳୀୟ ହାଇକମାଣ୍ଡଙ୍କ ଭୂମିକାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଦଳୀୟ ହାଇକମାଣ୍ଡ ପାଇଲଟଙ୍କୁ ନାଁ ମନେଇବାକୁ ଚେଷ୍ଟା କରୁଛନ୍ତି ନା ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ନେଇ ସଙ୍କେତ ଦେଇଛନ୍ତି । ଏହା ମଧ୍ୟରେ ପ୍ରିୟଙ୍କା ଗାନ୍ଧୀ ମଧ୍ୟସ୍ଥ ଭାବରେ ଉଭା ହୋଇଥିବା ନେଇ ଚର୍ଚା ଚାଲିଛି । ପ୍ରିୟଙ୍କା ମଙ୍ଗଳବାର ଜୟପୁରରେ ଦୁଇ ପକ୍ଷ ମଧ୍ୟରେ ଆଲୋଚନା କରି ପରିସ୍ଥିତି ସଜାଡ଼ିବାକୁ ଉଦ୍ୟମ କରିବେ ବୋଲି ମଧ୍ୟ ସୂଚନା ମିଳିଛି ।

ଏସଓଜି ନୋଟିସ ପରେ ପାଇଲଟ ଅସନ୍ତୁଷ୍ଟ

ପାଇଲଟଙ୍କ ଅସନ୍ତୋଷକୁ ନେଇ ତ ଅନେକ କାରଣ ରହିଛି । ଅଗଲି ବାର ପାଇଲଟ୍ ସରକାର ନାରା ଦେଇ କଂଗ୍ରେସ ରାଜସ୍ଥାନରେ କ୍ଷମତାକୁ ଫେରିଥିଲା ।

ମାତ୍ର ପାଇଲଟଙ୍କ ପରିବର୍ତ୍ତେ ଗେହଲଟଙ୍କୁ ମୁଖ୍ୟମନ୍ତ୍ରୀ ପଦରେ ବସାଯାଇଥିଲା । ପାଇଲଟଙ୍କୁ ଉପମୁଖ୍ୟମନ୍ତ୍ରୀ ପଦରେ ସନ୍ତୁଷ୍ଟ ହେବାକୁ ପଡ଼ିଥିଲା । ଏହା ତାଙ୍କ ସମର୍ଥକମାନଙ୍କୁ ନିରାଶ କରିଥିଲା । ସେହିପରି ବିଭିନ୍ନ ପଦ ଓ ବିଭାଗକୁ ନେଇ ମଧ୍ୟ ବିଭିନ୍ନ ସମୟରେ ପାଇଲଟ ଅସନ୍ତୋଷ ବ୍ୟକ୍ତ କରିଥିଲେ । ମାତ୍ର ଯେତେବେଳେ ବିଧାୟକଙ୍କ ଘୋଡ଼ାବେପାର ସଂକ୍ରାନ୍ତ ଯାଞ୍ଚ ନିମନ୍ତେ ଏସ୍ଓଜି ନୋଟିସ ପରେ ପାଇଲଟ୍ କ୍ଷୁବ୍ଧ ହୋଇଥିଲେ । ତାଙ୍କୁ କଂଗ୍ରେସ ଓ ଅନ୍ୟ କିଛି ନିର୍ଦଳୀୟ ବିଧାୟକ ମଧ୍ୟ ସମର୍ଥନ କରୁଛନ୍ତି । ଏହି ନୋଟିସ ମୁଖ୍ୟମନ୍ତ୍ରୀ ଅଶୋକ ଗେହଲଟ ଓ ଅନ୍ୟ କିଛି ବିଧାୟକଙ୍କୁ ମଧ୍ୟ ଜାରି କରାଯାଇଥିଲା ।