ରଥଖଳା ଖବର ; ଲାଗିଲା ଚଉଦ ନାହାକା

ପୁରୀ : ନିର୍ମାଣାଧିନ ତିନିରଥରେ ଶନିବାର ଚଉଦ ନାହାକା ଲଗାଯାଇଛି। ଦ୍ବିତୀୟ ଭୂଇଁ ପକାଯାଇଥିବା ବେଳେ ତୃତୀୟ ଭୂଇଁ ନିର୍ମାଣ ରଥଖଳାରେ ଶେଷ ହୋଇଛି। ଚାରିନାହାକାରେ ଛ’କାଠି ଲଗାଯାଇଛି। ଚତୁଃପାର୍ଶ୍ବରେ ଯୋଖା ସଂଯୋଗ କରାଯାଇଛି। ଖପୁରିଆ କରତକଳରୁ ପୋଟଳ ପଟା ଆସି ପହଞ୍ଚିଛି। ରବିବାରଠାରୁ ପୋଟଳ ନିର୍ମାଣ କରାଯିବ। ​‌ରୂପକାରମାନେ ଚାରପରିଛାରେ ଡାଳି ଏବଂ ଲତା ଖୋଦେଇ କରୁଛନ୍ତି। ଅସ୍ଥାୟୀ କମାରଶାଳରେ ଓଝା ସେବକଙ୍କ ଦ୍ବାରା କଣ୍ଟାକବ୍‌ଜା ପ୍ରସ୍ତୁତ କରାଯାଉଛି। ରବିବାରଠାରୁ ଚିତ୍ରକାର ସେବକମାନେ ପାର୍ଶ୍ବ ଦେବଦେବୀଙ୍କୁ ରଙ୍ଗ କରିବା କାର୍ଯ୍ୟକ୍ରମ ରହିଛି। ରଥକନା ଏବଂ ରଥଦଉଡି ଆସି ପହଞ୍ଚିଛି। ଦରଜି ସେବକଙ୍କ ଦ୍ବାରା ରଥକନା ସିଲାଇ କରାଯିବ। ରଥ ନିର୍ମାଣ କାର୍ଯ୍ୟରେ ମହାରଣା, ଭୋଇ, ରୂପକାର, କମାର, ଚିତ୍ରକର ​‌ସେବକ ନିୟୋଜିତ ହୋଇଛନ୍ତି। ପ୍ରତ୍ୟେକବର୍ଷ ରଥଯାତ୍ରା ପୂର୍ବଦିନ ରଥନିର୍ମାଣ କାର୍ଯ୍ୟ ଶେଷ ହୋଇଥାଏ। ଚଳିତବର୍ଷ ଏହାର ଯଥେଷ୍ଟ ପୂର୍ବରୁ ନିର୍ମାଣ କାର୍ଯ୍ୟ ଶେଷହେବା ସମ୍ଭାବନା ରହିଛି।

Comments
Loading...