ଟ୍ରେନର ବେଗ ସହି ନପାରି ଭୁଶୁଡି ପଡ଼ିଲା ରେଳ ଷ୍ଟେସନ କୋଠା

ବୁରହାନପୁର (ମଧ୍ୟପ୍ରଦେଶ) : ଏକ ରେଳ ଷ୍ଟେସନ ବିଲଡିଂ ଏକ ହାଇ ସ୍ପିଡ୍ ଏକ୍ସପ୍ରେସ ଟ୍ରେନର ବେଗ ବା କମ୍ପନକୁ ସହ୍ୟ କରି ନ ପାରି ଭୁଶୁଡି ପଡିଛି । ବୁଧବାର ସନ୍ଧ୍ୟାରେ ମଧ୍ୟପ୍ରଦେଶର ବୁରହାନପୁର ଜିଲ୍ଲାର ଚାନ୍ଦନୀ ରେଳ ଷ୍ଟେସନରେ ଏହି ଘଟଣା ଘଟିଛି। ଏହି ଷ୍ଟେସନ କେନ୍ଦ୍ରୀୟ ରେଳବାଇର ଭୁସାୱାଲ ରେଳ ବିଭାଗ ଅଧୀନରେ ଆସିଛି।
ସୂଚନାନୁସାରେ, ପୁଷ୍ପକ ଏକ୍ସପ୍ରେସ ନେପାଳନଗର ଏବଂ ଆସିରଗଡ ରେଳ ଷ୍ଟେସନ ମଧ୍ୟରେ ଘଂଟା ପ୍ରତି ୧୧୦ କିଲୋମିଟର ବେଗରେ ଯାଉଥିଲା। ବୁଧବାର ଦିନ ୪ ଟା ସମୟରେ ଏହା ଚାନ୍ଦନୀ ରେଳ ଷ୍ଟେସନ ଦେଇ ଯାଉଥିଲା। ପ୍ରାୟ ୧୪ ବର୍ଷ ପୂର୍ବେ ନିର୍ମିତ ଷ୍ଟେସନ ବିଲଡିଂ ଟ୍ରେନର ଗତି ବା କମ୍ପନକୁ ସହ୍ୟ କରିପାରି ନଥିଲା ଏବଂ ଏହା ଭୁଶୁଡି ପଡିଥିଲା।
ସହକାରୀ ଷ୍ଟେସନ ମାଷ୍ଟର ପ୍ରଦୀପ କୁମାର ପାୱାର ଟ୍ରେନକୁ ସବୁଜ ସଙ୍କେତ ଦେଖାଇଥିଲେ। ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ ଘଟଣା ଘଟିବା ସମୟରେ ବିଲ୍ଡିଂରେ କେହି ଉପସ୍ଥିତ ନଥିଲେ।

Image Source : freepressjournal.in

ସୂଚନା ପାଇବା ପରେ, ରେଳବାଇର ବରିଷ୍ଠ ଅଧିକାରୀମାନେ, ଆରପିଏଫ୍ ଏବଂ ଜିଆରପି ଟିମ୍ ଘଟଣାସ୍ଥଳରେ ପହଞ୍ଚି ପ୍ଲାଟଫର୍ମରୁ ଆବର୍ଜନା ସଫା କରିଥିଲେ। ଏହି ଅଘଟଣ ଯୋଗୁଁ, ଅନେକ ଟ୍ରେନ୍ ର ଯାତ୍ରା ବିଳମ୍ବିତ ହୋଇଥିଲା। ଉଲ୍ଲେଖଯୋଗ୍ୟ, ଏହା ଦିଲ୍ଲୀ ଏବଂ ମୁମ୍ବାଇ ମଧ୍ୟରେ ସବୁଠାରୁ ବ୍ୟସ୍ତବହୁଳ ଟ୍ରାକ ମଧ୍ୟରୁ ଗୋଟିଏ ଏବଂ ଦୈ ନିକ ଅନେକ ଟ୍ରେନ୍ ଏହି ଟ୍ରାକରେ ଯାଇଥାଏ।
ଭୁସାୱାଲ ଡିଭିଜନାଲ ରେଳ ପ୍ରବନ୍ଧକ (ଡିଆରଏମ), ବିବେକ କୁମାର ଗୁପ୍ତା ସାମ୍ବାଦିକମାନଙ୍କୁ କହିଛନ୍ତି ଯେ କୋଠାର ଏକ ଅଂଶ ଭୁଶୁଡି ପଡିଛି । ସେ କହିଛନ୍ତି, “ଭୁଶୁଡ଼ି ପଡ଼ିବାର ପ୍ରକୃତ କାରଣ ଜାଣିବାକୁ ଅନୁସନ୍ଧାନ କରାଯାଉଛି।

Comments are closed.