ମଧ୍ୟପ୍ରଦେଶ, ରାଜସ୍ଥାନ ପରେ ଛତିଶଗଡ ମୁଖ୍ୟମନ୍ତ୍ରୀ ଚୟନକୁ ନେଇ ଅଙ୍କ କଷୁଛନ୍ତି ରାହୁଲ

0

ନୂଆଦିଲ୍ଲୀ : ରାଜସ୍ଥାନ ଏବଂ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଚୟନ ସରିବା ପରେ ଛତିଶଗଡ ମୁଖ୍ୟମନ୍ତ୍ରୀ ଚୟନକୁ ନେଇ ରାହୁଲ ଗାନ୍ଧୀ ଅଙ୍କ କଷୁଛନ୍ତି। ଏହାକୁ ନେଇ ଶୁକ୍ରବାର ରାହୁଲ ଗାନ୍ଧୀ ଟୁଇଟ୍‍ କରି ଜଣାଇଛନ୍ତି। ଏହି ବୈଠକରେ ଛତିଶଗଡର ଭୁପେଶ ବଘେଲ, ଟିଏସ୍‍ ସିଙ୍ଘଦେବ, ତାମ୍ରଧୌଜ ସାହୁ ଓ ଚରଣଦାସ ମହନ୍ତ ରାହୁଲ ଗାନ୍ଧୀ ସହ ଆଲୋଚନା କରିଛନ୍ତି। ମିଳିଥିବା ସୂଚନା ଅନୁସାରେ ଛତିଶଗଡ ମୁଖ୍ୟମନ୍ତ୍ରୀ ଚୟନ ସରିଯାଇଛି କେବଳ ଔପଚାରିକ ଘୋଷଣାକୁ ସମସ୍ତେ ଅପେକ୍ଷା କରି ରହିଛନ୍ତି।
ଋାହୁଲ ଟୁଇଟ୍‍ କରି ଲେଖିଛନ୍ତି, ‘ଆପଣଙ୍କ ଚିନ୍ତାଧାରା ଏବଂ ପ୍ରସ୍ତୁତିରେ କୌଣସି ଫରକ ପଡିନଥାଏ, ଯେତେବେଳେ ଆପଣ ଏକାକି ଖେଳୁଥିବେ, ଯାହାଫଳରେ ଆପଣଙ୍କ ଦଳ ଅନ୍ୟ ଦଳ ଠାରୁ ହାରିବା ସୁନିଶ୍ଚିନ୍ତ’। ଛତିଶଗଡ ମୁଖ୍ୟମନ୍ତ୍ରୀ ପାଇଁ ଏହି ଚାରିଜଣଙ୍କ ନାମ ସାମ୍ନାକୁ ଆସିଥିବାରୁ ଏହାକୁ ନେଇ ଛତିଶଗଡ ଲୋକମାନଙ୍କ ମଧ୍ୟରେ ଉତ୍କଣ୍ଠା ବଢିବାରେ ଲାଗିଛି। ମିଳିଥିବା ସୂଚନା ଅନୁସାରେ ରାୟପୁରରେ ହିଁ ମୁଖ୍ୟମନ୍ତ୍ରୀଙ୍କ ନାମ ଘୋଷଣା କରାଯିବ।

Comments
Loading...