ଜୁହାର ପରିବାର ପକ୍ଷରୁ ମହାସମାରୋହରେ ପୁଷପୁନୀ ପର୍ବ ପାଳିତ

ସମ୍ବଲପୁର: ପ୍ରବାସୀ ଓଡିଆ ମାନଙ୍କ ସଙ୍ଗଠନ ଜୁହାର ପରିବାର, ନୁଆଦିଲ୍ଲୀ ପକ୍ଷରୁ ପୁଷପୁନୀ ପର୍ବ ମହାସମାରୋହରେ ପାଳିତ ହୋଇଯାଇଛି। ନୁଆଦିଲ୍ଲୀ ସ୍ଥିତ ଆଇଏନଏ ଗ୍ରୃହ କଲ୍ୟାଣ କେନ୍ଦ୍ର ଠାରେ ଆୟୋଜିତ ଏହି ଉତ୍ସବରେ ଅତିଥି ଭାବରେ ସଶସ୍ତ୍ର ସୀମା ବଳର ଇନିସପେକ୍ଟର ଜେନେରାଲ (ମେଡିକାଲ) ଡା. ଏଚ ମହାନ୍ତି, ଗ୍ୟାସ ଅଥରିଟୀ ଅଫ ଇଣ୍ଡିଆ (ଗେଲ୍) ର ଚିଫ ଜେନେରାଲ ମ୍ୟାନେଜର ସନ୍ତୋଷ ରାୟ, ବରିଷ୍ଠ ସାମ୍ବାଦିକ ତଥା ସମାଜସେବୀ ଭାଗବତ ପ୍ରସାଦ ନନ୍ଦ, ବରିଷ୍ଠ ଥିଏଟର କଳାକାର ବ୍ରଜମୋହନ ମିଶ୍ର, ବିଶିଷ୍ଟ ପୋଷଣବିତ ବସନ୍ତ କର ଓ ବରିଷ୍ଠ ସାମ୍ବାଦିକ ଡ. ଭବାନୀ ଦିକ୍ଷୀତ ଯୋଗ ଦେଇଥିଲେ। ପୁଷପୁନୀ ଉତ୍ସବ ଭାଇଚାରା ସହିତ ସାମାଜିକ ଏକତାର ପ୍ରତୀକ ଅଟେ ବୋଲି ଅତିଥି ମାନେ ମତବ୍ୟକ୍ତି ଥିଲେ। ଏହି ଅବସରରେ ପାରମ୍ପରିକ ଖେଳ, ସମ୍ବଲପୁରୀ ନୃତ୍ୟ ଓ ସଙ୍ଗୀତ ଆଦି ଆୟୋଜିତ ହୋଇଥିଲା। ପଶ୍ଚିମ ଓଡିଶାର ପାରମ୍ପରିକ ଖାଦ୍ୟ ପିଆଜୀ, ବିରିବରା, ସିଂଘଡା, ଚନା ଚାଟ ସମେତ ଅନ୍ୟାନ୍ୟ ବ୍ୟଞ୍ଜନ ଗୁଡିକ ପ୍ରମୁଖ ଆକର୍ଷଣର କେନ୍ଦ୍ର ରହିଥିଲା। ଏହି ପାରମ୍ପରିକ ଉତ୍ସବରେ ନୁଆଦିଲ୍ଲୀ ସମେତ ଆଖପାଖ ଅଞ୍ଚଳ ଗୁରୁଗ୍ରାମ, ଗାଜିଆବାଦ, ନୋଏଡା ଆଦି ବିଭିନ୍ନ ସ୍ଥାନରେ ବସବାସ କରୁଥିବା ୫୦୦ ରୁ ଉର୍ଦ୍ଧ ବ୍ୟକ୍ତି ପରିବାର ସହିତ ସାମିଲ ହୋଇଥିଲେ।

Comments
Loading...