ଠେକୁଆକୁ ସିନା ଗିଳିଦେଲା, ହେଲେ ଆଉ ଆଗକୁ ଯାଇ ପାରିଲା ନାହିଁ । ଜଣେ ବ୍ୟକ୍ତିଙ୍କ ଜମିରେ ଗୁଡ଼େଇ ତୁଡ଼େଇ ହେଉଥିଲା । ଶେଷରେ କିଛି ଲୋକ ସାପଟିକୁ ଦେଖି ସାପ ଧରିବାରେ ଓସ୍ତାଦ ଶିକ୍ଷକ ଦୁର୍ଯୋଧନ ବେହେରାଙ୍କୁ ଖବର ଦେଇଥିଲେ । ଦୁର୍ଯୋଧନ ସାପକୁ ଉଦ୍ଧାର କରି ଜଙ୍ଗଲରେ ଛାଡ଼ି ଦେଇଥିଲେ । ଘଟଣାଟି ଘଟିଛି ମାଲକାନ ଜିଲାର ମାଥିଲି ଅଞ୍ଚଳରେ ।
ଗୁରୁବାର ଦିନ ମାଥିଲି ଠାରୁ ତିନି କିଲୋମିଟର ଦୂର ବାମନଗୁଡାରେ ଏକ ଅଜଗର ସାପ ଜଣଙ୍କ ଜମିରେ ଦେଖିବାକୁ ମିଳିଥିଲା |ସାପଟିକୁ ଲୋକେ କୌଣସି କ୍ଷତି ନ କରି ମାଥିଲି ବନ ବିଭାଗକୁ ଖବର ଦେଇଥିଲେ |ମାଥିଲି ବନାଞ୍ଚଳ ଅଧିକାରୀ ସଦାଶିବ ଚିନ୍ନାରା ତାଙ୍କ ସହଯୋଗୀଙ୍କୁ ଧରି ସେହି ସ୍ଥାନରେ ପହଞ୍ଚିଥିଲେ |ସଙ୍ଗେ ସଙ୍ଗେ ମାଥିଲି ଆଦର୍ଶ ବିଦ୍ୟାଳୟର କଳା ଶିକ୍ଷକ ଦୁର୍ଯ୍ୟଧନ ବେହେରା ଯିଏକି ସାପ ଧରିବା ପାଇଁ ଓସ୍ତାଦ ତାଙ୍କୁ ଖବର ଦେବା ପରେ ସାପଟିକୁ ଉଦ୍ଧାର କରାଯାଇଥିଲା |ସାପଟି ଠେକୁଆକୁ ଗିଳି ଦେଇଥିବାରୁ ଗୋଟିଏ ଜାଗାରେ ହିଁ ରହି ଯାଇଥିଲା |ସାପଟିର ଲମ୍ବା ସାତ ଫୁଟ ଛଅ ଇଞ୍ଚ ଓ ଓଜନ ଆଠ କେଜି ଶହେ ଗ୍ରାମ ଥିଲା |ସାପଟିକୁ ଗୋବିନ୍ଦପାଲି ନିକଟ ସପ୍ତଧlରା ଜଙ୍ଗଲରେ ଛାଡି ଦେଇଥିବା ଜଣାପଡିଛି | ମାଲକାନଗିରି ଜିଲ୍ଲା ମାଥିଲି ଅଞ୍ଚଳ ଦିନେ ଘଞ୍ଚଜଙ୍ଗଲରେ ପରିପୂର୍ଣ ଥିଲା |ଜଙ୍ଗଲରେ ବାଘ,ଭାଲୁ, ହରିଣ, ବାରହା, ଠେକୁଆ ଇତ୍ୟାଦି ଅନେକ ପ୍ରକାର ଜୀବଜନ୍ତୁ ବାସ କରୁଥିଲେ |ଜଙ୍ଗଲ ହ୍ରାସ ସାଙ୍ଗକୁ ଜୀବଜନ୍ତୁ ଶିକାର ଯୋଗୁଁ ଦିନକୁ ଦିନ ସବୁ ପ୍ରକାର ବନ୍ୟଜନ୍ତୁ ଲୋପ ପାଇବାକୁ ବସିଲାଣି | କାଁଭାଁ ଜଙ୍ଗଲରେ କେଉଁଠି ଭାଲୁ, ଠେକୁଆ, ବିଲୁଆ, ଅଜଗର ସାପ ଦେଖାଯାଉଛନ୍ତି |
Comments are closed.