ବଗଲା ଧର୍ମଶାଳା ବିକ୍ରିକୁ ବିରୋଧ, ବିଧାୟକଙ୍କ ନେତୃତ୍ବରେ ବିଜେପିର ଧାରଣା

ପୁରୀ: ବଗଲା ଧର୍ମଶାଳା ବିକ୍ରିକୁ ବିରୋଧ କରାଯାଇ ବିଧାୟକ ଜୟନ୍ତ କୁମାର ଷଡ଼ଙ୍ଗୀଙ୍କ ନେତୃତ୍ବରେ ବିଜେପି ପକ୍ଷରୁ ବଗଲା ଧର୍ମଶାଳା ସମ୍ମୁଖରେ ଧାରଣା ଦିଆଯାଇଛି।
ଏହି ଅବସରରେ ବିଜେପି ପକ୍ଷରୁ କୁହାଯାଇଛି ଯେ ଲଜିଂ ମାଲିକଙ୍କୁ ପ୍ଲଟିଂ କରି ବିକ୍ରି କରିଦେବା ଦ୍ବାରା ସବୁଦିନ ପାଇଁ ନିଶ୍ଚିହ୍ନ ହୋଇଯିବ ବଗଲା ଧର୍ମଶାଳାର ପରିଚୟ। ଦାନରେ ମିଳିଥିବା ଧର୍ମଶାଳା ଜମିରେ ନିର୍ମାଣ ହେବ ୨୬ଟି ବ୍ୟବସାୟିକ ଅଟ୍ଟାଳିକା। ସ୍ବଳ୍ପ ମୂଲ୍ୟରେ କୋଠରି ପାଇବାରୁ ବଞ୍ଚିତ ହେବେ ପର୍ୟ୍ୟଟକ ଏବଂ ତୀର୍ଥଯାତ୍ରୀ। ପୁରୀ ବଡ଼ଦାଣ୍ଡରେ ରହିଥିବା ବଗଲା ଧର୍ମଶାଳା ଜମି ବିକ୍ରି ପଛରେ ବଡ଼ ଧରଣର ଷଡ଼ଯନ୍ତ୍ର ରହିଥିବା ସନ୍ଦେହ କରାଯାଉଛି। ଧର୍ମଶାଳା ପୁନଃନିର୍ମାଣ ନାମରେ ୩ବର୍ଷ ତଳେ ଗୋଟିଏ କୋଠା ଭଙ୍ଗା ଯାଇଥିଲା। ପୁନଃନିର୍ମାଣ ପରିବର୍ତ୍ତେ ତାହାକୁ ଖଣ୍ଡ ଖଣ୍ଡ କରି ୬ ଜଣ ଲଜିଂ ମାଲିକଙ୍କ ହାତରେ ଟେକି ଦିଆଯାଇଛି। ଲଜିଂ ମାଲିକଙ୍କ ଇଚ୍ଛାକୁ ସମ୍ମାନ ଜଣାଇ ଧର୍ମଶାଳା ଜମି ବିକ୍ରି କରାଯାଇଥିବା ନଥିପତ୍ର ଲୋକଲୋଚନକୁ ଆସିଛି। ଶ୍ରୀମନ୍ଦିର ଚତୁଃପାର୍ଶ୍ବ ସୁରକ୍ଷା କରିଡରରୁ ଉଚ୍ଛେଦ ହୋଇଥିବା ଲଜିଂ ମାଲିକଙ୍କୁ ଥଇଥାନ ନିମନ୍ତେ ବଗଲା ଧର୍ମଶାଳା ଜମିରେ ୨୬ଟି ପ୍ଲଟ୍‌ କରାଯାଇଛି। ସେଥିରୁ ୬ଟି ପ୍ଲଟ୍‌ ଜିଲାପାଳ ବିକ୍ରି କରିଥିବାବେଳେ ଆଉ ୨୦ଟି ପ୍ଲଟ୍‌ ଖୁବ୍‌ଶୀଘ୍ର ଅନ୍ୟକୁ ହସ୍ତାନ୍ତର କରାଯିବା ସମ୍ଭାବନା ରହିଛି। ଏହାର ପ୍ରତିବାଦରେ ପୁରୀ ବିଧାୟକ ଜୟନ୍ତ କୁମାର ଷଡ଼ଙ୍ଗୀଙ୍କ ନେତୃତ୍ବରେ ବିଜେପି ପକ୍ଷରୁ ବଗଳା ଧର୍ମଶାଳା ସମ୍ମୁଖରେ ଧାରଣା ଦିଆଯାଇଛି। ବିଜେପି ପକ୍ଷରୁ ଲଜିଂ ମାଲିକଙ୍କୁ ପୁରୀ ଜିଲାପାଳ ବିକ୍ରି କରିଥିବା ଜମିକୁ ବିରୋଧ କରାଯାଇଛି।

Comments are closed.