ଏହିସବୁ ଖାଦ୍ୟ ଖାଇବା ଦ୍ବାରା ପରିଷ୍କାର ହୋଇଥାଏ ରକ୍ତ

0

ରକ୍ତ ଆମ ଶରୀରରେ ଏକ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥାଏ। ରକ୍ତ ମାଧ୍ୟମରେ ହିଁ ସମସ୍ତ ପୋଷକ ତତ୍ତ୍ବ ଶରୀରରେ ସଞ୍ଚାଳିତ ହୋଇଥାଏ। ଶରୀରକୁ ଅମ୍ଲଜାନ ପହଞ୍ଚାଇବାଠାରୁ ଆରମ୍ଭ କରି ଶରୀରର ତାପମାତ୍ରା ନିୟନ୍ତ୍ରଣ କରିବାରେ ରକ୍ତର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ରକ୍ତ ଶରୀରର ପିଏଚ୍ ସ୍ତର ଏବଂ ଜଳସ୍ତର ମଧ୍ୟ ସଞ୍ଚାଳିତ କରିଥାଏ। ବେଳେବେଳେ ରକ୍ତରେ ଅପମିଶ୍ରଣ ହୋଇ ରକ୍ତ ଅପରିଷ୍କାର ହୋଇଯାଇଥାଏ। ରକ୍ତ ଅପରିଷ୍କାର ହେଲେ ବ୍ରଣ ହେବା, ଓଜନ କମ ହେବା ଏବଂ ଖୁବ୍ ଶୀଘ୍ର ଥକାପଣ ଆସିବା ଭଳି ବିଭିନ୍ନ ସମସ୍ୟା ଦେଖାଦେଇଥାଏ। ଏ ସମସ୍ୟାର ସମାଧାନ ପାଇଁ ରକ୍ତ ବିଶୁଦ୍ଧ ହେବା ଅତ୍ୟନ୍ତ ଜରୁରୀ। ତେବେ ଚାଲନ୍ତୁ ଜାଣିବା ପ୍ରାକୃତିକ ଉପାୟରେ ଆମେ କିଭଳି ରକ୍ତକୁ ପରିଷ୍କାର ରଖିପାରିବା –

• ବୃକକ୍ କୁ ଠିକ୍ ରଖିବା ପାଇଁ ପର୍ୟ୍ୟାପ୍ତ ପରିମାଣରେ ପାଣି ପିଇବା ନିହାତି ଆବଶ୍ୟକ। କିଡ଼ନୀ ପାଣିର ସହାୟତାରେ ଶରୀରର ଅପରିଷ୍କାର ତତ୍ତ୍ବକୁ ବାହାରକୁ ବାହାର କରିଥାଏ। ପର୍ୟ୍ୟାପ୍ତ ପାଣି ପିଇବା ଦ୍ୱାରା ରକ୍ତ ସଞ୍ଚାଳନ ଠିକ୍ ହୋଇଥାଏ।

• ଜାମୁକୋଳି ଖାଇବା ଦ୍ୱାରା ଯକୃତ ସୁସ୍ଥ ରହିବା ସହ ରକ୍ତ ଅପରିଷ୍କାର ହୋଇନଥାଏ।

• କଫି ପିଇବା ଦ୍ୱାରା ମଧ୍ୟ ଯକୃତରୁ ସବୁ ବିଷାକ୍ତ ପଦାର୍ଥ ବାହାରିଯାଇଥାଏ। ଯାହାଦ୍ୱାରା ରକ୍ତ ଅପରିଷ୍କାର ହୋଇ ନଥାଏ।

• ସେଓରେ ପେକ୍ଟିନ୍ ନାମକ ଫାଇବର ରହିଥାଏ। ଯାହା ରକ୍ତ ଶର୍କରା ସ୍ତରକୁ ନିୟନ୍ତ୍ରଣ କରିବା ସହ ରକ୍ତକୁ ସ୍ୱଚ୍ଛ କରିଥାଏ।

Comments
Loading...