ନୂଆଦିଲ୍ଲୀ : ବିଶ୍ବ କ୍ରିକେଟ୍ରେ ‘ଦି ୱାଲ୍’ ଭାବେ ପରିଚିତ ରାହୁଲ ଦ୍ରାବିଡ଼ କେବଳ ଜଣେ ମହାନ୍ ବ୍ୟାଟସମ୍ୟାନ୍ ନୁହନ୍ତି ଜଣେ ଦକ୍ଷ ଅଧିନାୟକ ଥିଲେ ବୋଲି ମତ ଦେଇଛନ୍ତି ପୂର୍ବତନ କ୍ରିକେଟର୍ ଗୌତମ ଗମ୍ଭୀର। ଏକ ଗଣମାଧ୍ୟମକୁ ସାକ୍ଷାତକାର ଦେବା ଅବସରରେ ଗମ୍ଭୀର କହିଥିଲେ ରାହୁଲ ଦ୍ରାବିଡ଼ ଅଧିନାୟକ ଭାବେ ବେଶ୍ ସଫଳତା ହାସଲ କରିଥିଲେ। ତେବେ ତାଙ୍କୁ ଏଥିପାଇଁ ବିଶେଷ ଶ୍ରେୟ ମିଳିପାରି ନ ଥିଲା, ଯାହାକି ଦୁର୍ଭାଗ୍ୟଜନକ। ୨୦୦୬ରେ ଦ୍ରାବିଡ଼ଙ୍କ ନେତୃତ୍ବାଧୀନ ଭାରତୀୟ ଦଳ ୱେଷ୍ଟଇଣ୍ଡିଜ ଗସ୍ତରେ ଯାଇ ଘରୋଇ ଦଳକୁ ଟେଷ୍ଟ ସିରିଜ୍ରେ ହରାଇଥିଲା। ଏଥିସହ ୨୦୦୬-୦୭ରେ ଦଳ ଦକ୍ଷିଣ ଆଫ୍ରିକାକୁ ତାହାରି ମାଟିରେ ପରାସ୍ତ କରିଥିଲା। ୨୦୦୭ରେ ଭାରତୀୟ ଦଳ ଇଂଲଣ୍ଡ ଗସ୍ତରେ ଯାଇ ଟେଷ୍ଟ ସିରିଜ୍ ଜିତିଥିଲା। ଏସବୁ ବିଜୟକୁ ଲକ୍ଷ୍ୟ ରଖି ଦ୍ରାବିଡ଼ ଜଣେ ଦକ୍ଷ ଅଧିନାୟକ ବୋଲି କୁହାଯାଇ ପାରିବ।
Comments are closed.