୨୦୧୯ ବିଶ୍ବକପ ସେମିଫାଇନାଲ ବିପର୍ଯ୍ୟୟ ଦୁଃଖଦ ଥିଲା : ଜାଡେଜା

ନୂଆଦିଲ୍ଲୀ : ଇଂଲଣ୍ଡରେ ଅନୁଷ୍ଠିତ ୨୦୧୯ କ୍ରିକେଟ ବିଶ୍ବକପରେ ଭାରତ ଲିଗ୍‌ ପର୍ୟ୍ୟାୟରେ ଭଲ ପ୍ରଦର୍ଶନ କରିଥିଲେ ମଧ୍ୟ ସେମିଫାଇନାଲରେ ନ୍ୟୁଜିଲାଣ୍ଡ ନିକଟରୁ ପରାଜିତ ହୋଇ ବିଦାୟ ନେଇଥିଲା। ସେମିଫାଇନାଲର ପରାଜୟ ସବୁଠାରୁ ଦୁଃଖଦ ଥିଲା। ଯାହା ଆଜି ବି ମନରୁ ଲିଭି ପାରୁନାହିଁ ବୋଲି ଅଲ୍‌ରାଉଣ୍ଡର ରବୀନ୍ଦ୍ର ଜାଡେଜା କହିଛନ୍ତି। ଗତବର୍ଷ ଜୁଲାଇ ୯ ଓ ୧୦ରେ ଭାରତ ସେମିଫାଇନାଲରେ ନ୍ୟୁଜିଲାଣ୍ଡ ନିକଟରୁ ପରାଜିତ ହୋଇଥିଲା। ଏହି ମହା ବିପର୍ୟ୍ୟୟକୁ ନେଇ ସାରା ଦେଶ ଦୁଃଖରେ ଭାଙ୍ଗି ପଡ଼ିଥିଲା ବୋଲି ଜାଡେଜା କହିଛନ୍ତି। ଗତବର୍ଷର ଏହି ଘଟଣାକୁ ମନେ ପକାଇ ଜାଡେଜା କହିଛନ୍ତି ଯେ, ମାଞ୍ଚେଷ୍ଟରର ଓଲ୍ଡଟ୍ରାଫର୍ଡରେ ଖେଳାଯାଇଥିବା ବର୍ଷା ବାଧାପ୍ରାପ୍ତ ମ୍ୟାଚରେ ଭାରତ ୧୮ରନରେ ନ୍ୟୁଜିଲାଣ୍ଡ ନିକଟରୁ ପରାଜିତ ହୋଇଥିଲା। ନ୍ୟୁଜିଲାଣ୍ଡ ପ୍ରଥମେ ବ୍ୟାଟିଂ କରି ୮ ୱିକେଟରେ ୨୩୯ରନ କରିଥିଲା। ଜବାବ​‌େ​‌ର ଆମେ ୨୨୧ରନ କରିବାକୁ ସକ୍ଷମ ହୋଇଥିଲୁ। ଆମେ ପାରୁ ପର୍ୟ୍ୟନ୍ତ ମ୍ୟାଚ ବିଜୟୀ ନେଇ ଉଦ୍ୟମ କରିଥିଲେ ମଧ୍ୟ ବିଜୟଠାରୁ ଦୂରରେ ରହିଯାଇଥିଲୁ। ଉକ୍ତ ପରାଜୟ ଜୀବନର ଅନ୍ୟତମ ଦୁଃଖଦ ଦିନ ଥିଲା ବୋଲି ଜାଡେଜା କହିଛନ୍ତି।

Comments
Loading...